ވަޒީރުން ވެސް އިސްތިއުފާދޭން ފަށާނެ، މި ދަނީ މަޝްވަރާކުރަމުން: މަޚްލޫފް
2 ފެބުރުއަރީ 2018 | ހުކުރު 10:52މި ސަރުކާރުގެ އެމްޕީން ވެސް އިދިކޮޅާ ގުޅޭނެ
ގަލޮޅު ދެކުނު ދާއިރާގެ މެންބަރު އަހުމަދު މަޚްލޫފް
ރައީސް އަބުދުﷲ ޔާމީންގެ ކެބިނެޓްގެ ވަޒީރުން އިސްތިއުފާ ދޭން ފަށާނޭ ކަމަށާއި، އެކަމުގެ މަޝްވަރާތައް މިހާރު ކުރެވެމުންދާކަމަށް ގަލޮޅު ދެކުނު ދާއިރާގެ މެންބަރު އަހުމަދު މަޚްލޫފް ވިދާޅުވެއްޖެއެވެ.
މަޚްލޫފް ވިދާޅުވީ، އެހެނިހެން ސިޔާސީ މަގާމުތަކުގައި ތިއްބެވި ބޭފުޅުން ވެސް އިސްތިއުފާދެއްވާނެ ކަމަށެވެ. އަދި އެބޭފުޅުންނާ ވެސް މަޝްވަރާތައް ކުރެވެމުންދާ ކަމަށް މަޚްލޫފް ވަނީ ވިދާޅުވެފައެވެ. މަޚްލޫފް ކުރެއްވި އިތުރު ޓްވީޓެއްގައި ވިދާޅުވީ، ރައީސް ޔާމީންގެ އަނިޔާވެރިކަން ދައްކާ، މީހުން ހައްޔަރުކޮށް ޖލަށް ލައިގެން އަނިޔާދީ ބިރުދެއްކު ދުވަސް އެއީ މިހާރު މާޒީ ކަމަށެވެ. އޭނާ ވަނީ ދިވެހި ރައްޔިތުން ދައްކަމުންދާ ހިތްވަރަށް ޝުކުރު އަދާކޮށްފައެވެ.
ރައީސް ނަޝީދާއިއެކު، ސިޔާސީ އިތުރު އަށް ބޭފުޅަކު ދޫކޮށްލުމަށް ސުޕްރީމް ކޯޓުން ކުރި ހުކުމާ އެކު އެ އަމުރު މިހާތަނަށް ވެސް ތަންފީޒުވެފައި ނުވާތީ ސިޔާސީ މަޝްރަހު އިތުރަށް ދަނީ ހަލަބޮލިވަމުންނެވެ. އެހެންނަމަވެސް ސަރުކާރުގެ ކަމާ ގުޅޭ މުއައްސަސާތަކުން ތަކުރާރުކޮށް ބުނަމުން ދަނީ ސުޕްރީމް ކޯޓުގެ އަމުރު ތަންފީޒް ކުރުމުގެ މަސައްކަތް ކުރަމުންދާ ކަމަށެވެ.
