ސްރީލަންކާ ގައި އެއިޑްސް ބަލި ޖެހޭ މީހުންގެ އަދަދު ކަންބޮޑުވާ މިންވަރަށް މައްޗަށް ހިނގައްޖެ

ސްރީލަންކާގައި އެޗްއައިވީ/އެއިޑްސް ބަލި ޖެހޭ މީހުންގެ އަދަދު ކަންބޮޑުވާންޖެހޭ މިންވަރަށް އިތުރުވެފައިވާ ކަމަށާއި، 2025 ވަނަ އަހަރުގެ ފުރަތަމަ ނުވަ މަހުގައި 600 އަށްވުރެ ގިނަ މީހުންނަށް ބަލި ޖެހި، 13 މީހުން މަރުވެފައިވާ ކަމަށް އެ ގައުމުގެ މީޑިއާ ރިޕޯޓުތައް ބުނެފި އެވެ.

ނޭޝަނަލް އެސްޓީޑީ/އެއިޑްސް ކޮންޓްރޯލް ޕްރޮގްރާމްގެ ތަފާސްހިސާބުތަކާ ހަވާލާދީ މީޑިއާ ރިޕޯޓުތައް ބުނާ ގޮތުގައި، ސްރީލަންކާގައި 2025 ވަނަ އަހަރުގެ ޖެނުއަރީ އިން ސެޕްޓެމްބަރަށް 639 އެޗްއައިވީ/އެއިޑްސް ކޭސް ރެކޯޑްކޮށްފައިވެއެވެ.

މިއީ 2024 ވަނަ އަހަރުގެ އެ މުއްދަތާ އަޅާބަލާއިރު 6% އިތުރުވުމެއް ދައްކުވައިދޭ އަދަދެއް ކަމަށް ވާއިރު، އެ އަހަރު 605 ކޭސް ރިޕޯޓްކޮށްފައިވެއެވެ.

ކޭސްތަކުގެ ތެރެއިން 68 ފިރިހެނުންނާއި ތިން އަންހެނުން 15 އަހަރާއި 24 އަހަރުގެ އުމުރުފުރާގެ ތެރޭގައި ހިމެނޭއިރު، ބާކީ ކޭސްތަކަކީ 25 އަހަރަށް ވުރެ މަތީގެ ފަރާތްތަކެވެ.

މީގެ އިތުރުން، މި މުއްދަތުގައި އެޗްއައިވީ/އެއިޑްސް ބައްޔާ ގުޅިފައިވާ ޖުމްލަ 30 މަރު ރިޕޯޓްކޮށްފައިވެއެވެ.