އޮސްޓްރިޔާގައި މޫނުނިވާ ކުރުން މަނާކޮށްފި
ޔޫރަޕްގެ އެހެން ބައެއް ގައުމުތަކުގައި ވެސް މޫނު ނިވާކުރުމަކީ މަނާކަމެއް
މޫނުނިވާކޮށްގެން ހުރި އަންހެނެއް
އޮސްޓްރިޔާގައި ދީނީ ބޭނުމަށާއި އަދިވެސް އެހެނިހެން ބޭނުންތަކަށް މޫނުނިވާ ކުރުން އާދީއްތަ ދުވަހުން ފެށިގެން މަނާކޮށްފިއެވެ.
މިގޮތުން ހޮސްޕިޓަލުން ބޭރުގައި ސާޖިކަލް މާސްކް އެޅުމާއި، ސްކީ ކުރާތަންތަނުން ބޭރުގައި ސްކީ މާސްކް އެޅުމާއި އަދި ޕަބްލިކް ތަންތަނުގައި ޕާޓީ މާސްކް އެޚުމަކީ މަނާ ކަމެއްގެ ގޮތުގައި ވަނީ ހަމަޖައްސާފައެވެ.
މޫނު ފޮރުވުން މަނާކުރުމާ ދެކޮޅުހަދާ ފަރާތްތައް ގާތްގަނޑަކަށް 180 ޔޫއެސް ޑޮލަރުން ޖޫރިމަނާ ކުރެވޭނެއެވެ. މީގެ އިތުުރުން ފުލުހުން މޫނު ދައްކަން އަންގައިފި ނަމަ، މޫނު ނުދައްކައިފި ނަމަ ފުލުހުންނަށް ބާރުގެ ބޭނުން ކުރެވޭނެއެވެ.
އޮސްޓްރިޔާގައި 700،000 އެއްހާ މުސްލިމުން އުޅެއެވެ.
އޮސްޓްރިޔާގައި މޫނުނިވާ ކުރުން މަނާކުރުމާ ގުޅިގެން އެކްޓިވިސްޓުންނާ އަދި އެހެނިހެން ފަރާތްތައް ވެސް ދަނީ އެކަމަށް ފާޑުކިޔަމުންނެވެ. އެފަރާތްތަކުން ބުނަމުން ދަނީ "އެކަމަކީ ނަތީޖާއެއް ނުނިކުންނާނެ ކަމެއް ކަމަށާއި" އަދި "މުސްލިމުންނާ މެދު ތަފާތުކުރުން" ދަށްކުވައިދޭ ކަަމެއް ކަމަށެވެ. އަދި މޫނުނިވާކުރުން މަނާކަމެއްގެ ގޮތުގައި ހަމަޖެއްސުމަކީ ހުޅިވިފައިވާ މުޖުތަމައުގެ ކޮންސެޕްޓާ ހިލާފުކަމެއް ކަަމަށް ވެސް އެ ފަރާތްތަކުން ބުނެއެވެ.
