މުޒަަހަރާގައި އުމުރުން ދުވަސްވީ މީހެއްގެ ޚާއްސަ މެސެޖެއް ރައީސް މުއިއްޒު އަށް
އެމްޑީޕީން ބާއްވާ ސިލްސިލާ މުޒާހަރާތަކުގެ ތެރެއިން، ރައީސް ޑރ. މުހައްމަދު މުއިއްޒު ވެރިކަމުގެ ހުވަޔާއި ގާނޫނުއަސާސީއާ ހިލާފުވެވަޑައިގަންނަވާ ކަމަށް ބުނެ އާންމުންގެ މީހަކު ވަނީ ފާޑުކިޔައިފަ.
އެމްޑީޕީން ބޭއްވި އިހުތިޖާޖެއްގެ ތެރެއިން އުމުރުން ދުވަސްވީ މީހަކު ވާހަކަދައްކަނީ. | ރާއްޖެ އެމްވީ
މިހާރު އިދިކޮޅު އެމްޑީޕީ އިން ބާއްވާ ސިލްސިލާ މުޒާހަރާތަކުގެ ތެރެއިން ހޮނިހިރު ދުވަހުގެ މުޒާހަރާގައި އުމުރުން ދުވަސްވީ މީހަކު ރައީސް ޑރ. މުހައްމަދު މުއިއްޒު އަަަަށް ޚާއްސަ މެސެޖެއް ދީފި އެވެ.
މުޒާހަރާގައި ވާހަކަ ދެއްކި އުމުރުން ދުވަސްވީ ފިރިހެނަކު ވަނީ ވައްކަމާއި ކޮރަޕްޝަނަށް ރައީސް ޑރ. މުއިއްޒު ޖަވާބުދާރީ ވާން ޖެހޭ ދުވަހެއް އަންނާނެކަން ހަނދާންކުރުމަށް ގޮވާލާފަ އެވެ. ދެކަމެއްގެ ސަބަބުން ރައީސް މުއިއްޒު ހުންނެވީ ވަޒީފާ އިން ވަކިވާންޖެހިފައި ކަމަަށް އޭނާ ވަނީ ބުނެފަ އެވެ.
ފުރަތަމަ ކަމަކީ މުއިއްޒު ކުރައްވާފައިވާ ހުވަޔާއި ހިލާފްވުން ކަމަށް އޭނާ ވަނީ ބުނެފަ އެވެ. އަނެއްކަމަކީ ޤާނޫނުއަސާސީ އާއި ޚިލާފުވުން ކަމަަށް އޭނާ ބުނެފައި ވެ އެވެ.
"އެއީ މުއިއްޒު ވެރިކަމަށް އައިސް ބޭނުންހާ އެއްޗެއް ހަދާން އޮތް އެއްޗެއް ނޫނޭ. އެއީ ވަރަށް ގިނަ ބަޔަކު ވަރަަަށް ގިނަ ދުވަސް ވަންދެން މި ގައުމު ހިންގަން ވަރަށް ފުރިހަމަ އަށް ލިޔެފައިވާ އެއްޗެއް." އޭނާ ވަނީ ބުނެފަ އެވެ.
އޭނާ ވަނީ ރައްޔިތުންގެ ޓެކްސް ފައިސާ އަށް މުއިއްޒު ހިޔާނާތްތެރިވާ ކަމަަށް ވެސް ތުހުމަތުކޮށްފަ އެވެ. ދިވެހި ފައިސާ ރައީސް ބޭނުންހާ ގޮތަކަަަށް ހޭދަ ނުކުރެވޭނެ ކަމަށް ވެސް އޭނާ ބުންޏެވެ. މުޒާހަރާތަކުގައި ބައިވެރިވެ އާއްމުން ދަނީ އާއްމުންގެ ކަންބޮޑުވުންތައް ހިއްސާ ކުރަމުންނެވެ. މުޒާހަރާ އޮންނަނީ ކޮންމެ ރެއަކު 09:00ން 12:00 އަށެވެ. މުޒާހަރާ ފަށަނީ އެމްޑީޕީގެ މައި ޖަގަހަ ކައިރިންނެވެ.
