ޑިއުޓީގައި ހުރި އެމްޕީއެލްގެ މުވައްޒަފެއް ފިޓް ޖެހިގެން ނިޔާވެއްޖެ
22 ޖެނުއަރީ 2026 | ބުރާސްފަތި 08:20އެމްޕީއެލްއިން ބުނީ، ޑިއުޓީގައި ހުރި މުވައްޒަފަކު ފިޓުޖެހިގެން މޫދަށް ވެއްޓުނީ ކަމަށް. އަމީން ނިޔާވީ މޫދުން ނަގައިގެން ގެންގޮސް އައިޖީއެމްއެޗްގައި ފަރުވާދެމުން ދަނިކޮށް.
މާލޭގެ ވިޔަފާރި ބަނދަރު
ޑިއުޓީގައި ހުރި މޯލްޑިވްސް ޕޯޓްސް ލިމިޓެޑް (އެމްޕީއެލް)ގެ މުވައްޒަފަކު ފިޓް ޖެހިގެން ހޮސްޕިޓަލަށް ގެންގޮސް ފަރުވާދެމުން ދަނިކޮށް ނިޔާވެއްޖެ އެވެ.
މިހާދިސާ ހިނގީ ބުރާސްފަތި ދުވަހުގެ ހެނދުނު 10:46 ހާއިރު އެވެ. ނިޔާވީ ގއ.ދެއްވަދޫ، 30 އަހަރުގެ އަބްދުލްހަމީދެވެ.
އެމްޕީއެލްއިން ބުނީ، ޑިއުޓީގައި ހުރި މުވައްޒަފަކު ފިޓު ޖެހިގެން މޫދަށް ވެއްޓުނީ ކަމަށެވެ. އަމީން ނިޔާވީ މޫދުން ނަގައިގެން ގެންގޮސް އައިޖީއެމްއެޗްގައި ފަރުވާދެމުން ދަނިކޮށެވެ.
އަމީން އެމްޕީއެލްއާ ގުޅުނީ 2020 ވަނަ އަހަރުގެ ތެރޭގަ އެވެ.
އަމީންގެ ކުއްލި ވަކިވުމާއި ގުޅިގެން އެމްޕީއެލުން ވަނީ އަމީންގެ އާއިލާއަށް ހުރިހާ މުވައްޒަފުންގެ ނަމުގައި ތައުޒިޔާ ފޮނުއްވާފަ އެވެ.
