ގިނަ ބައެއްގެ އެދުމުގެ މަތިން ޓެލެތޯންގެ ވަގުތު އިތުރުކޮށްފި
11 ސެޕްޓެމްބަރު 2017 | ހޯމަ 04:16ވަގުތު އިތުރުކޮށްފައިވަނީ ހޯމަ ދުވަހުގެރޭ 20:30 އާއި ހަމައަށް
ޓެލެތޯންގައި ބަހައްޓާފައިވާ ފަންޑު ފޮއްޓަށް މީހަކު އެހީވަނީ
ރޮހިންޖާ ދަރިކޮޅުގެ މުސްލިމުންނަށް އެހީވުމަށް ރާއްޖެޓީވީން އިސްނަގައިގެން ކުރިއަށްގެންދާ ޓެލެތޯންގެ ވަގުތު އިތުރުކޮށްފިއެވެ.
ރާއްޖެޓީވީގެ މެނޭޖްމަންޓުން ބުނީ، ޓެލެތޯން ކުރިއަށްގެންދާ ވަގުތު މިރޭ 8:30އާއި ހަމައަށް އިތުރުކޮށްފައިވާ ކަމަށާ، ވަގުތު އިތުރުކުރުމަށް ނިންމީ ގިނަ އަދަދެއްގެ ރައްޔިތުން އެގޮތަށް އެދެމުންދާތީ ކަމަށެވެ. ކުރިން 24 ގަޑިއިރަށް ކުރިއަށްގެންދިއުމަށް ހަމަޖެހިފައިއޮތް މި ޓެލެތޯން މިހާރު 30 ގަޑިއިރަށް ވަގުތު އިތުރުކުރިއިރު، ޓެލެތޯންގެ ތެރެއިން ހުޅުވާފައިވާ ފަންޑަށް ގިނަ ބައެއްގެ ދީލަތި އެހީތެރިކަން ދަނީ ލިބެމުންނެވެ.
ޓެލެތޯންއަށް އެހީތެރިވުމުގެ ގޮތުން އެސްއެމްސް މެދުވެރިކޮށް ފާއިސާގެ އެހީ ފޯރުކޮށްދެވޭއިރު، އެކައުންޓަށް ފާއިސާ ޖަމާކޮށްގެންނާއި އަދި ފަންޑު ފޮށިތަކަށް ފާއިސާ ހަދިޔާކޮށްގެންވެސް އެހީީ ދެވޭނެ އިންތިޒާމް ވަނީ ހަމަޖެހިފައެވެ.
މިހާތަނަށް އެއް މިލިއަނަށްވުރެ ގިނަ ރުފިޔާ މި ޓެލެތޯންއަށް ލިބިފައިވާއިރު މާލޭގެ އެކި ސަރަހައްދުތަކު އާއި ގިނަ ރަށްރަށުގައި ވަނީ ފަންޑު ފޮށި ބަހައްޓާފައެވެ.
