އައިއެމްއެފުން ސްރީލަންކާ އަށް 206 މިލިއަން ޑޮލަރު ދޭން ނިންމައިފި
މި އެހީ ދިނުމަށް ނިންމީ ނޮވެމްބަރު 28 ގައި ގައުމަށް ކުރިމަތިވި ސައިކްލޯން ޑިޓުވާގެ ސަބަބުން ކުރިމަތިވި އިގްތިސާދީ އަދި މާލީ ދަތިތަކާ ކުރިމަތިލުމަށް.
ތޫފާން ''ޑިޓުވާ'' ގެ ސަބަބުން ސްރީލަންކާ އަށް ބޮޑެތި ގެއްލުންތަކެއް ލިބުނު
އިންޓަނޭޝަނަލް މަނިޓަރީ ފަންޑް (އައިއެމްއެފް) ގެ އެގްޒެކެޓިވް ބޯޑުން ރެޕިޑް ފައިނޭންސިންގ އިންސްޓްރުމަންޓް (އާރްއެފްއައި) ގެ ދަށުން ސްރީލަންކާ އަށް 206 މިލިއަން އެމެރިކާ ޑޮލަރުގެ އެހީ ދޭން ނިންމައިފި އެވެ.
އައިއެމްއެފްއިން ބުނީ، މި އަވަސް އެހީ ދޭން ނިންމީ، ނޮވެމްބަރު 28 ގައި ގައުމަށް ކުރިމަތިވި ސައިކްލޯން ޑިޓުވާގެ ސަބަބުން ކުރިމަތިވި އިގްތިސާދީ އަދި މާލީ ދަތިތަކާ ކުރިމަތިލުމަށް ކަމަށެވެ.
ތޫފާނުގެ ސަބަބުން ބޮޑެތި ގެއްލުންތަކެއް ލިބުނު ނަމަވެސް ސްރީލަންކާ އިން ވަނީ އައިއެފް އިން ކުރިއަށް ގެންދާ އިގްތިސާދީ އިސްލާހީ ޕްރޮގްރާމް ކުރިއަށް ގެންދާނެ ކަމުގެ ޔަގީންކަން ދީފަ އެވެ.
