ނަސްރު ދުވަހާ ގުޅިގެން ސިފައިންގެ ޚާއްސަ ތަމްރީނެއް މާލެ ސިޓީގައި ފަށާފައިވާ ކަމަށް އެމްއެންޑީއެފުން ބުނެފި އެވެ.

އެމްއެންޑީއެފުން ބުނީ، 23 އޮކްޓޫބަރު 2025 ން ފެށިގެން 3 ނޮވެންބަރަށް ޚާއްސަ އަސްކަރީ ތަމްރީނު ތަކެއް ކުރިއަށް ގެންދާނެ ކަމަށެވެ.

މި ހަރަކާތުގައި ސިފައިން ސިމިއުލޭޝަންގެ ގޮތުގައި ބޭނުންކުރާ ބްލޭންކްސް ފަދަ ގޮވާޒާތުގެ ތަކެތި ބޭނުން ކުރާގޮތަށް ހަމަޖެހިފައިވާ ކަމަށް އެމްއެންޑީއެފުން ބުނެ އެވެ.

ކޮންމެ އަހަރެއްގެ 3 ނޮވެންބަރާ ގުޅިގެން އެމްއެންޑީއެފުން ޚާއްސަ ހަރަކާތްތައް ކުރިއަށް ގެންދެ އެވެ.

އެގޮތުން ދިދަ ނެގުމުގައި ރަސްމިއްޔާތާއި، ޕެރޭޑްތައް ކުރިއަށް ގެންދެ އެވެ.

ނަސްރު ދުވަހާއި ގުޅިގެން އެމްއެންޑީއެފުން ޚާއްސަ ތަމްރީނެއް ފަށާފައިވާއިރު، 2 އޮކްޓޫބަރު 2025 ވާ އާދިއްތަ ދުވަސް ސަރުކާރުން ވަނީ ބަންދު ދުވަހެއްގެ ގޮތުގައި ކަނޑައަޅާފަ އެވެ.

ނަސްރުގެ ދުވަސް ފާހަގަކުރަނީ 3 ނޮވެމްބަރު 1988 ގައި ލަންކާގެ ކުލީ ސިފައިންގެ ބަޔަކު ގޮވައިގެން ދިވެހީންގެ ބަޔަކު މާލެއަށް ހަމަލާދިން ދުވަހާ ގުޅުވައިގެންނެވެ.

އެ ދުވަހުގެ އުދުވާނީ ހަމަލާގައި ސިފައިންގެ 8 ބޭކަލަކާއި އާންމުންގެ 11 މީހުން ހިމެނޭހެން 19 ދިވެއްސަކު ޝަހީދުވި އެވެ.