ފޮރިންމިނިސްޓްރީގެ މުވައްޒަފަކު ޖަޕާނުގައި ނިޔާވެއްޖެ
ޖަޕާނުގައި ތައުލީމް ހާސިލްކުރަމުންދިޔަ ފޮރިން މިނިސްޓްރީގެ 29 އަހަރުގެ ލުޖައިނާ ތަސްނީމް ވަނީ ނިޔާވެފަ
ޖަޕާނުގައި މަރުވި ފޮރިން މިނިސްޓްރީގެ ޒުވާން މުވައްޒަފު ލުޖައިނާ ތަސްނީމާ
ޖަޕާނުގައި ތައުލީމް ހާސިލްކޮށް ނިންމައި، ރާއްޖެ އަންނަން މަދު ދުވަސްކޮޅެއް ވެފައިވަނިކޮށް ފޮރިން މިނިސްޓްރީގެ ޒުވާން މުވައްޒަފަކު އެ ގައުމުގައި ނިޔާވެއްޖެ އެވެ.
ނިޔާވެފައި ވަނީ އަންހެން މުވައްޒަފެކެވެ. އެއީ ، ބ. ތުޅާދޫއަށް ނިސްބަތްވާ އުމުރުން 29 އަހަރުގެ ލުޖައިނާ ތަސްނީމާއެވެ.
މައުލޫމާތު ލިބިފައިވާ ގޮތުގައި އޭނާ ނިޔާވީ، ކިޔަވައި ނިންމައި، ގްރެޖުއޭޝަނަށްފަހު ރާއްޖެއަށް އަންނަން ޓިކެޓު ވެސް ނަގާފައި އޮއްވަ އެވެ.
އޭނާގެ މަރާ ގުޅިގެން ފޮރިން މިނިސްޓްރީން އެއްވެސް މައުލޫމާތެއް ހާމަކޮށްފައި ނުވާތީ އެ އަންހެން މީހާގެ މަރާ ގުޅޭ އިތުރު ތަފްސީލެއް އަދި ނުލިބެއެވެ.
ލުޖައިނާގެ މަރާ ގުޅިގެން އާއިލާއަށް ތައުޒިޔާ ވިދާޅުވެ ކުރީގެ ފޮރިން މިނިސްޓަރު އަބްދުﷲ ޝާހިދު އެކްސްގައި ކުރެއްވި ޕޯސްޓެއްގައިވަނީ އޭނާއަކީ ވަރަށް ހުނަރުވެރި ފޮރިން ސާރވިސް އޮފިސަރެއް ކަމަށް ވިދާޅުވެފަ އެވެ.
މިދިޔަ ދައުރުގައި ފޮރިން މިނިސްޓަރުކަން ކުރެއްވިއިރު، ޚާރިޖީ ޓީމުގެ މުހިންމު މެންބަރެއްގެ ގޮތުގައި އޭނާ ކުރި މަސައްކަތާއި، ހޯދަމުން އައި ކުރިއެރުމުގެ ދުށުމުގެ ފުރުސަތު ލިބުނު ކަމަށް ވެސް ޝާހިދު ވިދާޅުވިއެވެ.
މީގެ އިތުރުން އަބްދުﷲ ޝާހިދު ވިދާޅުވީ އޭނާ ކުރި ކޮންމެ މަސައްކަތަކުން ފެނުނީ ކަމަށް އޮތް ޝައުގު ކަަމަށެވެ.
