ތަފާތު ޚަބަރު
ޗާލްސް ބްރޭޑްލީ
ޗާލްސް ބްރޭޑްލީ އުމުރުން 68 އަހަރުގައި މަރުވެއްޖެ
އޭނާ ވަނީ 3 އަލްބަމެއް ރިލީޒްކޮށްފައި
ތަހާރަތު މުހައްމަދު ވަހީދު, ރާއްޖެ އެމްވީ | 24 ސެޕްޓެމްބަރު 2017 | އާދީއްތަ 06:28
ޗާލްސް ބްރޭޑްލީ
ޗާލްސް ބްރޭޑްލީ އުމުރުން 68 އަހަރުގައި މަރުވެއްޖެއެވެ. އޭނާ މަރުވެފައިވަނީ ކެންސަރަށް ފަރުވާކުރަނިކޮށް ހޮނިހިރުދުވަހުގައި އެމެރިކާގެ ނިއުޔޯކްގައެވެ.
އޭނާގެ އެންމެ ފުރަތަމަ އަލްބަމް "ނޯޓައިމް ފޯ ޑްރީމިން" ރިލީޒްކޮށްފައިވަނީ 2011 ވަނަ އަހަރުގައެވެ. އެއަށްފަހު އޭނާ ވަނީ އިތުރު ދެ އަލްބަމެއް ނެރެފައެވެ. އެއީ 2013 ވަނަ އަހަރު ނެރުނު "ވިކްޓިމް އޮފް ލަވް" އަދި 2016 ވަނަ އަހަރު ނެރުނު "ޗޭންޖެސް" އެވެ.
ބްރޭޑްލީ ކެންސަރަށް ފަރުވާ ކުރަން ފަށާފައިވަނީ މިދިޔަ އަހަރުގައެވެ. ބްރޭޑްލީ މަރުވެފައިވަނީ އޭނާގެ 2017 ވަނަ އަހަރުގެ ޓުއާ މީގެ ދެހަފްތާ ކުރިން ކެންސަލް ވެފައިވަނިކޮށެވެ.
ޗާލްސް ބްރޭޑްލީ އުފަންވެފައިވަނީ 5 ނޮވެމްބަރު 1948 ގައެވެ.
