ހުޅުމާލޭގެ ސެލޫންތަކާއި ސްޕާތަކުގައި ގަވާއިދާ ހިލާފަށް މަސައްކަތް ކުރަމުން ދިޔަ 7 ބިދޭސީއަކު ހިފަހައްޓައިފި
8 ސެޕްޓެމްބަރު 2026 | އަންގާރަ 18:09ހުޅުމާލޭގައި ހިންގާ ސެލޫންތަކާއި ސްޕާތަކަށް އަމާޒުކޮށް އިމިގްރޭޝަނުން ހޯމަ ދުވަހު ހިންގި ޚާއްސަ އޮޕަރޭޝަނެއްގައި، އަށް ތަނެއް ބަލައި ފާސްކޮށް ގަވާއިދާ ހިލާފަށް އުޅުނު ހަތް ބިދޭސީއަކު ވަނީ އިދާރާގެ ބެލުމުގެ ދަށަށް ގެންގޮސްފައި. މީގެ އިތުރުން މާލެ ސަރަހައްދުގައި ގަވާއިދާ ހިލާފަށް އުޅޭ ބިދޭސީން ހޯދުމަށް ކުރިއަށްގެންދާ ސިލްސިލާ އިންސްޕެކްޝަންތަކުގެ ތެރެއިން މި މަހު މިހާތަނަށް ގިނަ އަދަދެއްގެ ބިދޭސީން ވަނީ އަތުލައިގަނެފައި
ހުޅުމާލޭގެ ސެލޫންތަކާއި ސްޕާތަކުގައި ގަވާއިދާ ހިލާފަށް މަސައްކަތް ކުރަމުން ދިޔަ 7 ބިދޭސީއަކު ހިފަހައްޓައިފި | އިމިގްރޭޝަން
ހުޅުމާލޭގެ ސެލޫންތަކާއި ސްޕާތަކުގައި ގަވާއިދާ ހިލާފަށް މަސައްކަތް ކުރަމުން ދިޔަ 7 ބިދޭސީއަކު ހިފަހައްޓައިފި އެވެ.
އަންގާރަ ދުވަހު މޯލްޑިވްސް އިމިގްރޭޝަނުން "އެކްސް" ގައި ކުރި ޕޯސްޓެއްގައި ބުނެފައިވަނީ ހުޅުމާލޭގައި ސެލޫން އަދި ސްޕާގެ ޚިދުމަތްދޭ ތަންތަނަށް އަމާޒުކޮށްގެން، ހޯމަ ދުވަހު ޚާއްސަ އިންސްޕެކްޝަނެއް ކުރިއަށް ގެންގޮސްފައިވާ ކަމަށެވެ.
މި އޮޕަރޭޝަނުގެ ތެރެއިން ޖުމްލަ 8 ތަނެއް ބަލައި ފާސްކޮށްފައިވާ ކަމަށާއި، އެ ތަންތަނުގައި މަސައްކަތް ކުރަމުންދިޔަ 26 ބިދޭސީއެއްގެ ލިޔެކިޔުންތައް ޗެކްކޮށްފައިވާ ކަމަށް އިމިގްރޭޝަނުން ބުނެ އެވެ. އެގޮތުން، މީގެ ތެރެއިން ގަވާއިދާ ޚިލާފަށް މަސައްކަތް ކުރަމުންދިޔަ 7 ބިދޭސީއަކު ކަމާބެހޭ އިދާރާތަކުގެ ބެލުމުގެ ދަށަށް ގެންގޮސްފައިވާ ކަމަށް މައުލޫމާތު ދިނެވެ.
މީގެ އިތުރުން 7 ސެޕްޓެމްބަރުގައި ވެސް އިމިގްރޭޝަނުން ވަނީ ގަވާއިދާ ހިލާފަށް ހިންގަމުންދާ ކެފޭތައް ބަލައި ފާސްކޮށް، 2 މީހަކު ހިފަހައްޓާފަ އެވެ. އަދި މި މަހު 4 ވަނަ ދުވަހު މާލެ އޭރިއާ ބަލާ ފާސްކުރުމުގެ ތެރޭގައި 426 ބިދޭސީން ޗެކްކުރުމަށްފަހު އޭގެ ތެރެއިން 13 މީހަކު ވަނީ އިމިގްރޭޝަންގެ ބެލުމުގެ ދަށަށް ގެންގޮސްފަ އެވެ.
