ޑޮލަރު ކާޑުން މާލީ މުއާމަލާތް ހިންގައިގެން ކޮންމެ ހަފްތާއަކު 1000 ޑޮލަރު ލިބޭ ޕްރޮމޯޝަނެއް!
ބީއެމްއެލްގެ ޑޮލަރު ޑެބިޓް ކާޑަށް އަލަށް އެދޭ ފަރާތްތަކަށް ޚާއްޞަކޮށްގެން ކުރިއަށްގެންދާ މި ޕްރޮމޯޝަން ޖުލައި މަހުގެ 30 ވަނަ ދުވަހުގެ ނިޔަލަށް ކުރިއަށްދާނެ. މި މުއްދަތުގެ ތެރޭގައި ކާޑު ބޭނުންކޮށްގެން މަދުވެގެން 100 ޑޮލަރުގެ މުއާމަލާތެއް ހިންގާ ފަރާތްތަކުގެ މެދުގައި ނެގޭ ގުރުއަތުން ކޮންމެ ހަފުތާއަކު ނަސީބުވެރިއަކަށް 1000 ޑޮލަރު ލިބޭނެ. މީގެ ތެރޭގައި އޮންލައިން ވިޔަފާރިތަކާއި، ޓިކެޓް ނެގުމާއި އަދި ޑިޖިޓަލް ޚިދުމަތްތަކަށް ފައިސާ ދެއްކުން ފަދަ ކަންކަން ހިމެނޭ.
ބީއެމްއެލްގެ އެޕްލިކޭޝަނުން މީހަކު ޚިދުމަތް ހޯދަނީ. | ބެންކް އޮފް މޯލްޑިވްސް
ޑޮލަރު ކާޑުން މާލީ މުއާމަލާތް ހިންގައިގެން ކޮންމެ ހަފްތާއަކު 1000 ޑޮލަރު ލިބޭ ޕްރޮމޯޝަނެއް ބޭންކް އޮފް މޯލްޑިވްސް (ބީއެމްއެލް) އިން ފަށައިފި އެވެ.
އާދިއްތަ ދުވަހު ބީއެމްއެލުން ބުނީ، ޑޮލަރު ޑެބިޓް ކާޑުން މާލީ މުއާމަލާތް ހިންގައިގެން ކޮންމެ ހަފްތާއަކު 1000 ޑޮލަރު ލިބޭ ޕްރޮމޯޝަނެއް ފަށާފައިވާ ކަމަށާއި، ޕްރޮމޯޝަން 30 ޖުލައިގެ ނިޔަލަށް (ހަތް ހަފްތާއަށް) ކުރިއަށް ދާނެ ކަމަށެވެ.
ބީއެމްލުން ބުނީ، މި ޕްރޮމޯޝަންގައި ބައިވެރިވުމަށް ބޭންކުން ދޫކުރާ ޑޮލަރު ޑެބިޓް ކާޑަކަށް އަލަށް އެޕްލައިކުރަންޖެހޭ ކަމަށެވެ. އަދި އެ ކާޑުން މަދުވެގެން 100 ޑޮލަރުގެ މުއާމަލާތްތައް ކުރަންޖެހޭ ކަމަށް އެބޭންކުން ބުނެ އެވެ.
އެގޮތުން ޑޮލަރު ޑެބިޓް ކާޑުން ވިޔަފާރި ކޮށްގެންނާއި ސަބްސްކްރިޕްޝަންތަކަށް ފައިސާ ދައްކައިގެންނާއި ޓިކެޓް ނަގައިގެންނާއި ޑިޖިޓަލް ޚިދުމަތްތަކަށް ފައިސާ ދައްކައިގެން މި ޕްރޮމޯޝަންގައި ބައިވެރިވެވޭނެ ކަމަށް ބީއެމްއެލުން ބުނެ އެވެ.
