ލަންކާގެ ލޯކަލް ކައުންސިލް އިންތިޚާބު ލަސްކުރަން ޖެހިދާނެކަމުގެ ބިރު ހީވެއްޖެ
މި އިންތިޚާބުގައި ވޯޓު ގުނައި އިއުލާންކުރާނީ ވޯޓުލާ މަރުކަޒުގައި
ލަންކާގެ އިންތިޚާބެއްގައި ވޯޓުލާ މަރުކަޒެއްެގެ ބޭރުގައި އާއްމުން ކިޔޫ ހަދައިގެން
އަންނަ ޖެނުއަރީ މަހު ބޭއްވުމަށް ހަމަޖެހިފައިވާ ސްރީލަންކާގެ ލޯކަލް ގަވަރމެންޓް އިންތިޚާބު ފަސްކުރަން ޖެހިދާނެކަމުގެ ބިރު ހީވެއްޖެއެވެ.
މީޑިއާ ރިޕޯޓްތައް ބުނާ ގޮތުގައި އިންތިޚާބު ފަސްކުރަން ޖެހިދާނެ ކަމުގެ ބިރު ހީވީ ލަންކާގެ އިންތިޚާބީ ނިޒާމަށް ގެންނަމުންދާ ބަދަލުތަކުގެ ސަބަބުންނެވެ. ލަންކާގެ އައު އިންތިޚާބީ ނިޒާމުގެ ތެރެއިން އިންތިޚާބު ބާއްވާނީ ބައެއް ކައުންސިލްތަކުގައި ކަމަށް ކުރިން ނިންމި ނަމަވެސް، މިހާރު ހުރިހާ ކައުންސިލެއްގެ އިންތިޚާބުވެސް އައު ނިޒާމުގެ ތެރެއިން ބޭއްވުމަށް ވަނީ ނިންމާފައެވެ. އަދި އައު ނިޒާމްގެ ދަށުން އިންތިޚާބު ބޭއްވުމަށް ބޭނުންވާ ޤާނޫންތައް ފާސްކުރުމަށް ލަންކާގެ ކެބިނެޓްގައި މިހާރު ދަނީ މަޝްވަރާކުރެވެމުންނެވެ. މީގެ އިތުރުން ލަންކާގެ ފަރުބަދަމަތީ ނުވަރައެލިޔާ ސަރަހައްދުގައި އިތުރު ކައުންސިލެއް އެކުލަވާލުމަށް ވަނީ ނިންމާފައެވެ.
މިއިންތިޚާބުގައި ވޯޓުލާ މަރުކަޒުތަކުގައި ވޯޓު ގުނާ އިއުލާން ކުރުމުގެ މަަސައްކަތް ކުރަމުން އަންނަ ކަމަށްވެސް ލަންކާގެ އިލެކްޝަންސް ކޮމިޝަނުން ބުނެއެވެ. މި އިންތިޚާބުގައި 13 ހާސް ވޯޓުލާ މަރުކަޒު ޤާއިމްކުރުމަށް ހަމަޖެހިފައިވެއެވެ.
