އޭޝިއަން ޓެލެކޮމް އެވޯރޑްސް 2026 ގެ "މޯލްޑިވްސް ބްރޯޑްބޭންޑް ޓެލެކޮމް ކޮމްޕެނީ އޮފް ދި އިޔަރ" އެވޯޑް ދިރާގަށް
ރާއްޖޭގެ މީހުން ދިރިއުޅޭ ހުރިހާ ރަށެއްގެ ގޭބިސީތަކަށް ހައިސްޕީޑް ފައިބަރ ބްރޯޑްބޭންޑް ފޯރުކޮށްދިނުމަށް ދިރާގުން ކުރި މަސައްކަތް ބައިނަލްއަގުވާމީ ފެންވަރުގައި ފާހަގަކޮށް، އެ ކުންފުންޏަށް "އޭޝިއަން ޓެލެކޮމް އެވޯޑްސް" ލިބިއްޖެ. މިއީ ރާއްޖޭގެ ޑިޖިޓަލް މުސްތަގުބަލު ބިނާކުރުމަށް ކުރާ މަސައްކަތަށް ލިބުނު ބޮޑު ކުރިއެރުމެއް ކަމަށް ދިރާގުން ދެކޭ. މީގެ އިތުރުން، އެ ކުންފުނިން ވަނީ ރާއްޖޭގެ އާބާދީގެ ބޮޑު ބަޔަކަށް 5ޖީގެ ޚިދުމަތް ފޯރުކޮށްދީ، ދާދި ފަހުން އޫކްލާގެ ޝަރަފުވެރި އެވޯޑުތަކެއް ވެސް ކާމިޔާބުކޮށްފަ.
މޯލްޑިވްސް ބްރޮޑްބޭންޑް ޓެލެކޮމް ކޮމްޕެނީ އޮފް ދި ޔަރ އެވޯޑް ލިބުނީ ދިރާގަށް. | ދިރާގު
މި އަހަރުގެ އޭޝިއަން ޓެލެކޮމް އެވޯރޑްސްގެ "މޯލްޑިވްސް ބްރޯޑްބޭންޑް ޓެލެކޮމް ކޮމްޕެނީ އޮފް ދި އިޔަރ" އެވޯރޑް ދިރާގުން ހާސިލުކޮށްފި އެވެ.
އޭޝިއަން ޓެލެކޮމް އެވޯރޑްސް އަކީ މި ސަރަހައްދުގެ މުވާސަލާތީ ސިނާއަތުގެ ކާބިޔާބީތައް ފާހަގަކޮށް، ޒަމާނީ ޑިޖިޓަލް މާހައުލެއް ބިނާކުރުމަށް ކުންފުނިތަކުން ހޯދާފައިވާ ކުރިއެރުންތައް ފާހަގަކޮށް ދޭ އެވޯޑެކެވެ. މިގޮތުން، ދިރާގަށް މި ލިބުނު އެވޯޑަކީ ދިވެހިރާއްޖެ މީހުން ދިރިއުޅޭ ހުރިހާ ރަށެއްގެ، ހުރިހާ ގެއަކަށް، 100 އިންސައްތަ ހައިސްޕީޑް ފައިބަރ ބްރޯޑްބޭންޑްގެ ހިދުމަށް ފޯރުކޮށްދިނުމަށް ހޯދާފައިވާ ކާމިޔާބީގެ މައްޗަށެވެ.
ދިރާގުގެ ސީއީއޯ އަދި މެނޭޖިންގ ޑިރެކްޓަރ، އިސްމާޢީލް ރަޝީދު ވިދާޅުވި އޭޝިއަން ޓެލެކޮމް އެވޯޑްސް 2026 ގައި ރާއްޖޭގެ ބްރޯޑްބޭންޑް ޓެލެކޮމް ކުންފުންޏަކަށް އެވޯރޑް ލިބުމަކީ، ލިބުނު ވަރަށް ބޮޑު އުފަލަކާއި ޝަރަފެއް ކަމަށެވެ. އަދި މިއީ، އެންމެ މަތީ ފެންވަރުގެ ޑިޖިޓަލް ހިދުމަތްތަކާއި ތަޖުރިބާތައް ފޯރުކޮށްދިނުމަށްޓަކައި ދިރާގުން ކުރަމުންގެންދާ މަސައްކަތްތަކަށް ލިބުނު އިތުރު ކުރިއެރުމެއް އަދި ހިތްވަރެއް ކަމަށެވެ. އޭނާ ވިދާޅުވީ މިއަދު ރާއްޖޭގެ ކޮންމެ ގޭބީސީއަކަށް ވެސް ހައި ސްޕީޑް އިންޓަރނެޓްގެ ދޮރު ވަނީ ހުޅުވިފަ އެވެ. އެހެންކަމުން، މިއީ ރާއްޖެއަށް ވެސް ލިބުނު ވަރަށް ބޮޑު ކުރިއެރުމެއް، އަދި ފަހުރުވެރި ކާމިޔާބީއެއް ކަމަށެވެ.
ދިވެހިރާއްޖޭގެ މީހުން ދިރިއުޅޭ ހުރިހާ ރަށަކަށާއި، ރިސޯޓުތަކުގެ އިތުރުން ސިނާއީ މަސައްކަތްކުރާ ރަށްރަށަށް 100 އިންސައްތަ 4ޖީ ހިދުމަތް ދިރާގުން ވަނީ ކަށަވަރުކޮށްދީފަ އެވެ. މީގެ އިތުރުން، ރާއްޖޭގެ މީހުން ދިރިއުޅޭ ހުރިހާ ރަށެއްގެ ގޭބިސީއަކަށް ހައިސްޕީޑް ފައިބަރ ބްރޯޑްބޭންޑްގެ ހިދުމަތް ފޯރުކޮށްދީފައިވާއިރު، ރާއްޖޭގެ އާބާދީގެ 73 އިންސައްތައަށް މިހާރު ދިރާގުގެ 5ޖީ ހިދުމަތް ލިބެމުންދެ އެވެ.
ދާދި ފަހުން ދިރާގަށް ވަނީ އޫކްލާ ސްޕީޑް ޓެސްޓްގެ ފަރާތުން ދޭ 'ފާސްޓަސްޓް 5ޖީ ނެޓްވާރކް'، 'ބެސްޓް 5ޖީ ނެޓްވާރކް' އަދި 'ބެސްޓް 5ޖީ ގޭމިންގ އެކްސްޕީރިއަންސް' އެވޯރޑު 2025 ގެ ކުއާޓާ 1 އަދި 2 އަށް ލިބިފަ އެވެ.
ދިރާގުގެ އަމާޒަކީ ކަސްޓަމަރުންނަށް އިތުރު ލުއިފަސޭހަތަކެއް ގެނެސްދީ، ފާގަތި، ޑިޖިޓަލް މުސްތަގްބަލެއް ބިނާކުރުމަށް މަގުފަހިކޮށްދިނުމެވެ.
