ސްޕެނިޝް ލަލީގާ: ޑެނި ސެބަލޮސްގެ ދެ ގޯލުން ރެއާލް މޮޅުވެއްޖެ

ޑެނި ސެބަލޮސްގެ ދެ ގޯލުން، 1-2 ގެ ނަތީޖާއަކުން ޑިޕޯޓިވޯ އަލަވޭސްގެ މައްޗަށް، ރެއާލް މެޑްރިޑުން ރޭ ކުރި ހޯދައިފިއެވެ.

އަލަވޭސްގެ އަމިއްލަ ދަނޑުގައި ކުޅުނު މި މެޗުގައި ރެއާލްއިން ރަނގަޅު ކުޅުމެއް ދެއްކިއިރު، އެޓީމުގެ ފުރަތަމަ ގޯލް މެޗުގެ 10 ވަނަ މިނެޓްގައި ކާމިޔާބުކޮށްދީ ލީޑުނަގައިދިނީ މާކޯ އެސެންސިއޯގެ އެހީތެރިކަމާއެކު ޑެނި ސެބަލޮސްއެވެ.

ރެއާލްއިން މެޗުގެ ކުރީކޮޅި ލަނޑޭއް ޖަހާ މެޗުގެ ލީޑުނެގިނަމަވެސް މެޗުގެ 40 ވަނަ މިނެޓުގައި އަލަވޭސްއިން ވަނީ ލަނޑެއް ޖަހާ ނަތީޖާ ހަމަހަމަކޮށްފައެވެ. ނަމަވެސް ފުރަތަމަ ހާފް ނިމުމުގެކުރިން، 43 ވަނަ މިނެޓުގައި ސެބަލޮސްވަނީ ރެއާލްގެ ދެވަނަ ލަނޑު ޖަހާ ދެވަނަ ފަހަރަށް ލީޑުނަގާދީފައެވެ.

ރެއާލްއިން ލީޑުގައި އޮވެ މެޗުގެ ފުރަތަމަ ހާފު ނިމުނުއިރު، ފަހު ހާފަށް ކުޅެން ނިކުމެވެސް ރެއާލްއިން ވަނީ މޮޅަށް ކުޅެ އަލްވޭސްގެ ގޯލަށް ނުރައްކާތެރި ގިނަ ހަމަލާތަކެއް ފޮނުވާލާފައެވެ.

އެގޮތުން ރޮނާލްޑޯ ފޮނުވާލި ނުރައްކާތެރި ތިން ހަމަލާގެ ތެރެއިން ދެހަމަލަ ގޯލުގެ ދަނޑިއަށް އަމާޒުވިއިރު އަނެއް ހަމަލާ ވަނީ ކީޕަރު މަތަކޮށްފައެވެ.

ރޭގެ މޮޅާއެކީ ރެއާލް މިވަގުތު އޮތީ 11 ޕޮއިންޓާއެކީ، ސްޕެނިޝް ލީގުގެ ހަތަރުވަނާގައެވެ. ރެއާލް ހަތަރު ވަނައިގައި އޮތްއިރު އެއްވަނައިގައި 18 ޕޮއިންޓާއެކު އޮތީ ބާސެލޯނާއެވެ. ދެވަނައިގައި 14 ޕޮއިންޓާއެކީ އޮތީ އެތްލެޓިކޯ މެޑްރިޑެވެ. ރެއާލް އަތުން ބަލިވި އަލްވޭޒް އޮތީ، އެއްވެސް ޕޮއިންޓެއް ނުލިބި ލީގުގެ އެންމެ ފުލުގައެވެ.

ލީގުގައި ރެއާލް ދެން ބައްދަލުކުރާނީ، އެސްޕަންޔޯލައާއެވެ. މި މެޗު ކުޅޭނީ އަންނަމަހުގެ 1 ގައި ރެއާލްގެ ދަނޑުގައެވެ.