ދުއާ ކުރުމަކީ ގާނޫނީ ގޮތުން މަނާ ކަމަކަށް ނުވާހާ ހިނދަކު ދުއާ ކުރާނެ ކަމަށް ރައްޔިތުންގެ މަޖިލީހުގެ ގަލޮޅު ދެކުނު ދާއިރާގެ މެމްބަރު އަހުމަދު މަހްލޫފްގެ ބައްޕަ މުހައްމަދު ހައްސާން ވިދާޅުވެއްޖެއެވެ.
ރާއްޖެޓީވީއަށް ދެއްވި އިންޓަވިއުއެއްގައި ހައްސާން ވިދާޅުވީ ބަދުދުއާ ކުރި ކަމަށާއި ފުލުހުންގެ އަމުރަށް ނުކިޔަމަންތެރިވި ކަމަށް ބުނެ ފުލުހުންގެ ހައްޔަރަށް ގެންދިޔަ ނަމަވެސް އެކަން އެގޮތަށް ކޮށްފައި ނުވާ ކަމަށެވެ.
"ދުއާ ކުރުން އިރާދުކުރެއްވިއްޔާ ކުރިއަށް ދާނެ. ދެން އަޅުގަނޑަށް އެއްވެސް ފަރާތަކުން ނާންގާ ދުއާ ކުރުމަކީ މަނާ ކަމެއް ކަމަށް. ދެން ރޭގައި ބަންދުގެ ކަންކަމުގައި ގެނައި އިސްލާހުގައި ބުނެފައިވަނީ ދުއާ ކުރުމަކީ ހުއްދަ ނަގައިގެން ކުރަން ޖެހޭ ކަމަށް އަދި ހުއްދަ ނުނަގައި ކުރި ކަމަށް، އެހެން ފުލުހުން ލިޔުނު ކަމުގައި ވިޔަސް އަޅުގަނޑަކަށް ނޭނގެ ދުއާ ކުރަން ހުއްދަ ނަގަން ޖެހޭނެ ކަމެއް" ހައްސާން ވިދާޅުވިއެވެ.
ފުލުހުން ވަނީ ހައްސާނުގެ މައްޗަށް ޖިންސީ މުއާމަލާތެއް ހިންގުމަށް އެދުމުގެ މީގެ ކުރިން ކޮށްފައެވެ. އަދި ފުލުހުން ފަހުން ބުނެފައި ވަނީ އެ ތުހުމަތުކުރެވުނީ ސިސްޓަމެއް ދިމާވި މައްސަލައެއްގެ ސަބަބުން ކަމަށެވެ. މިކަމާއި ގުޅޭ ގޮތުން ހައްސާން ވިދާޅުވީ އަބުރުގެ ދައުވާ ކުރުމަށް ނުވަތަ ނުކުރުމަށް ނިންމާނީ އާއިލާ މެމްބަރުންނާއި އަނބި ދަރިންނާއި މަޝްވަރާ ކޮށްފައި ކަމަށެވެ.
