ކައުންސިލް އިންތިޚާބާއި ޑަބްލިއުޑީސީ އަށް ކުރިމަތިލާން އިތުރުކޮށް ދިން ސުންގަޑީގެ މުއްދަތު އާދިއްތަ ދުވަހު ހަމަވާނެ.

ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބު 2026 އަށް ކުރިމަތިލާން އިތުރުކޮށް ދިން ސުންގަޑީގެ މުއްދަތު އާދިއްތަ ދުވަހު ހަމަވާނެ. .

އިލެކްޝަންސް  ކޮމިޝަނުގެ ނަންބަރު (IUL)38-AC/38/2026/43 (17 ޖަނަވަރީ 2026) އަދި ނަންބަރު (IUL)38-AC/38/2026/44 (17 ޖަނަވަރީ 2026) އިޢުލާނާ ހަވާލާދީ އާ އިއުލާނެއް އިލެކްޝަންސް ކޮމިޝަނުން މިމަހުގެ 28 ވަނަ ދުވަހު އާންމު ކޮއްފައިވެއެވެ. 

Advertisement

އެ ކައުންސިލުން ނެރުނު އިއުލާނުގައި ބުނީ ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބު 2026 އަށް ކުރިމަތިލުމަށް އެދޭ ފަރާތްތަކުގެ ފޯމު އޮންލައިންކޮށް ކޮންމެ ދުވަހަކު ހުށަހެޅޭނެ ވަގުތު 2 (ދޭއް) ގަޑިއިރަށް އިތުރުކޮށްފައިވާ ކަމަށެވެ.  2026 ޖަނަވަރީ 28 ވަނަ ދުވަހުން ފެށިގެން 2026 ފެބުރުވަރީ 1 ވާ އާދިއްތަ ދުވަހުގެ ނިޔަލަށް، ހުކުރު ދުވަސް ފިޔަވައި ކޮންމެ ދުވަހަކު ހެނދުނު 8:30 އިން ހަވީރު 05:30 އަށް އަދި ހުކުރު ދުވަހު މެންދުރުފަހު 03:30 އިން ރޭގަނޑު 08:00 އަށް އިތުރުކޮށްފައިވާ ކަމަށް ވެސް އެ ކޮމިޝަނުން ބުނެފައި ވެ އެވެ.

އިލެކްޝަންސް ކޮމިޝަނުން ކުރިން  ކައުންސިލާއި ޑަބްލިއުޑީސީ އަށް ކުރިމަތިލުމަށް ފުރުސަތު ހުޅުވާލީ 2026 ޖަނަވަރީ 17 ވާ ހޮނިހިރު ދުވަހުން ފެށިގެން، 2026 ފެބުރުވަރީ 01 ވާ އާދިއްތަ ދުވަހުގެ 15:30 އާ ހަމައަށެވެ.

ކުރިޔަށް އޮތް ލޯކަލް ކައުންސިލް އިންތިޚާބާއި އަންހެނުންގެ ތަރައްގީއަށް މަސައްކަތްކުރާ ކޮމިޓީ (ޑަބްލިއުޑީސީ) ގެ އިންތިޚާބަށް ވާދަކުރާ ކެންޑިޑޭޓުންގެ ފޯމު ހުށަހަޅުމުގެ ވަގުތު އިލެކްޝަން ކޮމިޝަން (އީސީ)ން އިތުރު ކުރި ނަމަވެސް މައްސަލައަށް ހައްލު ނުލިބޭ ކަމަށާއި، ދުވަސް އިތުރު ކޮށްދިނުމަށް މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) އިން ވަނީ ގޮވާލާފަ އެވެ.  އިންތިޚާބަށް ފޯމް ހުށަހަޅުމަށް އިތުރު ދުވަސް ދިނުމަށް އެމްޑީޕީ އިން ވަނީ ގޮވާލާފަ އެވެ. އިތުރަށް 10 ދުވަސް ދިނުމަށް އެމްޑީޕީ އިން ވަނީ އެދިފަ އެވެ. ނަމަވެސް އެކަމަށް މިހާތަނަށް އިޖާބަ ދީފަ އެއް ނުވެ އެވެ.