ކުޅި ހިއްކުމަށް ކުރަމުންދާ މަސައްކަތަކީ ރާއްޖޭގެ ގާނޫނާއި ގަވައިދުތަކުގެ އިމުގެ ބޭރުން ކުރާކަމެއް ކަމަށް ބުނެފައިވޭ
ކުޅުދުއްފުށީ ކުޅި
ހދ. ކުޅުދުއްފުށީ ކުޅި "ގުރުބާން" ކުރުން ވަގުތުން ހުއްޓާލުމަށް ޖަމިއްޔާތަކުން އެރަށު ކައުންސިލަށް ގޮވާލައިފިއެވެ.
ތިމާވެއްޓަށް މަސައްކަތް ކުރާ ޖަމިއްޔާތަކެއްވެސް ހިމެނޭ ގޮތަށް ކުޅުދުއްފުށީ ކައުންސިލަށް ފޮނުވާފައިވާ ސިޓީ ގައި ބުނެފައިވަނީ ކުޅުދުއްފުށީ ކުޅި ހިއްކުމަށް ކުރަމުންދާ މަސައްކަތަކީ ރާއްޖޭގެ ގާނޫނާއި ގަވައިދުތަކުގެ އިމުގެ ބޭރުން ކުރާކަމެއް ކަމަށާއި ކުޅިހިއްކުމަކީ އެރަށުގެ ރައްޔިތުންނަށް އޭގެ މަންފާ ފައިސާއިން އަގު ނުކުރެވޭވަރުގެ ގެއްލުން އޭގެން ލިބެމުންދާތީ ވަގުތުން ވަގުތަށް އެމަސައްކަތް ހުއްޓާލުމަށެވެ.
މިގޮތަށް ކުޅުދުއްފުށީ ކައުންސިލަށް ސިޓީ ފޮނުވާފައިވާ ހަތް ޖަމިއްޔާއަކީ އީކޯކެއރ، އެމްޑީއެން، ބުލޫޕީސް، ފްރެންޑްސްއެއިޑް، ވޮއިސްއިފްވިމެން އަދި އުތެމައެވެ.
ކުޅުދުއްފުށީ ކުޅި ހިއްކުމަށް ކުރަމުންދާ މަސައްކަތް ވަގުތުން ހުއްޓާލުމަށް އެ ހަތް ޖަމިއްޔާތަކުން ވަނީ ނުވަ ކަމެއް ފާހަގަ ކޮށްފައެވެ. އޭގެ ތެރޭގައި:
އެޖަމިއްޔާތަކުގެ މިބަޔާނުގައި ވަނީ ގާނޫނީ އިމުގެތެރޭގައި ކަންކުރުމަށާއި އަދި ރަށުން ބޭރުގެ ރައްޔިތުން މި ކަމާއިބެހޭގޮތުން ފާޅުކުރަމުންދާ ކަންބޮޑުވުންތަކަށް ކުޅުދުއްފުށީ ކައުންސިލުން ޖަވާބުދާރީވުމަށް އިލްތިމާސްކުރާ ކަމަށެވެ.
