2026 ވަނަ އަހަރުގެ ފުރަތަމަ ކުއާޓަރގައި ޓީޓީ އަށް 106.2 މިލިއަން ޑޮލަރު ބީއެމްއެލް އިން ވިއްކާފައިވޭ
2026 ވަނަ އަހަރުގެ ފުރަތަމަ ކުއާޓަރުގައި ބީއެމްއެލްއަށް ސާފު ފައިދާގެ ގޮތުގައި 631 މިލިއަން ރުފިޔާ ލިބިފައިވާ އިރު، މިއީ ކުރީ އަހަރާ އަޅާބަލާއިރު 27 އިންސައްތައިގެ ކުރިއެރުމެެއް. މި މުއްދަތުގައި ޓީޓީ ހެދުމަށާއި ރާއްޖެއިން ބޭރުގެ މުއާމަލާތްތަކަށް ބޭންކުން ދޫކުރި ޑޮލަރުގެ މިންވަރު ވަނީ ބޮޑުތަނުން އިތުރުކޮށްފަ.
ބީއެމްއެލްގެ ސީއީއޯ އަދި އެމްޑީ މުހައްމަދު ޝަރީފް | ރާއްޖެ އެމްވީ
2026 ވަނަ އަހަރުގެ ފުރަތަމަ ކުއާޓަރގައި ޓީޓީ އަށް 106.2 މިލިއަން ޑޮލަރު ބީއެމްއެލް އިން ވިއްކާފައިވާ ކަމަށް ބޭންކް އޮފް މޯލްޑިވްސް އިން ބުނެފި އެވެ.
އެ މައުލޫމާތުތައް ހާމަކޮށްދެއްވީ ބީއެމްއެލްގެ ސީއީއޯ އަދި އެމްޑީ މުހައްމަދު ޝަރީފް އެވެ.
ބީއެމްއެލް އިން ބޭއްވި ނޫސްވެރިންގެ ބައްދަލުވުމެއްގައި ހާމަކޮށްފައިވާ ގޮތުގައި އެޕްރިލް މަހު އެކަނި އަންގާރަ ދުވަހުގެ ނިޔަަލށް ޓީތީގެ ގޮތުގައި 27 މިލިއަން ޑޮލަރު ވަނީ ވިއްކާފަ އެވެ. އެއީ 7200 ޓީޓީ އެވެ. މި ހަފްތާގައި ފާއިތުވި ދެ ދުވަހު 2 މިލިއަން ޑޮލަރު ޓީޓީގެ ގޮތުގައި ވަނީ ވިއްކާފަ އެވެ. އެއީ 615 ޓީޓީ އެވެ.
2026 ވަނަ އަހަރުގެ ސާފު ފައިދާގެ ގޮތުގައި 631 މިލިއަން ރުފިޔާ ލިބިފައިވާ އިރު އެއީ 2025 ވަނަ އަހަރާއި އަޅާ ބަލާ އިރު 27%އިގެ ކުރިއެރުމެކެވެ. 2026 ވަނަ އަހަރު ލިބުނު އާމްދަނީގެ އަގު 1.24 ބިލިއަން ރުފިޔާ އަށް އަރަ އެވެ. 2026 ވަނަ އަހަރުގެ ފުރަތަމަ ކުއާޓަރ ނިންމާލީ ބާރު ދުވެލީގައި ކަމަށާއި ހިންގުމުގެ ފައިދާގެ ގޮތުގައި 879 މިލިއަން ރުފިޔާ ބޭންކަަށް ލިބިފައިވެއެވެ.
ޓީޓީ އަށް ދޫކުރާ ޑޮލަރ ސަޕޯޓް ކުރިން 1000 ޑޮލަރާއި ހަމައަށް 5% ހުރި އިރު މިހާރު އެ އަދަދު 10،000 ޑޮލަރު، 50% އަށް ވަނީ އިތުރުކޮށްފަ އެވެ. އެ ބަދަލު ގެނައީ މިދިޔަ އަހަރުގެ ތެރޭގަ އެވެ.
ރާއްޖެއިން ބޭރަށް ފައިސާ ފޮނުވުމަށާއި ރާއްޖެއިން ބޭރު ކާޑުގެ މުޢާމަލާތްތަކަށް ވިއްކާފައިވާ ޑޮލަރުގެ ތަފާސްހިސާބަށް ބަލާ އިރު 2025 ވަނަ އަހަރު އެ އަދަދު ހުރީ 565.5 މިލިއަން ޑޮލަރުގަ އެވެ. 2024 ވަނަ އަަހަރު އެ އަދަދު ހުރި 333.5 މިލިއަން ޑޮލަރުގަ އެވެ. 2026 ވަނަ އަހަރުގެ ފުރަތަމަ ކުއަރޓާގައި 226 މިލިއަން ޑޮލަރު ވަނީ ރާއްޖެ އިން ބޭރަށް ފަިސާ ފޮނުވުމަށާއި ރާއްޖެ އިން ބޭރުން ކުރާ މުއާމަލާތްތަކަށް ވިއްކާފަ އެވެ.
2026 ވަނަ އަހަރުގެ ފުރަތަމަ ކުއާޓަރގައި ޓީޓީ އަށް ޑޮލަރު ވިއްކާފައި ވަނީ 106.2 މިލިއަން ޑޮލަރެވެ. 2025 ވަނަ އަހަރު މަހަކަށް 14.6 މިލިއަން ޑޮލަރު ޓީޓީ އަށް ވިއްކާފައި ވާއިރު 2026 ވަނަ އަހަރުގެ 1 ވަނަ ކުއާޓަރގައި މަހަކަށް 35.4 މިލިއަން ޑޮލަރު ޓީޓީ އަށް ވަނީ ވިއްކާފަ އެވެ.
ބޭންކުން މަސައްކަތް ކުރާނީ މެދުނުކެނޑި ވިޔަަފާރިތަކާއި އާންމު ފަރުދުންގެ މުހިންމު ބޭނުންތަކަށް ބޭރުފައިސާގެ އެހީތެރިކަން ފޯރުކޮށްދިނުމަށް ކަމަށް އެ ބޭންކުން ވަނީ ބުނެފަ އެވެ. އަދި ބީއެމްއެލް އަބަދުވެސް ދެމި އޮންނާނީ އަމިއްލަަަ ފަރުދުންނާއި ވިޔަަފާރިތަކާއި މުޅި މުޖްތަމައު އަށް އެހީތެރިވެދޭ ބައިވެރިއެއްގެ ގޮތުގައި ކަމަށް ވެސް އެ ބޭންކުން ބުނެ އެވެ.
