ގުރައިދޫގައި ހުންނަ ޚާއްޞަ އެހީއަށް ބޭނުންވާ މަރުކަޒަކީ "ސްޓޭޓް އޮފް ދި އާޓް" މަރުކަޒަކަށް ހަދަނީ
18 އޯގަސްޓު 2026 | އަންގާރަ 16:37ކ. ގުރައިދޫގައި ހުންނަ ޚާއްޞަ އެހީއަށް ބޭނުންވާ މަރުކަޒު، ޒަމާނީ ހުރިހާ ވަސީލަތްތަކެއް ހިމެނޭ "ސްޓޭޓް އޮފް ދި އާޓް" ފެންވަރަށް ތަރައްޤީކުރުމަށް ވަޒީރުންގެ މަޖިލީހުން ނިންމައިފި. މި މަޝްރޫޢުގެ ދަށުން އެ މަރުކަޒު އަޕްގްރޭޑްކުރުމަށް ބޭނުންވާ އެހީތެރިކަން ކަމާބެހޭ ފަރާތްތަކުން ހޯދައިގެން ކުރިއަށް ގެންދިއުމަށް ސަރުކާރުން ވަނީ ކަނޑައަޅާފައި
ކ. ގުރައިދޫގައި ހުންނަ ޚާއްސަ އެހީއަށް ބޭނުންވާ މަރުކަޒަށް ކުރެއްވި ޒިޔާރަތުގައި އެ މަރުކަޒުގައި ހުރި މީހެއްގެ ހާލު ކުރީ ސަރުކާރުގެ ނައިބު ރައީސް ފައިސަލް ނަސީމް ބައްލަވަނީ | ރައީސް އޮފީސް
ގުރައިދޫގައި ހުންނަ ޚާއްޞަ އެހީއަށް ބޭނުންވާ މަރުކަޒަކީ "ސްޓޭޓް އޮފް ދި އާޓް" މަރުކަޒަކަށް ހެދުމަށް އަންގާރަ ދުވަހު އޮތް ކެބިނެޓް ބައްދަލުވުމުގައި ނިންމައިފި ކަމަށް ރައީސް އޮފީހުން ހާމަކޮށްފި އެވެ.
އެ ގޮތުން މާލެއަތޮޅު ގުރައިދޫގައި ހުންނަ ޚާއްޞަ އެހީއަށް ބޭނުންވާ މަރުކަޒަކީ ހުރިހާ ޚިދުމަތްތަކެއް ލިބޭ "ސްޓޭޓް އޮފް ދި އާޓް" މަރުކަޒަކަށް ހެދުމަށްޓަކައި، އެ މަރުކަޒު އަޕްގްރޭޑްކުރުމުގެ ކަންކަމަށް ބޭނުންވާ ހުރިހާ އެހީތެރިކަމެއް ކަމާބެހޭ ފަރާތްތަކުން ހޯއްދައިގެން މިކަން ކުރިއަށް ގެންދެވުމަށް ވަޒީރުންގެ މަޖިލީހުން ވަނީ ނިންމާފައި ކަމަށް ރައީސް އޮފީހުން ވަނީ ބުނެފަ އެވެ.
