އެއް ފަހަރާ ފައިސާ ގެ އެހީ ދޭ ގޮތަށް ހަމަޖައްސާ މީޑިއާތަކަށް ފައިސާ ދިނުމުގެ އުސޫލު އާއްމުކޮށްފި
މި އަހަރު ދައުލަތު ގެ ބަޖެޓުން މީޑިއާތަަކަށް ދިނުމަށް 27 މިލިއަން ރުފިޔާ އެއީ ބަޖެޓުގެ އަންދާޒާ ކުރާ އާމްދަނީ ގެ 0.1 ޕަސެންޓު. މީޑިއާތަކަށް ދައުލަތުން މާލީ އޭހީދޭނެ އުސޫލު މީ ގެ ކުރިން އެކުލަވާލީ ޔޫތު މިނިސްޓްރީން. އާ އުސޫލު އެކުލަވާލީ އަލަށް އުފެއްދި މޯލްޑިވިސް މީޑިއާ ކޮމިޝަނުން.
މިނިވަން މީޑިއާގައި ތަޅުއަޅުވާ ބިލާ ދެކޮޅަށް ނޫސްވެރިން މުޒާހަރާ ކުރަނީ. އަލަށް އެކުލަވާލި ކޮމިޝަން އެކުލަވާލީ ވެސް މިޑިއާތަކުގެ މާބޮޑު ހިއްސާ އެއް ނެތި.
އެއް ފަހަރާ ފައިސާ ގެ އެހީ ދޭ ގޮތަށް ހަމަޖައްސާ މީޑިއާތަކަށް ފައިސާ ދިނުމުގެ އުސޫލު އާއްމުކޮށްފި އެވެ.
ބުރާސްފަތި ދުވަހު އާއްމު ކުރި އާ އުސޫލުގައި ބުނެފައި ވަނީ ރަޖިސްޓަރީ ކޮށްގެން ހިންގާތާ އަހަރު ދުވަސްވެފައިވާ ހުރިހާ މީޑިއާއަކަށް އެހީދިނުމަށް ނިންމާފައިވާ ކަމަށެވެ.
މީޑިއާތަކަށް ދައުލަތުން މާލީ އޭހީދޭނެ އުސޫލު މީގެ ކުރިން އެކުލަވާލީ ޔޫތު މިނިސްޓްރީންނެވެ. އެ އުސޫލުގައި ހިމަނާފައި ވަނީ ފަހަރެއް ގެ މަތިން ފައިސާ ދޫކުރާ ގޮތަށެވެ. އޭރު އެ ވުޒާރާ އިން އެކުލަވާލި އުސޫލުގައިވާ ގޮތުން އެހީ ދިނުމުގެ ޝަރުތުތަކުގެ ތެރޭގައި ރަޖިސްޓަރީ ކޮށްގެން ހިންގާތާ 3 އަހަރުވެފައިވާ މީޑިއާ އަކަށް ވުން ހިމެނެ އެވެ.
30 އޮކްޓޯބަރ 2025ގައި ރަޖިސްޓްރީކޮށްގެން ހިންގާ އަމިއްލަ މީޑިއާތަކަށް ދައުލަތުގެ ބަޖެޓުން މާލީ އެހީ ދޭން ނިންމި ނަމަވެސް އެކަން އިއުލާން ކުރިތާ 24 ގަޑި އިރު ނުވަނީސް އެ ނިންމުން ކެންސަލްކޮށްފައި ވެ އެވެ. އޭރު އުސޫލު އެކުލަވާލި ގޮތަށް ބަލާ އިރު މީޑިއާތަކަށް ފަންޑު ދޭން ނިންމި ޔޫތް މިނިސްޓްރީ ގެ ވަޒީރު، އިބްރާހިމް ވަހީދު ގެ މަސްލަހަތު ހިމެނޭ މީޑިއާ އަށް އެންމެ ގިނައިން ފައިސާ ލިބޭ ގޮތަށް ނިންމާފައިވެ އެވެ.
މީ ގެ އިތުރުން ގްރާންޓް ދިނުމު ގެ ޕްރޮސެސްގައި އުޅުއްވި ސްޓޭޓް މިނިސްޓަރު އަލީ ޝަމާން ހިންގަވާ އެއް އައުޓްލެޓަކަށް 1.34 މިލިއަން ރުފިޔާ ދިނުމަކީ މި މަރުހަލާ އާއި މެދު ސުވާލު އުފެދުނު އަނެއް ސަބަބެވެ. ހަމައެހެންމެ ފައިސާ ލިބޭ މީޑިއާ ގެ ތެރޭގައި އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު އަރަބި ބަހުން ނެރުއްވާ މާލްދީފް އޮންލައިން ވެސް ހިމެނެ އެވެ. އެހެންކަމުން އެ އުސޫލު އޭރު އުވާލީ އާއްމުން ގެ ފަރާތުން ކުރިމަތިވި އިންތިހާ ފާޑުކިޔުންތަކަށް ފަހުގަ އެވެ.
އާ އުސޫލުގައި އެހީ ލިބުމުގެ އެއް ޝަރުތަކީ ޖެނުއަރީ 2024 އިން ފެށިގެން ރަޖިސްޓަރީކޮށް، ލައިސަންސް އާއި އެކު މެދުކެނޑުމެއް ނެތި ހިންގާ ތަނަކަށް ވުމެވެ. މާކްސް ދިނުމުގައި ބަލަން ހަމަޖެހިފައި ވަނީ މީޑިއާ ގެ އުމުރާއި، މުވައްޒަފުން ގެ އަދަދު ހިމެނެ އެވެ.
އާ އުސޫލުގައި މީޑިއާ ހައުސް ކުރިއަރުވަން ކުރާ މަސައްކަތްތަކަށް ބަލާ މާރކްސް ދިނުމަށް ވަނީ ނިންމާފަ އެވެ. އަދި އިދާރީ މަސައްކަތްތައް ހަރުދަނާ ކުރުމާއި އިންފްރާސްޓްރަކްޗާ ތަރައްގީ ކުރަން ކުރާ މަސައްކަތު ގެ އިތުރުން ޕަބްލިކް ސާވިސް ކޮންޓެންޓު ގެ ދާއިރާ އިން ކޮންމެ ދާއިރާ އަކުން 5 މާކްސް ދިނުމަށް ހަމަޖެހިފައި ވެ އެވެ.
މި އަހަރު ދައުލަތު ގެ ބަޖެޓުން މީޑިއާތަަކަށް ދިނުމަށް 27 މިލިއަން ރުފިޔާ އެއީ ބަޖެޓު ގެ އަންދާޒާ ކުރާ އާމްދަނީ ގެ 0.1 ޕަސެންޓެވެ.
