ކައުންސިލް އިންތިހާބާ ދިމާކޮށް ހުޅުދެލި ބިން ހިއްކާ ސަރަހައްދު ފާހަގަކުރަން ދިދަ ޖެހި، މިހާރު އެ ދިދަތައް ވަނީ ވަޔާ ވެއްޓިފައި
4 ސެޕްޓެމްބަރު 2026 | ހުކުރު 15:01ދ. ހުޅުދެލި ބިންހިއްކުމުގެ މަޝްރޫއު ފެށުމަށް ގެނައި ހައިމާކު ހަލާކުވެ، އެ މަސައްކަތް އެއްކޮށް ހުއްޓިފައިވާ ކަމަށް އެ ރަށު ކައުންސިލުން ވަނީ ބުނެފައި. މި މަޝްރޫއަކީ މަޖިލިސް އިންތިހާބާ ދިމާކޮށް ރައީސް މުއިއްޒު ވެވަޑައިގެންނެވި ވައުދުފުޅަކަށް ވީނަމަވެސް، އަމަލީ މަސައްކަތް ކުރިއަށް ނުދާތީ ކައުންސިލުން ވަނީ ކަންބޮޑުވުން ފާޅުކޮށްފައި
ދ. ހުޅުދެލި ބިން ހިއްކާ ސަރަހައްދު ފާހަގަކުރަން ދިދަ ޖެހި ކަމަށާއި ނަމަވެސް އެ ދިދަތައް މިހާރު ވަނީ ވަޔާ ވެއްޓިފައި ކަމަށް ހުޅުދެލި ކައުންސިލުގެ ރައީސް އަހުމަދު ނަސްރު ވަނީ ވިދާޅުވެފައި | ރާއްޖެއެމްވީ
ކައުންސިލް އިންތިހާބާއި ދިމާކޮށް ދ.ހުޅުދެލި ބިންހިއްކާ ސަރަހައްދު ފާހަގަކުރަން ދިދަ ޖެހި ނަމަވެސް، އެ ދިދަތައް މިހާރު ވަނީ ވަޔާ ވެއްޓިފައި ކަމަށް ހުޅުދެލި ކައުންސިލުގެ ރައީސް އަހުމަދު ނަސްރު ވިދާޅުވެއްޖެ އެވެ.
ރާއްޖެޓީވީއަށް ދެއްވި އިންޓަވިއުއެއްގައި ނަސްރު ވިދާޅުވީ މި މަޝްރޫއަށް ގެނަސްފައިވަނީ އެއް ހައިމާކެއް އަދި ޕިކަޕެއް އެކަނި ކަމަށާއި މަސައްކަތް ކޮށްފައިވަނީ ހަމައެކަނި އެންމެ ރެޔަކު ކަމަށެވެ. އަދި ގެނަސްފައިވާ ހައިމާކު މިހާރު އޮތީ ހަލާކުވެފައި ކަމަށް އޭނާ ވިދާޅުވި އެވެ.
ކައުންސިލު އިންތިހާބާ ދިމާކޮށް ދިދަ ވެސް ޖަހާފަ ހުރީ. މިހާރު އެ ދިދަތައް އޮތީ އޮޔާ ވެއްޓިފައި. މި ރަށަށް އެރުވީ ހަމައެކަނި ޕިކަޕަކާއި ހައިމާކެއް އެކަނި. ހައިމާކު ނުގެންދެވިފައި މިއޮތީ އޭގެ އިންޖީނު ހަލާކުވެފައި އޮތީމަ. މަސައްކަތް ކުރީ އެއްރޭ އެކަނިއަހުމަދު ނަސްރު
ނަސްރު ވިދާޅުވީ މުވައްޒަފުންގެ ޒިންމާއަކީ ހައިމާކު އަރާ ގޮތަށް ފޮޓޯއެއް ނެގުން އެކަނި ކަމަށެވެ. އަދި މުވައްޒަފުންނަށް އެއްވެސް މަސައްކަތެއް ހަވާލު ނުކުރާ ކަމަށް ނަސްރު ވިދާޅުވި އެވެ.
ހުޅުދެލި ބިން ހިއްކުމުގެ މަޝްރޫއު އަކީ ރައްޔިތުންގެ މަޖިލީހުގެ އިންތިހާބާއި ދިމާކޮށް ރައީސް ޑރ. މުހައްމަދު މުއިއްޒު ވެވަޑައިގެންނެވި ވައުދުފުޅެކެވެ. އަދި މި މަޝްރޫއުގެ މަސައްކަތް 2026 ގެ ޖުލައި މަހު ފެށިގެންދާނެ ކަމަށް ރައީސް މުއިއްޒު އޭރު ވަނީ ވިދާޅުވެފަ އެވެ.
