މިފްކޯއިން މަސްވެރިންނަށް3.4 ލައްކަ އަށްވުރެ ގިނަ ރުފިޔާ އަދާހަމައަށް ދޫކޮށްފި
މިފްކޯއިން މަސްވެރިންނަށް ދޫކުރަންޖެހޭ ފައިސާގެ ތެރެއިން 3.4 ލައްކައަށްވުރެ ގިނަ ރުފިޔާ ޖޫން 22 ގައި ދޫކުރުމަށް ވަނީ ތާވަލުކޮށްފަ.
މޯލްޑިވްސް އިންޑަސްޓްރިއަލް ފިޝަރީޒް ކަމްޕެނީ ލިމިޓެޑް (މިފްކޯ) | ޕީއެސްއެމް
މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ (މިފްކޯ) އިން މަސްވެރިންނަށް ދޭންޖެހޭ ފައިސާގެ ތެރެއިން 3 ލައްކައަށްވުރެ ގިނަ ރުފިޔާ ދޫކުރުމަށް ނިންމައި އެކަމުގެ ތަފްސީލުތައް އާންމުކޮށްފިއެވެ. މިފްކޯއިން އާންމުކޮށްފައިވާ ތަފާސްހިސާބުތަކަށް ބަލާއިރު، 20 ޖޫން 2026 އާ ހަމައަށް މަސްވެރިންނަށް ދޫކުރުމަށް ހަމަޖެހިފައިވާ ޖުމްލަ ފައިސާގެ އަދަދަކީ 349,555.00 ރުފިޔާއެވެ.
މި ފައިސާ ދޫކުރުމަށް ހަމަޖެހިފައިވަނީ ތިން ކެޓަގަރީއަކަށް ބަހާލައިގެންނެވެ. އެގޮތުން 8 ދޯންޏަކަށް 341,380.00 ރުފިޔާ ދޫކުރިކަމަށް މިފްކޯއިން މައުލޫމާތު ދީފައިވެއެވެ. މީގެ އިތުރުން ކަންނެލި ( 15 ކިލޯއިން މަތި ) އެއް ދޯންޏަކަށް 8,175.00 ރުފިޔާ ދޫކުރިކަމަށް އަދި ކަންނެލި (10 ކިލޯއިން މަތި ) އެއްވެސް ދޯންޏަކަށް ފައިސާ ދޫކުރަން ނެތްކަމަށް މިފްކޯގެ ތަފާސްހިސާބުތަކުން ދައްކައެވެ.
މިފްކޯއިން މަސްދޯނިފަހަރަށް ކިރުވި މަހުގެ ރިޕޯޓް
މި ހުރިހާ ފައިސާއެއްވެސް މަސްވެރިންނަށް ދޫކުރުމަށް ތާވަލުކޮށްފައިވަނީ 22 ޖޫން 2026 ގައެވެ. މިފްކޯއިން ހާމަކޮށްފައިވާ ގޮތުގައި މި ފައިސާ ދޫކުރުމުގެ މަސައްކަތް ކުރިއަށްދާނީ ކަނޑައެޅިފައިވާ އުސޫލުތަކުގެ މަތިންނެވެ. މި ފައިސާ ދޫކުރުމާއެކު ޖުމްލަ 9 ދޯންޏަކަށް ފައިސާ ލިބިގެންދާނެއެވެ.
މަސްދަރު: MIFCO
