ޖަޕާނުގެ ކުރީގެ ބޮޑުވަޒީރު ޝިންޒޯ އަބޭ އަވަހާރަކޮށްލި މީހާ އުމުރަށް ޖަލަށްލުމަށް ހުކުމް ކޮށްފި

ޖަޕާނުގެ ކުރީގެ ބޮޑުވަޒީރު ޝިންޒޯ އަބޭ އަވަހާރަކޮށްލި މީހާ އުމުރަށް ޖަލަށްލުމަށް އެ ގައުމުގެ ކޯޓަކުން ބުދަ ދުވަހު ހުކުމްކޮށްފި އެވެ.

މުޅި ޖަޕާން ސިއްސުވާލި މި ބިރުވެރި ހާދިސާގައި، 2022 ވަނަ އަހަރު އަބޭ އަށް ބަޑިން ހަމަލާދީ އަވަހާރަކޮށްލި ކަމަށް އުމުރުން 45 އަހަރުގެ ޓެޓްސުޔާ ޔަމަގާމީ ވަނީ އިއުތިރާފުވެފަ އެވެ.

ދައުލަތުގެ ވަކީލުން ޔަމަގާމީގެ މައްޗަށް އުމުރު ދުވަހުގެ ޖަލު ހުކުމެއް އިއްވުމަށް އެދުނީ، މިއީ ދެވަނަ ބޮޑު ހަނގުރާމައަށްފަހު ޖަޕާނުގެ ތާރީޚުގައި ހިނގި މިފަދަ ފުރަތަމަ ހާދިސާކަން ފާހަގަކޮށް، މީގެ ސަބަބުން މުޖުތަމަ އަށް ނުރައްކާތެރި އަދި ނޭދެވޭ އަސަރުތަކެއް ކޮށްފައިވާ ކަމަށް ބުނެ އެވެ.

ނަމަވެސް، ޔަމަގާމީގެ ވަކީލުން ވަނީ އޭނާއަށް ދެވޭނެ އެންމެ ބޮޑު އަދަބަކީ 20 އަހަރުގެ ޖަލު ހުކުމެއް ކަމަށް ބުނެ ކޯޓުގައި ވަކާލާތުކޮށްފަ އެވެ.