ނިއުޒީ ލޭންޑުގެ އެންމެ ޒުވާން އަންހެން ބޮޑުވަޒީރަށް ޖެކިންޑާ އާޑާން

ނިއު ޒީލެންޑްގެ ނިއު ޒީލެންޑް ފަސްޓް ޕާޓީން އެގައުމުގެ ލޭބާ ޕާޓީ އާ ކޯލިޝަން ހަދަން ނިންމުމުގެ ސަބަބުން ދެން ވެރިކަމަށް ވަޑައިގަންނަވާ ލޭބާ ޕާޓީގެ ލީޑަރު ޖެކިންޑާ އާޑާން ވެވަޑައިގަންނަވާނީ ވެރިކަންކުރައްވާނެ ނިއުޒީ ލޭންޑުގެ އެންމެ ޒުވާން އަންހެން ބޮޑުވަޒީރަށެވެ.

އުމުރުން 37 އަހަރުގެ އާޑާން ވެވަޑައިގަންނަވާނީ 150 އަހަރުގެ ތެރޭ ވެރިކަން ކުރައްވާނެ އެންމެ ޒުވާން ލީޑަރަށެވެ.

ނިއު ޒީލެންޑްގެ ނިއު ޒީލެންޑް ފަސްޓް ޕާޓީގެ ލީޑަރު ވިންސްޓަން ޕީޓާސް ވަނީ އެގައުމުގެ ލޭބާ ޕާޓީ އާ އެކު ކޯލިޝަނެއް ހައްދަވަން ނިންމަވާކަން އިއުލާން ކުރައްވާފައެވެ.

ނިއު ޒީލެންޑުގެ ދަ ލިބަރަލް ގްރީން ޕާޓީން އިން ވަނީ ލޭބާގެ ކޯލިޝަނަށް ތާއިދު ކުރާނެ ކަމަށް ބުނެފައެވެ. އެހެންނަމަވެސް ސަރުކާރުގެ ބައެއްގެ ގޮތުގައި އެކީގައި މަސައްކަތް ނުކުރާނެ ކަމަށް ވެސް ބުނެފައި ވެއެވެ.

މިދިޔަ މަހުގެ 23 ވަނަ ދުވަހު ނިއު ޒީލެންޑުގައި ބޭއްވި އިންތިޚާބުގައި ސަރުކާރެއް އުފެއްދޭ މިންވަރަށް އެއްވެސް ޕާޓީއަކަށް މެޖޯރިޓީ ނުލިބުނެެވެ. ކޯލިޝަނެއް އުފައްދަން ޖެހުނީ އެހެންވެއެވެ.