އެމެރިކާ، އިޒްރޭލު އަދި ޔޫރަޕުން ގުޅިގެން އީރާނާ ދެކޮޅަށް ފުރިހަމަ އަށް ހަނގުރާމަ އެއް ދަނީ ކުރަމުން، އުޅެނީ ކަކޫ ޖައްސަން: ރައީސް ޕެޒެޝްކިއަން
އިޒްރޭލާއި އިރާނުން ޖޫން މަހު ހަނގުރާމައެއް ކުރިއިރު، 1،000 އަށްވުރެ ގިނަ މީހުންނަށް ގެއްލުން ލިބިފައިވޭ. އެމެރިކާ އިން ވެސް ހަނގުރާމައިގައި ބައިވެރިވެ، އީރާނުގެ ތިން ނިއުކްލިއަރ ސައިޓަށް ބޮން އެޅުމުން ނިއުކްލިއަރ ޕްރޮގްރާމާ ގުޅޭ މަޝްވަރާތައް ހުއްޓުނު.
އީރާނުގެ ރައީސް މަސްއޫދު ޕެޒެޝްކިއަން
އެމެރިކާ، އިޒްރޭލް އަދި ޔޫރަޕުން އީރާނާ ދެކޮޅަށް "ފުރިހަމަ ހަނގުރާމަ އެއް" ކުރަމުންދާ ކަމަށާއި އެ ގައުމުތަކުން ބޭނުން ވަނީ އީރާނު ކަކޫ ޖައްސުވަން ކަމަށް އެ ގައުމުގެ ރައީސް މަސްޢޫދު ޕެޒެޝްކިއަން ވިދާޅުވެއްޖެ އެވެ.
އިޒްރޭލާއި އެމެރިކާ އިން އިރާނަށް އަސްކަރީ ހަމަލާތައް ދިންތާ ހަ މަސް ފަހުން، ޕެޒެޝްކިއަން ސުޕްރީމް ލީޑަރު އަލީ ޚާމަނާއީގެ ރަސްމީ ވެބްސައިޓަށް ދެއްވި އިންޓަވިއު އެއް ގައި ހޮނިހިރު ދުވަހު ވިދާޅުވެފައިވާ ގޮތުގައި، އީރާން ވަނީ "އެމެރިކާ، އިޒްރޭލް އަދި ޔޫރަޕާ އެކު ފުރިހަމަ ހަނގުރާމައެއްގެ ތެރޭގައި؛" ކަމަށާއި "އެމީހުން ބޭނުންވަނީ އަޅުގަނޑުމެންގެ ގައުމު ކަކޫޖައްސުވަން." ކަމަށެވެ.
ފްރާންސް، އިނގިރޭސިވިލާތް އަދި ޖަރުމަނު ވެސް ހިމެނެނީ، އިރާން ގެ ނިއުކްލިއަރ ޕްރޮގްރާމާ ގުޅިގެން ސެޕްޓެމްބަރު މަހު އަލުން އދ. ގެ ދަތިކުރުމުގެ ފިޔަވަޅުތައް އެޅުމަށް މަސައްކަތް ކުރި ގައުމުތަކުގެ ތެރޭގައެވެ.
"އިރާގުން އަޅުގަނޑުމެންނާ ދެކޮޅަށް ފެށި ހަނގުރާމަ އަށް ވުރެ މި ހަނގުރާމަ މާ ނުރައްކާތެރި. ކައިރިން ބަލާލުމުން، މިއީ މާ ބޮޑަށްވެސް ހުރިހާ ގޮތަކުން ގޮންޖެހުން ބޮޑު އަދި އުނދަގޫ ކަމެއް؛" 1980 ން 1988 އާ ދެމެދު ހިނގި އެތައް ލައްކަ މީހުން މަރުވި ހާދިސާ އަށް އިޝާރާތް ކުރައްވައި ވިދާޅުވިއެވެ.
އެމެރިކާ އާއި އެގައުމުގެ އެކުވެރިން ތުހުމަތު ކުރަނީ އިރާނުން ނިއުކްލިއަރ ހަތިޔާރު އުފައްދަން މަސައްކަތްކުރާ ކަމަށެވެ. ނަމަވެސް ތެހެރާނުން މިކަން ތަކުރާރުކޮށް ދޮގުކުރެއެވެ.
ދިގު މުައްދަތަކަށް ދުޝްމަނުން ގެ ގޮތުގައި ދެމި އޮތް އިޒްރޭލާއި އިރާނުން ޖޫން މަހު 12 ދުވަހުގެ ހަނގުރާމަ އެއް ވަނީ ކޮށްފަ އެވެ. މި ހަނގުރާމަ ފެށިގެން އައީ އިޒްރޭލުން އިރާނުގެ އަސްކަރީ އަދި ނިއުކްލިއަރ ސައިޓުތަކަށް، އަދި އާއްމު ރައްޔިތުން ދިރިއުޅޭ ސަރަޙައްދުތަކަށް ދިން ހަމަލާތަކަކާ ގުޅިގެންނެވެ.
އިރާނުގެ އޮފިޝަލުން ހާމަކުރާ ގޮތުގައި މި ހަމަލާތަކުގެ ސަބަބުން 1,000 އަށްވުރެ ގިނަ މީހުންނަށް ގެއްލުން ލިބިފައިވެ އެވެ.
ފަހުން އެމެރިކާ އިން ވެސް މި ހަނގުރާމައިގައި ބައިވެރިވެ، އީރާނުގެ ތިން ނިއުކްލިއަރ ސައިޓަށް ބޮން އެޅިއެވެ.
ވޮޝިންގްޓަންގެ މި ބައިވެރިވުމުގެ ސަބަބުން، އޭޕްރީލް މަހު ތެހެރާނާ އެކު އެ ގައުމުގެ ނިއުކްލިއަރ ޕްރޮގްރާމާ ގުޅޭގޮތުން ފެށުނު މަޝްވަރާތައް ހުއްޓުނެވެ.
