ދ. ހުޅުދެލީގައި ބިނާކުރާ މިސްކިތުގެ އަމަލީ މަސައްކަތް ފެށިތާ 2 އަހަރު، މިހާރު ކުރިއަށްދަނީ ވިނަ ނޮޅުމުގެ މަސައްކަތް!
1 ސެޕްޓެމްބަރު 2026 | އަންގާރަ 13:49ދ. ހުޅުދެލީގައި އައު މިސްކިތެއް ބިނާކުރުމުގެ މަސައްކަތް ލަސްވަމުންދާތީ އާއި އެ ރަށުގެ އާބާދީއާ ނުބައްދަލު ކުޑަ މިސްކިތެއް ބިނާކުރާތީ އެ ރަށު ކައުންސިލުން ކަންބޮޑުވުން ފާޅުކޮށްފި. މި މަޝްރޫއާ ގުޅޭ އެއްވެސް މައުލޫމާތެއް ސަރުކާރުން ހިއްސާނުކުރާކަން ފާހަގަކުރައްވައި، ކައުންސިލްގެ ރައީސް ވިދާޅުވީ މިހާރު ކުރިއަށްދަނީ ހަމައެކަނި ވިނަ ނޮޅުމުގެ މަސައްކަތް ކަމަށް
ދ. ހުޅުދެލިގައި ބިނާކުރާ މިސްކިތުގެ އަމަލީ މަސައްކަތް ފެށިތާ 2 އަހަރު، މިހާރު ކުރިއަށްދަނީ ވިނަ ނޮޅުމުގެ މަސައްކަތް! | ރާއްޖެ އެމްވީ
ދ. ހުޅުދެލީގައި ބިނާކުރުމުގެ މަޝްރޫއު ފިނިހަކަ ދުވެލީގައި ކުރިއަށް ދާތީ އެކަމުގެ ކަންބޮޑުވުން ހުޅުދެލީ ކައުންސިލުން ފާޅުކޮށްފި އެވެ.
މިކަމުގެ ކަންބޮޑުވުން ފާޅުކުރައްވާ ހުޅުދެލީ ކައުންސިލްގެ ރައީސް އަހުމަދު ނަސްރު ރާއްޖެޓީވީއަށް ދެއްވި އިންޓަވިއުއެއްގައި ވިދާޅުވީ، މި މަޝްރޫއަށް ބިން ކަނޑައަޅާފައިވަނީ ރައީސް އިބްރާހީމް މުހައްމަދު ސޯލިހުގެ ސަރުކާރުގައި ކަމަށެވެ. އަދި އަމަލީ މަސައްކަތް ފަށާފައިވަނީ މި ސަރުކާރު އައިފަހުން ކަމަށް ވިދާޅުވި އެވެ.
ނަމަވެސް ރައީސް ޑރ. މުހައްމަދު މުއިއްޒުގެ ސަރުކާރަށް ދެ އަހަރާއި ބައިވެގެން ދިޔައިރު ވެސް، މި މަޝްރޫއު ފިނިހަކަ ދުވެލީގައި ކުރިއަށް ދާތީ އެކަމުގެ ކަންބޮޑުވުން ނަސްރު ފާޅުކުރެއްވި އެވެ. އަދި މިހާރު ކުރިއަށް ދަނީ ވިނަ ނޮޅުމުގެ މަަސައްކަތް ކަމަށް ވެސް އޭނާ ވިދާޅުވި އެވެ.
މި ސަރުކާރަކީ ކައުންސިލާ އެއްވެސް ވަރަކަށް މަޝްވަރާ ކުރާ ސަރުކާރެއް ނޫން ކަމަށް ވެސް ނަސްރު ވިދާޅުވި އެވެ. އެގޮތުން މި މަޝްރޫއުގެ އެއްވެސް އަދާހަމައެއް ނުލިބޭ ކަމަށާއި އިތުރު ތަފްސީލެއް ކައުންސިލަށް ނޭނގޭ ކަމަށެވެ.
އަދި ކައުންސިލުން ބޮޑު ބިމެއް ކަނޑައަޅާދީފައި އޮތްއިރު ވެސް، ކުޑަ މިސްކިތެއް އަޅާތީ އެކަމުގެ ކަންބޮޑުވުން ވެސް ނަސްރު ވަނީ ފާޅުކުރައްވާފަ އެވެ.
ދެން އަނެއްކާ މި ބިމަކީ 10000 އަކަ ފޫޓުގެ ބިމެއް، އެކަމަކު މިތަނަށް މި ލިބިފައި މިއިނީ 250 މީހުންގެ މިސްކިތެއް އަސްލު މި ޒަމާނަކަށް ވެސް މިތަން ފިޓެއް ވެސް ނޫން، މިތާ ޖެހިގެން މިއޮތް ރިނބިދޫ ގާތްގަނޑަކަށް ހަތަރުސްތޭކައެއް ހާ އާބާދީ އުޅޭ ތަނެއް، އެތަނުގެ މިސްކިތެއް އަޅާ އެބަ 500 މީހުންގެ، އެކަމަކު މިގޮތަށް ފިނިހަކަ ސްޕީޑްގައި ދަނީއަހުމަދު ނަސްރު
ދ. ހުޅުދެލީގައި މިސްކިތެއް ބިނާކުރުމަށް އެލައިޓް އިންޓަރނޭޝަނަލް ޕްރައިވެޓް ލިމިޓެޑާއެކު އެއްބަސްވުމެއްގައި ސޮއިކުރީ 2023 ވަނަ އަހަރުގެ ޑިސެންބަރު މަހުގެ ތެރޭގަ އެވެ. އަދި މި އެއްބަސްވުމުގައި މިނިސްޓްރީގެ ފަރާތުން ސޮއިކުރީ އިސްލާމިކް މިނިސްޓަރު ޑރ. މުހައްމަދު ޝަހީމު އަލީ ސައީދު އެވެ.
