މާދެލި މަސް ފެކްޓަރީއެއް ގޮތުގައި ތަރައްގީ ކޮށްދޭނެ ކަމަށް ރައީސް މުއިއްޒު ވައުދުވެވަޑައިގަތީ ރިސޯޓް ތަރައްގީ ކުރަން އެ ރަށް ބަޔަކަށް ދީފައި އޮއްވައި!
5 ސެޕްޓެމްބަރު 2026 | ހޮނިހިރު 08:36ދ. މާދެލީގައި މަސް ފެކްޓަރީއެއް އެޅުމަށް ރައީސް ޑރ. މުއިއްޒު ވެވަޑައިގެންނެވި ވައުދާ އެއްގޮތަށް އެ މަސައްކަތް ކުރިއަށް ނުދާތީ ހުޅުދެލި ކައުންސިލުން ވަނީ ކަންބޮޑުވުން ފާޅުކޮށްފައި. އެ ރަށުގައި މިހާރު ރިސޯޓެއް ތަރައްގީ ކުރަމުންދާތީ، މަސް ފެކްޓަރީ އެޅުމުގެ މަޝްރޫއު ފ. ނިލަންދުއަށް ބަދަލުކުރުމަށް ސަރުކާރުން ވަނީ ނިންމާފަ
މާދެލި މަސް ފެކްޓަރީއެއް ގޮތުގައި ތަރައްގީ ކޮށްދޭނެ ކަމަށް ރައީސް މުއިއްޒު ވައުދުވެވަޑައިގަތީ ރިސޯޓް ތަރައްގީ ކުރަން އެ ރަށް ބަޔަކަށް ދީފައި އޮއްވައި! | ރާއްޖެ އެމްވީ
ދ. މާދެލި މަސް ފެކްޓަރީއެއްގެ ގޮތުގައި ތަރައްގީކޮށްދެއްވާނެ ކަމަށް ރައީސް ޑރ. މުހައްމަދު މުއިއްޒު ވައުދުވެވަޑައިގެންނެވި ނަމަވެސް، އެ ރަށް ފަތުރުވެރިކަމަށް ތަރައްގީ ކުރަމުންދާތީ ދ. ހުޅުދެލި ކައުންސިލުން އެކަމުގެ ކަންބޮޑުވުން ފާޅުކޮށްފި އެވެ.
މިކަމާ ގުޅިގެން ކަންބޮޑުވުން ފާޅުކުރައްވަމުން، ހުޅުދެލީ ކައުންސިލްގެ ރައީސް އަހްމަދު ނަސްރު "ރާއްޖެ ޓީވީ" އަށް ވިދާޅުވީ، މާދެއްޔަކީ އަބަދުވެސް ހުޅުދެލީގެ ރައްޔިތުން އެ ރަށުގެ ބައެއްގެ ގޮތުގައި ބަލައިގަންނަ ރަށެއް ކަމަށެވެ. އަދި އެ ރަށުގައި މަސް ފެކްޓްރީ އެއް ޤާއިމުކުރެވިގެންދާނެ ކަމުގެ ޔަޤީންކަން ސަރުކާރުން މީގެ ކުރިން ދެއްވާފައިވާ ކަމަށްވެސް އޭނާ ވިދާޅުވި އެވެ.
ހުޅުދެއްޔަށް އެކަމުގެ ލާބައާއި މަންފާ ކުރާނެ ކަމަށް އެއީ މިރަށަކީ މަސްވެރި ރަަށަކަށް ވެފައި، މިރަށް މި ގޮތަށް އޮތީމަ މަސްވެރިންނަށް އެންމެ ފައިދާ ބޮޑު ވާނީ މާދެލި މަސްފެކްޓްރީއަކަށް ހެދިއްޔާތާ، އެގޮތަށް އެކަން އޮއްވާ ވައުދު ވެފައި އޮތީ، ވައުދު ފޮތުގައި ވެސް އެބައޮތް އެ ވާހަކަ، އެއީ މި މަސްކިރާ ތަނަކަށް ހަދާނެ ކަމަށްހުޅުދެލީ ކައުންސިލްގެ ރައީސް އަޙްމަދު ނަޞްރު
ނަސްރު ވިދާޅުވި ގޮތުގައި، މާދެލީގައި މަސް ފެކްޓްރީއެއް ޤާއިމުކުރުމަށް ރައީސް ޑރ. މުއިއްޒު ވައުދުވެވަޑައިގެންނެވީ، ފަތުރުވެރިކަމަށް އެ ރަށް ތަރައްގީކުރުމަށް ދޫކޮށްފައި ވަނިކޮށެވެ. އަދި މިހާރުވެސް އެ ރަށުގައި ރިސޯޓު ހެދުމުގެ މަސައްކަތް ކުރިއަށްދާކަން އޭނާ ފާހަގަކުރެއްވި އެވެ.
ހުޅުދެލި އޮތް ސަރަހައްދަކީ މަސްވެރިކަމަށް އެންމެ ރަނގަޅު ހިސާބުކަން ފާހަގަކުރައްވައި، ނަސްރު ވަނީ އެ ރަށުގައި އައިސް ޕްލާންޓެއް ނެތުމުން މަސްވެރިންނަށް ދިމާވާ ދަތިތައް ހިއްސާކޮށް އެކަމުގެ ކަންބޮޑުވުން ފާޅުކޮށްފައި އެެވެ.
މާދެލީގައި މަސް ފެކްޓަރީއެއް ގާއިމުކުރުމަކީ 2023 ވަނަ އަހަރުގެ ރިޔާސީ އިންތިޚާބުގެ ކެމްޕޭންގެ ތެރޭގައި ރައީސް ޑރ. މުހައްމަދު މުއިއްޒު ވެވަޑައިގެންނެވި ވައުދެކެވެ. ނަމަވެސް، އެ ރަށް ރިސޯޓެއްގެ ގޮތުގައި ތަރައްޤީކުރުމަށް ކުރިން ބަޔަކާ ހަވާލުކޮށްފައިވާތީ، އެ މަސް ފެކްޓަރީ ފ. ނިލަންދު އަށް ބަދަލުކުރުމަށް ފިޝަރީޒް މިނިސްޓްރީން ވަނީ ނިންމަވައިފަ އެވެ.
