އެވިޑް ކޮލެޖުން ލަންކާގައި ގަވާއިދާ ހިލާފަށް ޕްރޮގްރާމްތައް ހިންގަމުންދާތީ އެކަން ނުކުރުމަށް އަންގައި ނަސޭހަތް ދީފި
އެމްކިއުއޭ އިން ބުނީ ''ގައިޑްލައިންސް ފޮރ ޕްރޮގްރާމް އެކްރެޑިޓޭޝަން" އާއި އެމްކިއުއޭ އިން އެކްރެޑިޓޭޝަން ދީފައިވާ ޕުރޮގުރާމުތައް ރާއްޖެއިން ބޭރުގައި ހިންގުމާބެހޭ ގަވާއިދާ ޚިލާފަށް ލަންކާގެ "އެމަޒޯން ކޮލެޖް" އަދި "އަލްޒެޓް ޔުނިވަރސިޓީ" ގައި ޕްރޮގްރާމްތައް ހިންގައި، ދަރިވަރުންނަށް އެވިޑް ކޮލެޖްގެ ސަނަދު ދީފައިވާ ކަމަށް. 29 އޮގަސްޓް 2024ން ފެށިގެން މިތަނުން އެކްރެޑިޓޭޝަން ދީފައިވާ ޕްރޮގްރާމްތައް އެ އެކްރެޑިޓޭޝަން ދިން ގޮތާ ޚިލާފަށް ނުހިންގުމަށް ތަކުރާރުކޮށް އެވިޑް ކޮލެޖަށް އަންގައި ނަސޭހަތްތެރިވެފައިވޭ. ނަމަވެސް މިއަދާ ހަމައަށް އައި އިރުވެސް އެ އޮތޯރިޓީގެ ހުއްދަ ހޯދުމަކާ ނުލައި މިކަން ކުރަމުން އަންނަ ކަމަށް ބަޔާނުގައި ބުނެފައިވޭ.
އެމްކިއުއޭގެ ސީއީއޯ ފިޒާނާ ރަޝީދު
އެވިޑް ކޮލެޖުން ސްރީލަންކާގައި ގަވާއިދާ ހިލާފަށް ޕްރޮގްރާމްތައް ހިންގަމުންދާތީ އެކަން ނުކުރުމަށް އަންގައި ނަސޭހަތް ދީފައިވާ ކަމަށް މޯލްޑިވްސް ކޮލިފިކޭޝަން އޮތޯރިޓީ (އެމްކިއުއޭ) އިން ބުނެފި އެވެ.
އެ އޮތޯރިޓީން ނެރުނު ބަޔާނެއްގައި ބުނީ، ''ގައިޑްލައިންސް ފޮރ ޕްރޮގްރާމް އެކްރެޑިޓޭޝަން" އާއި އެމްކިއުއޭ އިން އެކްރެޑިޓޭޝަން ދީފައިވާ ޕުރޮގުރާމުތައް ރާއްޖެއިން ބޭރުގައި ހިންގުމާބެހޭ ގަވާއިދާ ޚިލާފަށް ލަންކާގެ "އެމަޒޯން ކޮލެޖް" އަދި "އަލްޒެޓް ޔުނިވަރސިޓީ" (ވަކި ގައުމެއްކަން ނޭނގޭ) ގައި ޕްރޮގްރާމްތައް ހިންގައި، ދަރިވަރުންނަށް އެވިޑް ކޮލެޖްގެ ސަނަދު ދީފައިވާ ކަމަށެވެ.
މިކަން ފާހަގަކުރެވިފައި ވަނީ، އެ ފަދަ ޕުރޮގުރާމުތައް ފުރިހަމަކޮށް ގްރެޖުއޭޓް ވެގެން ހޯދާފައިވާ އެވިޑް ކޮލެޖްގެ ސަނަދުތަކުގެ ސައްހަކަން ކަށަވަރު ކުރުމަށް ދަރިވަރުންނާއި، އެކި ގައުމުތަކުގެ ކޮލިފިކޭޝަންސް އެޖެންސީ ތަކުންނާއި އަދި އެވިޑް ކޮލެޖުން ހިއްސާ ކޮށްފައިވާ މައުލޫމާތުން ކަމަށެވެ.
އެމްކިއުއޭ އިން ބުނީ، ލަންކާގެ "ޗެސްޓަރ ކޮލެޖް އޮފް ހަޔަރ އެޑިޔުކޭޝަން" އާއި "އިމްޕީރިއަލް ވިސްޑަމް ގްރެޖުއޭޓް ކެމްޕަސް" އާއި "އިނޮވޭޓަސް ކެމްޕަސް" އާއި "ސިލޯން ކޮލެޖް އޮފް އެޕްލައިޑް ސްޓަޑީޒް" އަދި "ބިޓްވިން ކެމްޕަސް" ގައި އެވިޑް ކޮލެޖްގެ ޕްރޮގްރާމްތައް ލަންކާގައި ހިންގުމަށް އިޝްތިހާރުކޮށް އިއުލާން ކޮށްފައިވާ ކަމަށެވެ. ނަމަވެސް މި ތަންތަނަކީ ސްރީލަންކާގެ TVEC، UGC އަދި މިނިސްޓްރީ އޮފް އެޑިޔުކޭޝަން، ހަޔަރ އެޑިޔުކޭޝަން އެންޑް ވޮކޭޝަނަލް އެޑިޔުކޭޝަން" ގައި މަތީ ތައުލީމު ދިނުމަށް ރަޖިސްޓަރީ ކޮށްފައިވާ ތަންތަން ނޫން ކަމަށް އެއޮތޯރިޓީން ބުނެ އެވެ.
29 އޮގަސްޓް 2024ން ފެށިގެން މިތަނުން އެކްރެޑިޓޭޝަން ދީފައިވާ ޕްރޮގްރާމްތައް އެ އެކްރެޑިޓޭޝަން ދިން ގޮތާ ޚިލާފަށް ނުހިންގުމަށް ތަކުރާރުކޮށް އެވިޑް ކޮލެޖަށް އަންގައި ނަސޭހަތްތެރި ވަމުންދާކަން ފާހަގަކޮށް ބަޔާނުގައި ބުނީ މިއަދާ ހަމައަށް އައި އިރުވެސް އެ އޮތޯރިޓީގެ ހުއްދަ ހޯދުމަކާ ނުލައި މިކަން ކުރަމުން އަންނަ ކަމަށެވެ.
މީގެ އިތުރުން އެމްކިއުއޭ އިން ބުނީ މިފަދަ އަމަލުތަކުގެ ނަތީޖާ އަކަށް ވެގެން ދާނީ، ބައިނަލްއަގުވާމީ ފެންވަރުގައި ރާއްޖޭގެ މަތީ ތައުލީމާއި ތަމްރީނު ފޯރުކޮށްދޭ މުއައްސަސާތަކާ މެދު ގާއިމްވެފައިވާ އިތުބާރާއި ޔަގީން ކަމަށް އިއާދަ ނުކުރެވޭފަދަ ގެއްލުންތައް ލިބޭނެ ކަމަށެވެ. އަދި މިފަދަ ކަންކަމުގެ ސަބަބުން ދޭދޭ ގައުމުތަކުގެ މެދުގައި ދެމިއޮންނަ ގާތް އެކުވެރި ގުޅުމަށް ހީނަރުކަން އައުންވެސް އެކަށީގެންވާ ކަމަށް ބަޔާނުގައި ބުނެފައިވެ އެވެ.
އެމްކިއުއޭ އިން ބުނީ މަތީ ތައުލީމުދޭ މަރުކަޒުތަކަށް އެކްރެޑިޓޭޝަން ދީފައިވާ ޕްރޮގްރާމްތައް ރާއްޖެއިން ބޭރުގައި އެ އޮތޯރިޓީގެ ހުއްދަ ނުހޯދާ ނުހިންގުމަށް ހުރިހާ މަރުކަޒުތަކަށް 17 ފެބްރުއަރީ 2025 ގައި ސިޓީއަކުން އިލްތިމާސް ކޮށްފައިވާ ކަމަށެވެ. އަދި 18 ފެބްރުއަރީ 2025 ގައި މިކަމާ ގުޅިގެން އާންމު އިއުލާނެއް ކޮށްފައިވާ ކަމަށާއި، 30 ސެޕްޓެމްބަރ 2025 ގައި ދިވެހިސަރުކާރުގެ ގެޒެޓްގައި (މޯލްޑިވްސް ކޮލިފިކޭޝަންސް އޮތޯރިޓީން އެކްރެޑިޓޭޝަން ދީފައިވާ ޕްރޮގްރާމްތައް ރާއްޖެއިން ބޭރުގައި ހިންގުމާބެހޭ ގަވާއިދު)ގެ ދަށުން، އޮތޯރިޓީގެ ހުއްދަ ހޯދައިގެން ޕްރޮގްރާމްތައް ހިންގުމަށް އިލްތިމާސް ކޮށްފައިވާ ކަމަށެވެ.
މިކަންކަމާއި ގުޅިގެން، ތަކުރާރުކޮށް މިކަން ރަގަޅު ކުރުމަށް އެވިޑް ކޮލެޖަށް އަންގާފައިވާ ކަަމަށް އެމްކިއުއޭގެ ބަޔާނުގައި ބުނެފައިވެ އެވެ.
ނަމަވެސް ގަވާއިދާ ޚިލާފު ވެފައިވާތީ އެމްކިއުއޭގެ އެޑްވައިޒަރީ ބޯޑުގެ ލަފައާއެކު މޯލްޑިވްސް ކޮލިފިކޭޝަންސް އޮތޯރިޓީން އެކްރެޑިޓޭޝަން ދީފައިވާ ޕްރޮގްރާމްތައް ދިވެހިރާއްޖެއިން ބޭރުގައި ހިންގުމާބެހޭ ގަވާއިދު (ގަވާއިދު ނަންބަރު 2025/R-89)ގެ 12 ވަނަ މާއްދާގެ (ހ)ގެ (1) ވަނަ ނަންބަރުގެ ދަށުން، އަޅާ ފުރަތަމަ ފިޔަވަޅެއްގެ ގޮތުން އެވިޑް ކޮލެޖަށް ނަސޭހަތް ތެރިވެފައިވާ ކަމަށް ބަޔާނުގައި ބުނެފައިވެ އެވެ.
