ކައިލީ ބަލިވެ އިނީ އެއްމާބަނޑު ދެކުދިންނަށްތަ؟

ރިއަލިޓީ ޓީވީ ތަރި ކައިލީ ޖޭނާ މިދިޔަ އޮކްޓޯބަރު މަހުގެ ތެރޭގައި އޭނާގެ ފުރަތަމަ ދަރިފުޅަށް ބަލިވެއިން ކަމަށް އަޑުތައް ވަނީ ފެތުރިފައެވެ.

ކައިލީ ބަލިވެ އިންކަން ރިއަލިޓީ ޑްރާމާ ސީރީޒް"ކީޕިން ވިތު ކާޑޭޝިއަން" ދައްކަމުން އަންނަ އީ! ނިއުސްއިން ވެސް ވަނީ ރިޕޯޓް ކޮށްފައެވެ. .

ކައިލީގެ އެންމެ ފަހުގެ ޚަބަރުތަކުގެ އަޑުތައް އަރާފައިވާ ގޮތުން ކައިލީ އިނީ އެއްމާބަނޑު ދެކުދިންނަށް ބަލިވެއެވެ. އަދި ބައެއް މީހުން ގަބޫލުކުރާގޮތުގައި ކައިލީ އަކީ އޭނާގެ ދައްތަ ކިމް ކާޑޭޝިއަންގެ "ސަރޮގޭޓް" އެވެ. އަނެއް މީހުން ގަބޫލުކުރާގޮތުގައި ކައިލީ ބަލިވެ އިނީ އޭނާގެ ލޯބިވެރިޔާ ޓައިގާއަށެވެ. އަދި ކައިލީ ބަލިވެ އިނީ އޭނާގެ މިހާރުގެ ލޯބިވެރިޔާ ޓްރެވިސް ސްކޮޓަށް ކަމަށް ބައެއް މީހުން ދަނީ ބުނަމުންނެވެ. އެހެން ނަމަވެސް މިއީ ތެދެއްކަމެއް އަދި ދޮގެއް ކަމެއްވެސް ކައިލީވެސް އަދި އޭނާގެ އާއިލާވެސް ހާމަކޮށްފައެއް ނުވެއެވެ.

ކައިލީ ޖޭނާ އޭނާގެ މިހާރުގެ ލޯބިވެރިޔާއާއި އެކު

ކައިލީގެ ފޭނުންނަށް އެންމެ ބޮޑު އަޖައިބަކަށްވަނީ އޭނާ އެކްޓު ކުރަމުންދާ "ކީޕިން އަޕް ވިތު ކާޑޭޝިއަން" ގައި ކައިލީ ދައްކާއިރު މިފަހަކަށްއައިސް އަބަދުވެސް އޭނާގެ މޫނު ހަމަ އެކަނި އަރާ ވަރުގެ "ކްލޯޒް އަޕް ޝޮޓެއް" ދައްކާތީއެވެ. އެމީހުން ގަބޫލު ކުރާގޮތުގައި ހަމަ އެކަނި މޫނު ދެއްކިއަސް ކައިލީގެ ބަނޑުބޮޑުކަން ސިއްރެއް ނުކުރެވޭނެއެވެ. ކައިލީ އިނީ ބަލިވެކަން ވަރަށް ރަނގަޅަށް އޭނާގެ މޫނުމަތިން ހާމަވާކަމަށާއި އޭނާ ބަލިވެއިނީ އެއްމާބަނޑު ދެ ކުދިންނަށްކަމަށް މޫނުމަތިން ޔަގީންވާ ކަމަށްވެސް އޭނާގެ ބައެއް ފޭނުންގެ ކޮމެންޓުތަކުގައި ބުނެފައިވެއެވެ.

ކައިލީ މި ފަހަކަށް އައިސް ފެންނަނީ ހަށިގަނޑުގެ ވަނާތައް ނޭނގޭ ކަހަލަ ދޫ ޓީޝާޓެއް ނުވަތަ އަތްދިގު ދޫ ގަމީހެއް ލައިގެން ހުއްޓައެވެ. އާންމުކޮށް ގަޔަށް ބާރު އަދި ހަށިގަނޑު ހާމަވާގޮތަށް ހުންނަ ހެދުންތައް ލަމުން އަންނަ ކައިލީ ދޫ އެއްޗިއްސަށް ކުއްލިއަކަށް ބަދަލުކުރީ ބަނޑުކަން ފޮރުވުމަށް ކަމަށް އޭނާގެ ފޭނުން ދެކެއެވެ.

ބައެއް ނޫސްތަކުގައި ރިޕޯޓް ކޮށްފައިވާގޮތުގައި އަންނަ އަހަރުގެ ފެބްރުއަރީ މަހުގެ ތެރޭގައި ކައިލީ ވިހާނެއެވެ.