ވެރިކަމުގައި ތިބެވުނު ނަމަ މިއަދު މުޅި ރާއްޖޭގެ ހުރިހާ ރައްޔިތުން ތިބޭނީ އަސާސީ ހިދުމަތްތައް ލިބިގަނެގެން: ރައީސް ޞާލިހު

ރާއްޖެ ދުނިޔެ ކުޅިވަރު ވިޔަފާރި-އިގްތިސާދު ސިއްހަތު ރިޕޯޓު ލައިފް ސްޓައިލް ތަފާތު ޚަބަރު ވާހަކަ ފޮޓޯ

ކ. މާލެ

31 އޮކްޓޯބަރ 2025 | ހުކުރު 13:47

ކުރީގެ ރައީސް އިބްރާހިމް މުހައްމަދު ޞާލިހު

މުންޝިދް

ހޯރަފުށި ދުވަސް

ވެރިކަމުގައި ތިބެވުނު ނަމަ މިއަދު މުޅި ރާއްޖޭގެ ހުރިހާ ރައްޔިތުން ތިބޭނީ އަސާސީ ހިދުމަތްތައް ލިބިގަނެގެން: ރައީސް ޞާލިހު

21 ވަނަ ގަރުނުގައި ސާފު ބޯފެން ނުލިބުމަކީ ލަދުވެތިވާން ޖެހޭ ކަމެއް

ރާއްޖޭގެ ހުރިހާ ރައްޔިތުންނަށް ސާފު ބޯފެނާއި ނަރުދަމާގެ ހިދުމަތްދޭނެ ވާހަކަ ދެއްކުމުން ޖޯކު ޖެހި މީހުން ވެސް ތިބި

ޙުސައިން މަޚްތޫމް

7,677

ވެރިކަމުގައި ތިބެވުނު ނަމަ މިއަދު މުޅި ރާއްޖޭގެ ހުރިހާ ރައްޔިތުން ތިބޭނީ އަސާސީ ހިދުމަތްތައް ލިބިގަނެގެން ކަމަށް ކުރީގެ ރައީސް އިބްރާހިމް މުހައްމަދު ޞާލިހު ވިދާޅުވެއްޖެ އެވެ.

"ހޯރަފުށީ ދުވަސް" ޖަލްސާގައި ވާހަކަ ދައްކަވަމުން ރައީސް ޞާލިހު ވިދާޅުވީ ވެރިކަމާއި ހަވާލުވި އިރު އެމަނިކުފާނުގެ ކުރިފުޅުމަތީގައި އެއިރު އޮތީ މުޅި ރާއްޖެ ތަރައްގީކުރުމުގެ ބުރަ ބޮޑު ބިޔަ މަސައްކަތް ކަމަށެވެ. ރައީސް ޞާލިހު ވިދާޅުވީ 21 ވަނަ ގަރުނަށް އެޅިގެން އައި އިރުގައި ސާފު ބޯފެން ނުލިބޭ ބުނީމަ އެއީ ލަދުވެތިވާން ޖެހޭ ކަމެއް ކަމަށެވެ. ދިވެހިރާއްޖެއަކީ ތަރައްގީވަމުން އަންނަ ގައުމެކޭ ކިޔާ ފަހުރުވެރިކަމާއެކު އެވާހަކަ ދައްކާ އިރުގައި ރަނގަޅަށް ގައިންތާހިރުވާނެ ގޮތެއް ނެތް ކަމަށެވެ.

ރައީސް ޞާލިހު ވިދާޅުވީ ރާއްޖޭގެ ހުރިހާ ރައްޔިތުންނަށް ސާފު ބޯފެނާއި، ނަރުދަމާގެ ހިދުމަތްދޭނެ ވާހަކަ ދެއްކުމުން، އެކަމަށް ޖޯކުޖެހި މީހުން ވެސް ތިބި ކަމަށެވެ.

އެމެރިކާގައި އެބަތިބި ގާތްގަނޑަކަށް 10 އިންސައްތަ މީހުން ސާފު ބޯފެން ނުލިބޭ، ކީއްކުރަންހޭ ރާއްޖޭގެ ހުރިހާ ރައްޔިތުންނަށް ސާފު ބޯފެން ދޭންވީ. މިއީ ރައްޔިތުންގެ މަޖިލީހުގެ ތެރޭގައި ދެކެވުނު ވާހަކަ. އަޅުގަނޑު ދަންނަވާނީ ބޭރުގައުމަކުން މިސާލެއް ނަގާނަމަ ނަގަންޖެހޭނީ އެެތަނެއްގައި ހުރި ރަނގަޅު ކަންތައްތަކެއްގެ ވާހަކަ އިން. އެމެރިކާގައި ތިބި ރައްޔިތުންނަށް ސާފު ބޯފެން ނުލިބުނީމާ އޭގެ މާނައަކީ އަޅުގަނޑުމެން އެކަން ނުކޮށްތިބެންވީކީއެއް ނޫން. އަޅުގަނޑު މަސައްކަތް ކުރީ އެގޮތަށް. އިރާދަކުރެއްވިއްޔާ މިއަދު މިވަނީ މުޅި ރާއްޖޭގެ ހުރިހާ ރައްޔިތުންނަށް އެ ހިދުމަތް ދިނުމަށްޓަކައި ފަށައިގަނެވި ވަރަށް ގިނަ ރައްޔިތުންނަށް އެ ހިދުމަތް ލިބެން ފަށާފައި. އަޅުގަނޑުމެންނަށް ވެރިކަން ލިބޭނެ ގޮތް މެދުވެރި ނުވީ، ﷲ ގެ ރަހުމަތުން މިއަދު ވެރިކަމުގައި ތިބެވުނު ނަމަ މިއަދު މުޅި ރާއްޖޭގެ ހުރިހާ ރައްޔިތުން ތިބޭނީ އެ ހިދުމަތް ލިބިގަނެގެން.

ކުރީގެ ރައީސް އިބްރާހިމް މުހައްމަދު ޞާލިހު

ރައީސް ޞާލިހު ވިދާޅުވީ ހޯރަފުށީ މަގާއި އެއަރޕޯޓާއި ޓާމިނަލް އަދި އެނޫން ވެސް ތަރައްގީއަކީ ހަމަ ހުރެފައި ހިނގި ކަމެއް ނޫން ކަމަށެވެ. އެއީ ރާއްޖެ ތަރައްގީކުރަން ބޭނުންވީ ޖަޒީރާވަންތަ ރާއްޖެއެއްގެ ގޮތުގައި ކަމަށާއި، އެމްޑީޕީއާ ހަމައަށް ރާއްޖެ އައި އިރު އޮތީ މާލެ ވަށާ އިގްތިސާދެއް ކަމަށެވެ.

ރައީސް ޞާލިހު ވިދާޅުވީ ފަތުރުވެރިކަން ރާއްޖެއަށް ތާރަފުވުމާއެކު ތަރައްގީވެ އިގްތިސާދު ކުރިއަރައިގެން ދިޔައީ މާލެ ކަމަށެވެ. އަދި މިކަމުގެ ސަބަބުން މާލެއަށް ދިމާވެފައިވާ އުނދަގުލުން ސަލާމަތްވާނީ މާލެ އެކަނި ތަރައްގީކޮށްގެން ނޫން ކަމަށާއި، މުޅި ރާއްޖެ ތަރައްގީ ކުރުމުގެ ވިސްނުން ގެންގުޅުއްވީ އެ ސަބަބަށްޓަކައި ކަމަށް ރައީސް ޞާލިހު ވިދާޅުވި އެވެ.