ތިލަފުށިން ބިދޭސީއަކު ގެއްލިގެން ހޯދަނީ
ފުލުހުން މީޑިއާ އާ ހިއްސާ ކުރެއްވި މެސެޖެއްގައި ބުނީ ތިލަފުށީ ސައިޓެއްގައި މަސައްކަތްކުރާ ބިދޭސީ އަކު، މި މަހުގެ 26 ވަނަ ދުވަހުން ފެށިގެން ގެއްލިފައިވާ މައްސަލައެއް ޖަނަވަރީ މަހުގެ 28 ވަނަ ދުވަހު ހުށަހަޅާފައިވާ ކަމަށް.
ތިލަފުށި | ސޯޝަލް މީޑިއާ
ސިނާއީ މަސައްކަތް ކުރުމަށް ހާއްސަ މާލެ އަތޮޅު ތިލަފުށިން ބިދޭސީއަކު ގެއްލިގެން ހޯދަން ފަށައިފި އެވެ.
ފުލުހުން މީޑިއާ އާ ހިއްސާ ކުރެއްވި މެސެޖެއްގައި ބުނީ ތިލަފުށީ ސައިޓެއްގައި މަސައްކަތްކުރާ ބިދޭސީ އަކު، މި މަހުގެ 26 ވަނަ ދުވަހުން ފެށިގެން ގެއްލިފައިވާ މައްސަލައެއް ޖަނަވަރީ މަހުގެ 28 ވަނަ ދުވަހު ހުށަހަޅާފައިވާ ކަމަށެވެ.
ގެއްލިގެން ހޯދަމުން ދަނީ ކޮން ގައުމެއްގެ މީހެއް ކަމެއް ފުލުހުން ބުނެފައެއް ނުވެ އެވެ. ނަމަވެސް ގެއްލިގެން ހޯދަމުންދަނީ ތިލަފުށީ ވެމްކޯ ސައިޓެއްގަ ލޭބަރެއްގެ ގޮތުގައި މަސައްކަތް ކުރާ ބަންގްލަދޭޝް އަށް ނިސްބަތްވާ މީހެއް ކަން ރާއްޖެ އެމްވީ އަށް ވަނީ މައުލޫމާތު ލިބިފަ އެވެ.
ގެއްލުނު ބިދޭސީ މީހާ ހޯދުމުގެ މަސައްކަތް ފުލުހުން މިހާރު ފަށާފައިވާ ކަމަށް ވެސް ފުލުހުން ބުނެފައިވެ އެވެ.
