ފީއަލީ ޞިއްޙީ މަރުކަޒުގައި އޮތް ޙާލު ބޮޑު ބަލި މީހަކު ސީއެމްބިއުލާންސް އާ ހަމައަށް ގެންދަން ޖެހުނީ ރަށު ޕިކަޕެއްގައި
ފީއަލީގައި އޮތް ޕެރަމެޑިކް އެމްބިއުލާންސް މަރާމާތު ނުކޮށް ގިނަ ދުވަސްތަކެއް ވަންދެން ބޭއްވުމަށްފަހު، ރައީސުލްޖުމްހޫރިއްޔާ އެ ރަށަށް ކުރެއްވި ދަތުރުފުޅާ ދިމާކޮށް އެ އުޅަނދު ރަށަށް ގެނައި ނަމަވެސް، އެމްބިއުލާންސް ބޭނުން ނުކުރެވޭތީ ބަލިމީހުން އުފުލަން ޖެހެނީ ރަށު ޕިކަޕުގައި. މިކަމާ ގުޅިގެން އާންމު ރައްޔިތުންގެ ޝަކުވާ ބޮޑުވެފައިވާއިރު، އަސާސީ ޚިދުމަތްތަކުގެ ފެންވަރު ދަށްވެ، ކަމާބެހޭ އިދާރާތަކުން މި މައްސަލަ ހައްލުކުރުމަށް އެކަށީގެންވާ މަސައްކަތެއް ނުކުރާކަމުގެ ޝަކުވާ ވަނީ އިތުރުވެފައި.
ފީއަލީގައި އޮތް ހާލުބޮޑު ބަލި މީހަކު ރަށުޕިކަޕުގައި ބަނދަރަށް ގެންގޮސްފައި | ރާއްޖެއެމްވީ
ފ. ފީއަލީ ޞިއްޙީ މަރުކަޒުގައި އޮތް ޙާލު ބޮޑު ބަލި މީހަކު ފ. ނިލަންދޫ އަށް ގެންދަން، ސީއެމްބިއުލާންސް އާ ހަމައަށް ގެންދަން ޖެހުނީ ރަށު ޕިކަޕެއްގައި ކަން ހާމަވެއްޖެ އެވެ.
ރާއްޖެއެމްވީއަށް މައުލޫމާތު ދިން މީހަކު ބުނީ މިކަން ހިނގީ އަންގާރަ ދުވަހު އެވެ. އޭނާ ބުނީ ފީއަލީގައި ޕެރަމެޑިކް އެންމެ ފަހުގެ އެމްބިއުލާންސެއް އެބަ އޮތް ކަމަށެވެ. އަދި ކުރިން ބޭނުން ކުރަމުން ދިޔަ ކުޑަ ދެ އެމްބިއުލާންސް ނީލަމުގައި ވިއްކާލާފައިވާ ކަމަށެވެ. މައުލޫމާތު ދިން މީހާ ބުނީ އެރަށުގައި އޮތް ޕެރަމެޑިކް އެމްބިއުލާންސަށް މީގެ ކުރިން ދިމާވި މައްސަލައަކާ ގުޅިގެން މާލެއަށް ގެންދިޔަ ކަމަށާއި ނަމަވެސް 4 މަސް ފަހުން އެއްވެސް މަރާމާތެއް ނެތި އަޑީތެޔޮ ބަދަލުކޮށް ރައީސް ޑރ. މުހައްމަދު މުއިއްޒު ފީއައްޔަށް ވަޑައިގަންނަވާތީ އަނބުރާ ރަށަށް ގެނައި ކަމަށެވެ.
ނަމަވެސް އެމްބިއުލާންސް އޮއްވާ ވެސް ފީއަލީ ޞިއްޙީ މަރުކަޒުގައި އޮތް ޙާލު ބޮޑު ބަލި މީހަކު ނިލަންދޫ އަށް ގެންދަން، ސީއެމްބިއުލާންސް އާ ހަމައަށް ގެންދަން ޖެހުނީ ރަށު ޕިކަޕެއް (ބަގީ) ގައި ކަމަށް މައުލޫމާތު ދިން މީހާ ބުންޏެވެ.
ޕެރަމެޑިކް ބޮޑު އެމްބިއުލާންސް ހަލާކުވެގެން މާލެ ގެނައީ 2025 ވަނަ އަހަރުގެ މެއި މަހުގެ ތެރޭގަ އެވެ. އެމްބިއުލާންސް މާލޭގައި އޮންނަތާ ހަތަރު މަސް ފަހުން ފީއައްޔަށް ގެނައީ ސެޕްޓެމްބަރު މަހު އެވެ.
"ޖެހުނު މައްސަލަ ޙައްލު ނުކޮށް، ހަމަ އެކަނި ތެޔޮ ބަދަލު ކޮށްލައި، ދުއްވޭ ގޮތަށް ހެދުމަށް ފަހު ރަށަށް ގެނައީ ރައީސް މުޢިއްޒުގެ ދަތުރުފުޅާ ދިމާކޮށް މަންޒަރު ރީތި ކޮށްލަން" ފީއަލިން ވާހަކަ ދެއްކި މީހާ ބުންޏެވެ.
އޭނާ ބުނީ މިއީ މިއަދު ރަށުގެ އެންމެ އަސާސީ ޚިދުމަތުގެ ޙާލަތު އޮތް ހިސާބު ކަމަށެވެ. މައްސަލަ ހައްލުކުރަން އިދާރާތަކުގެ ވެރިން އެއްވެސް ވަރަކަށް މަސައްކަތް ކުރާތަނެއް ނުފެންނަ ކަމަށް އޭނާ ބުންޏެވެ.
