ވޯލްޑްކަޕް ކޮލިފައިންގައި ޖޯޖިއާ ބަލިކޮށް މެދުކެނޑުމަކަށް ފަހު، ސާބިއާ ފީފާ ވޯލްޑްކަޕުން ޖާގަ ހޯދައިފިއެވެ.
ހޯމަ ދުވަހުގެ ރޭ ކުޅުނު މެޗުން ސާބިއާ މޮޅުވީ ޖޯޖިއާއާ ވާދަކޮށް 0-1 ގެ ނަތީޖާއަކުންނެވެ.
ސާބިއާ ދަނޑުގައި ކުޅުނު މި މެޗު ފެށިގެން ބޯޅަ ކޮންޓްރޯލްކޮށް ރަނގަޅަށް ކުޅުނީ އެޓީމުންނެވެ. އެގޮތުން އެޓީމުން ވަނީ ޖޯޖިއާގެ ހާފަށް ބާރުބޮޑުކޮށް ލަނޑު ޖެހުމަށް ފުރުސަތުތަކެއް ތަނަވަސް ކޮށްފައެވެ.
ފުރަތަމަ ހާފްގައި ސާބިއާގެ އިތުރުން ޖޯޖިއާ އަށް ވެސް ވަނީ ލަނޑު ޖެހުމަށް ފުރުސަތުތަކެއް ލިބިފައެވެ. އެހެން ނަމަވެސް ފުރަތަމަ ހާފް ނިމުނީ ދެޓީމުން ކުރެ ޓީމަކަށް ވެސް ލަނޑެއް ނުޖެހި އެއްވަރުވެގެންނެވެ.
ދެވަނަ ހާފް ފެށިގެން ސާބިއާ އިން ވަނީ އެޓީމުގެ އެޓޭކްތައް ވަރުގަދަ ކޮށްފައެވެ. އެގޮތުން އެޓީމުން ދިޔައީ ފުލުފުލުގައި ޖޯޖިއާގެ ހާފަށް ބާރު ބޮޑުކުރަމުންނެވެ.
What a time to score your first goal. Aleksandar Prijovic national hero. pic.twitter.com/9bDxYjhnJx
— Serbian Football (@SerbianFooty) October 9, 2017
ސާބިއާ އިން މެޗުގެ ލީޑު ނެގީ 74 ވަނަ މިނެޓުގައި ޕްރިޖޮވިކް ކާމިޔާބުކުރި ލަނޑުންނެވެ. މި ލަނޑަށްފަހު ވެސް ސާބިއާއަށް ވަނީ ލީޑު ފުޅާކުރަން ފުރުސަތުތަކެއް ލިބި ބޭކާރުވެފައެވެ.
މި ނަތީޖާއާއެކު ސާބިއާ ވަނީ ކުޅުނު 10 މެޗުން 21 ޕޮއިންޓް ހަމަކޮށް، ގްރޫޕްގެ އެއްވަނައިގެ ގޮތުގައި ވޯލްޑްކަޕުން ޖާގަ ކަށަވަރުކޮށްފައެވެ. ސާބިއާ އެންމެ ފަހުން ވާދަކުރީ 2010 ވަނަ އަހަރުގެ ވޯލްޑްކަޕްގައެވެ. އެފަހަރު އެޓީމަށް ގްރޫޕް ސްޓޭޖު ފަހަނަ އަޅައިދެވިފައެއް ނުވެއެވެ. އެޓީމު 2014 ވަނަ އަހަރު ބްރެޒިލްގައި ބޭއްވި ވޯލްޑްކަޕަށް ކޮލިފައި ނުވެއެވެ. ސާބިއާ އަށް ވޯލްޑްކަޕްގައި އެންމެ ދުރަށް ދެވިފައިވަނީ ގަދަ 16 އާ ހިސާބަށެވެ.
ސާބިއާ 2000 ވަނަ އަހަރަށްފަހު ޔޫރޯ އަށްވެސް ކޮލިފައިނުވާއިރު، އެޓީމު ބޮޑު މުބާރާތަކުން ޖާގަ މިހޯދީ ހަ އަހަރު ފަހުންނެވެ.
The final group table. What a ride that was pic.twitter.com/uNkxt7pvOP
— Serbian Football (@SerbianFooty) October 9, 2017
