ސަފާރީއަކުން ޑައިވިންގ އަށް ދިޔަ އިޓަލީގެ 5 މީހަކު މަރުވެފައި ތިއްބާ ފެނިއްޖެ
ވ. އަތޮޅުގައި އޮތް ސަފާރީއަކުން ޑައިވިންގ އަށް ދިޔަ އިޓަލީގެ ފަސް ފަތުރުވެރިން ގެއްލިގެން ރިޕޯޓްކޮށްފައިވަނީ ބުރާސްފަތި ދުވަހުގެ މެންދުރުފަހު. މަރުވި މީހުންގެ ތެރޭގައި އެއް އާއިލާއަކަށް ނިސްބަތްވާ ހަތަރު މީހަކާއި ޑައިވިންގ އިންސްޓްރަކްޓަރަކު ހިމެނޭއިރު، ފުލުހުން ދަނީ މި ހާދިސާ ހިނގަން މެދުވެރިވި ސަބަބު އިތުރަށް ތަހުގީގު ކުރަމުން. މި ހިތާމަވެރި ހާދިސާއާ ގުޅިގެން ބަލަންޖެހޭ ކަންކަން ބެލުމަށް ފަހު އިތުރު މައުލޫމާތު ހިއްސާކުރާނެ ކަމަށް ފުލުހުން ވަނީ ބުނެފަ.
ރާއްޖޭގެ އޮޕަރޭޓް ކުރާ ސަފާރީ އެއް: ސަފާރީ އެއްގަ ޑައިވިން އަށް ދިޔަ 5 މީހަކު މަރުވެފައި އޮއްވައި ފެނިއްޖެ ކަމަށް ފުލުހުން ވަނީ ބުނެފަ | މޯލްޑިވްސް ޓްރެވަލް އިންސައިޑާ
ވ. އަތޮޅުގައި އޮތް ސަފާރީ އަކުން ޑައިވިންގ އަށް ދިޔަ އިޓަލީގެ ފަސް މީހަކު ގެއްލިގެން ހޯދަމުން ދަނިކޮށް، އެ އެންމެން މަރުވެފައި ތިއްބާ ފެނިއްޖެ އެވެ.
މި ހާދިސާ ހިނގާފައިވަނީ ބުރާސްފަތި ދުވަހުގެ ވަގުތެއްގަ އެވެ.
މައުލޫމާތު ލިބިފައިވާ ގޮތުގައި، މި ހާދިސާގައި ނިޔާވެފައިވަނީ އިޓަލީ އަށް ނިސްބަތްވާ ފަސް މީހުންނެވެ. މީގެ ތެރޭގައި ހިމެނެނީ އެއް އާއިލާއަކަށް ނިސްބަތްވާ ހަތަރު މީހަކާއި ޑައިވިންގ އިންސްޓްރަކްޓަރެއް ކަމަށް ރާއްޖެ އެމްވީ އަށް ވަނީ މައުލޫމާތު ލިބިފަ އެވެ.
ފުލުހުން ހާމަކުރި ގޮތުގައި، ވ. އަތޮޅުގައި އޮތް ސަފާރީ އަކުން ޑައިވިންގ އަށް ދިޔަ ފަސް މީހަކު ގެއްލިފައިވާ ކަމުގެ ރިޕޯޓް ފުލުހުންނަށް ލިބިފައިވަނީ ބުރާސްފަތި ދުވަހު މެންދުރުފަހު 13:45 އެހައިކަންހާއިރު އެވެ. މި ރިޕޯޓު ލިބުމާއެކު ކަމާބެހޭ ފަރާތްތަކުން ވަނީ އެމީހުން ހޯދުމުގެ މަސައްކަތް ވަގުތުން ފަށާފަ އެވެ.
މި ހާދިސާއާ ގުޅިގެން ފުލުހުން ބުނީ، މިކަމުގައި ބަލަންޖެހޭ ކަންކަން އިތުރަށް ތަހުގީގު ކުރަމުންދާ ކަމަށެވެ. އަދި މި ހާދިސާއާ ގުޅޭ އިތުރު މައުލޫމާތު ލިބެމުންދިޔަ ވަރަކަށް އާންމުންނާ ހިއްސާ ކުރަމުންދާނެ ކަމަށްވެސް ފުލުހުން ބުންޏެވެ.
