ލުބުނާނުގެ ހަތަރު އަވަށަކަށް ހަމަލާ ދޭނެ ކަމަށް ބުނެ އެތަންތަނުން މީހުން ނުކުންނަން އިޒްރޭލުން އަންގައިފި
2024 ވަނަ އަހަރު އިޒްރޭލުން ލުބުނާނުން ހަމަލާ ދިނުން ހުއްޓާލުމަށް އެއްބަސްވުމަށް ފަހު ވެސް އިޒްރޭލުން ގެންދަނީ އެއްބަސްވުމާ ޚިލާފުވެ ހަމަލާތައް ދެމުން.
އިޒްރޭލާއި ލުބުނާނުގެ ބޯޑަރު ފާރު ކައިރީގައި އިޒްރޭލުން ގާއިމު ކޮށްފައިވާ ސެކިއުރިޓީ ޕޯސްޓަކަށް ލުބުނާނުގެ ސިފައިންގެ މީހަކު ބަލަހައްޓައިގެން
ލުބުނާނުގެ އިރުމައްޗާއި ދެކުނުގެ ހަތަރު އަވަށަކަށް ހަމަލާދޭން ނިންމާފައިވާ ކަމަށް ބުނެ، އެ ތަންތަނުން މީހުން ނުކުމެ ހުސްކުރުމަށް އިޒްރޭލުގެ އަސްކަރީ ތަރުޖަމާނު ހޯމަ ދުވަހު އަމުރުކޮށްފިއެވެ.
އަސްކަރީ ތަރުޖަމާނު ބުނި ގޮތުގައި، އިޒްރޭލުން ހަމަލާދޭން ރާވާފައިވަނީ ލުބުނާނުގެ އިރުމަތީ ބިގާ ވާދީގައި ހިމެނޭ ހައްމާރާ އާއި އައިން އަލް-ތީނާގެ އިތުރުން، ދެކުނުގެ ކަފްރު ހައްތާ އަދި އާނާންގައި ހުރި ހިޒްބުالله އާއި ހަމާސްގެ އަސްކަރީ މަރުކަޒުތަކަށް ކަމަށް ރިޕޯޓުތައް ބުނެ އެވެ.
އިޒްރޭލާއި ލުބުނާނުން 2024 ވަނަ އަހަރު އެމެރިކާގެ އެހީތެރިކަމާ އެކު ހަނގުރާމަ ހުއްޓާލުމުގެ އެއްބަސްވުމެއްގައި ސޮއިކުރިއެވެ. މިއީ އިޒްރޭލާއި ހިޒްބުالله އާ ދެމެދު އަހަރަކަށްވުރެ ގިނަ ދުވަހަށް ދެމިގެންދިޔަ ކުރިމަތިލުންތަކަށްފަހު ވީ އެއްބަސްވުމެކެވެ. އިޒްރޭލުގެ ވަރުގަދަ ހަމަލާތަކުގައި އީރާނުގެ ތާއީދު އޮންނަ ހިޒްބުالله އަށް ބޮޑެތި ގެއްލުންތަކެއް ލިބިފައިވާއިރު، އެއްބަސްވުމަށް ފަހު ވެސް ދެ ފަރާތުން ދަނީ އެއްބަސްވުމާ ޚިލާފުވާކަމުގެ ތުހުމަތުތައް އެއްބަޔަކު އަނެއްބަޔަކަށް ކުރަމުންނެވެ.
