ހަމަލާ އަމާޒު ކުރީ އަހަރެންނަށް ކަމަށް ބެލެވިދާނެ: ޓްރަމްޕް

އެމެރިކާގެ ވައިޓް ހައުސްގައި ކުރިއަށް ދިޔ އިވެންޓެއްގެ ތެރެއިން ދިން ބަޑީގެ ހަމަލާ އަމާޒު ކުރީ އޭނާ އަށް ކަމަށް ބެލެވިދާނެ ކަމަށް، އެމެެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެ އެވެ.

ވައިޓް ހައުސްގައި ކުރިއަށް ދިޔަ އިވެންޓެއްގައި ޓްރަމްޕް ބައިވެރިވެ ވަޑައިގަންނަވަނިކޮށް ހަަމަލާ ދިންއިރު، ވަގުތުން ވަނީ ޓްރަމަޕް އެ ތަނުން ނެރެފަ އެވެ. ޓްރަމްޕްގެ އިތުރުން އަނބިކަނބަލުން މެލާނިއާަ ޓްރަމްޕް އާއި، އެމެރިކާގެ ނައިބު ރައީސް ޖޭޑީ ވޭންސް ވެސް އެ އިވެންޓުގައި ބައިވެރިވެ ވަޑައިގެންނެވި އެވެ.

ވައިޓް ހައުސްގައި އޮތް ނޫސްވެރިންގެ ބައްދަލުވުމުގައި ވާހަކަ ދައްކަވަމުން ޓްރަމްޕް ވިދާޅުވި، އެ ހަމަލާ އަމާޒު ކުރީ އޭނާ އަށް ކަމަށް ބެލެވިދާނެ ކަމަށެވެ. ޓްރަމްޕް އެހެން ވިދާޅުވީ، އެއީ އޭނާ އަށް އަމާޒު ކުރި ހަމަލާއެއް ކަމަަަށް ބެލެވިދާނެތޯ ނޫސްވެރިން ސުވާލު ކުރުމުންނެވެ. 

ވައިޓް ހައުސްގައި ދިން ބަޑީގެ މި ހަމަލާ އަކީ އޭނާ އަށް އަމާޒުކޮށް ދިން ހަމަލާއެއް ކަމަަށް ޓްރަމްޕް ވިދާޅުވި އިރު، މީގެ ކުރިން ވެސް ވަނީ އޭނާ އަށް އަމާޒުކޮށް ހަމަލާ ދީފަ އެވެ. އެގޮތުން 2024 ވަނަ އަހަރު އޮތް އެމެރިކާގެ ރިޔާސީ އިންތިޚާބުގެ ތެރޭގައި ވެސް ޓްރަމްޕް އަށް އަމާޒުކޮށް ވަނީ ހަމަލާ ދީފަ އެވެ.