ކ. މާލެ
|
11 ނޮވެންބަރ 2017 | ހޮނިހިރު 07:38
 އެމްޑީޕީގެ ނައިބު ރައީސް މުހައްމަދު ޝިފާޒް ރ. އަތޮޅަށް ކުރެއްވި ދަތުރުގެ ތެރެއިން
އެމްޑީޕީގެ ނައިބު ރައީސް މުހައްމަދު ޝިފާޒް ރ. އަތޮޅަށް ކުރެއްވި ދަތުރުގެ ތެރެއިން
ރާއްޖެ އެމްވީ
މުހައްމަދު ޝިފާޒު
ރައްޔިތުންގެ އުއްމީދު ހާސިލްކޮށް ނުދެއްވޭހާ ހިނދަކު ރައީސް ނަޝީދުގެ މަސައްކަތް ހުއްޓައެއް ނުލައްވާނެ: ޝިފާޒް
 
ރައީސް އަބްދުﷲ ޔާމީންގެ ވެރިކަން ނިންމަން މިތިބީ ގުޅިގެން، އަތުކުރި އޮޅާލައިގެން

ރައްޔިތުންގެ އުއްމީދު ހާސިލްކޮށް ނުދެއްވޭހާ ހިނދަކު ކުރީގެ ރައީސް މުހައްމަދު ނަޝީދު އެމަނިކުފާނުގެ މަސައްކަތް ހުއްޓައެއް ނުލައްވާނެ ކަމަށް އެމްޑީޕީގެ ނައިބު ރައީސް މުހައްމަދު ޝިފާޒް ވިދާޅުވެއްޖެއެވެ.

ގުޅިފައިވާ ޕާޓީތަކުން ރ. މަޑުއްވަރީގައި ބޭއްވި ޖަލްސާގައި ވާހަކަ ދައްކަވަމުން ޝިފާޒް ވިދާޅުވީ ރައްޔިތުންގެ އުއްމީދު ހާސިލް ކޮށްގެން ނޫނީ މިކަމަކީ ހުއްޓެން އޮތް ކަމެއް ނޫން ކަމަށް ރައްޔިތުންނަށް ދެންނެވުމަށް ރައީސް ނަޝީދު ވިދާޅުވި ކަމަށެވެ.

 "ރައީސް ނަޝީދު ވިދާޅުވި ރައްޔިތުންގެ ބޭނުން ފުދެންދެން މިމަސައްކަތް ހުއްޓައެއް ނުލާނަމޭ،" ޝިފާޒް ވިދާޅުވިއެވެ.

އެބޭފުޅުންނަކީ މުޅިން ވަކި ޕާޓީތަކެއް ކަމަށާއި އެކަމަކު ރައީސް އަބްދުﷲ ޔާމީން ވެރިކަން ނިންމަން ތިބީ ގުޅިގެން އަތުކުރި އޮޅާލައިގެން ކަމަށް ޝިފާޒް ވިދާޅުވިއެވެ.

ޝިފާޒް ވިދާޅުވީ ކޮންމެ ރައްޔިތަކު ވެސް ބޭނުންވާނީ އަސާސީ ހައްގުތައް ކަމަށާއި އެބޭފުޅުން ވެސް ރައްޔިތުންނަށް ހޯދައިދިނުމަށް މަސައްކަތް ކުރަނީ އެކަންތައްތައް ކަމަށެވެ. އެހެންކަމުން މި ވެރިކަން ވަރަށް އަވަހަށް ނިންމާނެ ކަމަށް އޭނާ ވިދާޅުވިއެވެ.

"ކޮންމެ ރައްޔިތަކު އެދޭނެ ރަނގަޅު ބޭސް ފަރުވާއަކަށް، ރަނގަޅު ދަތުރުފަތުރަކަށް. ވައްކަމާ ނުލައި އުޅުމަށް. ތިންބާރު ވަކިވެފައިވާ ނިޒާމަކަށް. އެންމެން މިކުރަނީ މިމަސައްކަތް. ތާހިރު ދިރިއުޅުމަކަށް ކުރާ މަސައްކަތް. މިދުވެލީގައި ބާރަށް ގޮސް ބަނދަރު ހިފާނަން. މިވެރިކަން ނިންމާނަން،" ޝިފާޒް ވިދާޅުވިއެވެ.

ޝިފާޒް ވިދާޅުވީ މިހާރު ޖަލަށް ލާފައި ތިއްބެވި ސިޔާސީ ލީޑަރުން މިނިވަން ކުރެވެން އޮތީ އެންމެހާ ރައްޔިތުން އެއްބާރުލުން ދީގެން ކަމަށާއި ޕާޓީތަކުގެ ހުރިހާ ލީޑަރުން ތިއްބެވީ އެއް ރޫހެއްގައި ކަމަށެވެ.

"ރައީސް ނަޝީދު މިނިވަން ކުރާނަން. އިމްރާން ސަލާމަތް ކުރާނަން. ޤާސިމަށް ކުރި ހުކުމް ބަލައެއް ނުގަންނާނަން. ފާރިސް ސަލާމަތް ކުރާނަން. ނާޒިމް ވެސް ސަލާމަތް ކުރާނަން. މިކަން ކުރެވެން އޮތީ ރައްޔިތުން އެއްބާރުލުން ދީގެން. ލީޑަރުން މިތިބީ އެއް ރޫހެއްގައި،" ޝިފާޒް ވިދާޅުވިއެވެ.

 

 

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަލީ ޔޫސުފް
0%
0%
0%
0%
0%
0%
ކޮމެންޓް