އޮޓޯ ޕާޓްސް ގެލޯ ގެ މުޅިން އައު ފިހާރައެއް ހުޅުމާލޭގައި ހުޅުވައިފި
ވެހިކަލް ސްޕެއަރ ޕާޓްސް ރާއްޖެ އަށް އެތެރެކުރާ މައިގަނޑު އިމްޕޯޓަރަކީ އޮޓޯ ޕާޓްސް
ހުޅުމާލޭގައި އަލަށް ހުޅުވި އޮޓޯ ޕާޓްސް ގެލޯ ފިހާރަ
އޮޓޯ ޕާޓްސް ގެލޯގެ މުޅިން އައު ފިހާރައެއް ހުޅުމާލޭގައި ހުޅުވައިފި އެވެ.
ހުޅުމާލޭގައި ބުރާސްފަތި ދުވަހުގެ ރޭ އޮޓޯ ޕާޓްސް ގެލޯރ ގެ ނަމުގައި އެފިހާރަ ހުޅުވައިދެއްވީ އެކަމަށް ބޭއްވި ޚާއްސަ ރަސްމިއްޔާތެއްގައި އެ ފިހާރައިގެ ވެރިޔާ، މުހައްމަދު ވަހީދު (ސީދީ) އެވެ.
އެފިހާރަ ހުޅުވައިދެއްވުމަށްފަހު ވާހަކަފުޅުދައްކަވަމުން ވަހީދު ވިދާޅުވީ އޮޓޯ ޕާޓްސްގެ އިތުރު ފިހާރައެއް ހުޅުމާލޭގައި ހުޅުވުމަށް ނިންމީ ގިނަ އަދަދެއްގެ ކަސްޓަމަރުންގެ އެދުމުގެ މަތިން ކަމަށެވެ.
އެގޮތުން ހުޅުމާލޭގައި މިހާރު ސައިކަލް އަދި ކާރުފަދަ ވެހިކަލްތައް ދުއްވާ ފަރާތްތަކުން މިހާރު ހުޅުމާލޭގައި ހުންނަ ފިހާރަތަކުން ތަކެތި އަގުބޮޑު ވުމުގެ ސަބަބުން ވަރަށް ގިނަ ކަސްޓަމަރުން އޮޓޯ ޕާޓްސްގެ ފިހާރައެއް ހުޅުމާލޭގައި ހުޅުވައި ދިނުމަށް އެދެމުން ދިއަ ކަމަށް ވަހީދު ވިދާޅުވި އެވެ.
މީގެ އިތުރުން އޮޓޯ ޕާޓްސްގެ ކަސްޓަމަރުން ބޭނުންވާ ހުރިހާ ސާމާނެއް ކައިރިން ލިބޭނެ މަގު ތަނަވަސް ކޮށްދިނުމަކީ ވެސް އެ ފިހާރަ ހުޅުމާލޭގައި ހުޅުވަން ދިމާވި ސަބަބެއް ކަމުގައި ވެސް ހަވީދު ވިދާޅުވި އެވެ.
އަޅުގަނޑުމެންގެ އޮޓޯ ޕާޓްސް ގެލޯގެ އެންމެ ފުރަތަމަ ފިހާރަ ހުޅުވީ މާލޭގަ. މިރޭ ހުޅުވިގެން މިދިއައީ އޭގެ ދެވަނަ ފިހާރަ. އަސްލު ހުޅުމާލޭގައި އޮޓޯ ޕާޓްސްގެ ފިހާރައެއް ހުޅުވަން ޖެހުނީ ވަރަށް ގިނަ ކަސްޓަމަރުންގެ އެދުމުގެ މަތިން. ސައިކަލްފަދަ ވެހިކަލް ދުއްދާ ފަރާތްތަކުން އެމީހުން ގަންނަ ބޭނުންވާ ތަކެތި އަގު ބޮޑުވުމުން އެކަމުގެ ޝަކުވާ ތަކާއި އެކުއޮޓޯ ޕާޓްސް ގެލޯގެ ވެރިޔާ މުހައްމަދު ވަހީދު
ވަހީދު ވިދާޅުވީ ވެހިކަލް ސްޕެއަރ ޕާޓްސް ރާއްޖެ އަށް އެތެރެކުރާ މައިގަނޑު އިމްޕޯޓަރަކީ އޮޓޯ ޕާޓްސް ގެލޯ ކަމަށާއި ޚާއްސަކޮށް ޔުއާސާ ބެޓްރީ، ޕީޓީޓީ އޮއިލް، މިހެން ގޮސް ވަރަށް ގިނަ ތަކެއްޗެއްގެ ޑިސްޓްރިބިއުޓަރަކީ އޮޓޯ ޕާޓްސް ގެލޯ ކަމަށެވެ.
ވަހީދު ވިދާޅުވީ އެ ފިހާރަ ހުޅުމާލޭގައި ހުޅުވަން މަސައްކަތް ކުރާތާ ދުވަސްތަކެއް ވެއްޖެ ކަމަށާއި ނަމަވެސް ތަނެއް ނުލިބިގެން ފިހާރަ ހުޅުވުން ލަސްވީ ކަމަށެވެ. ނަމަވެސް ތަނެއް ލިބުނުހާ އަވަހަށް ފިހާރަ ހުޅުވީ ކަމަށް ވަހީދު ވިދާޅުވިއެވެ.
ވަހީދު ވިދާޅުވީ އެ ފިހާރައިން އަދި ބޭނުންވާ ހުރިހާ ސާމާނެއް ނުލިބުނު ނަމަވެސް، ކުރިއަށް އޮތް ތަނުގައި ބޭނުންވާ ހުރިހާ ބާވަތެއްގެ ސްޕެއަރޕާޓްސް އެއްވެސް އެ ފިހާރައިން ލިބޭނޭ ގޮތް ހަމަޖައްސަން މަސައްކަތް ކުރަމުން އަންނަ ކަމަށެވެ.
ވަހީދު ވިދާޅުވީ އޮޓޯ ޕާޓްސް ގެލޯ އަކީ ފެމިލީ ވިޔަފާރިއެއް ކަމަށާއި އެ ވިޔަފާރި އެންމެ ފުރަތަމަ ފެށިގެން އައީ އަމިއްލަ ގެއިން ކަމަށެވެ. އަދި މިހާރު މި ވިޔަފާރި ފުޅާވަމުން ގޮސް މިހާރު ވިޔަފާރީގެ ތެރޭގައި އުޅެނީ ދަރިން ކަމަށް ވެސް އޭނާ ވިދާޅުވިއެވެ.
ހުޅުމާލޭގައި ހުކުރު ވިލޭރޭ ހުޅުވި އޮޓޯ ޕާޓްސް ފިހާރައިން ގިނަ ތަކެތި ލިބެ ހުރިއިރު، އޭގެތޭގައި ހެލްމެޓް، އެކި ސައިޒުގެ ޓަޔަރުގެ އިތުރުން ތަފާތު ވައްތަރުގެ ސައިކަލް އަދި ކާރު ބެޓްރީ، ސައިކަލަށް އަޅާ ތެޔޮ ފަދަ ތަކެތި ލިބެން ހުރެއެވެ.
އެ ފިހާރައިން މި ހުރިހާ ސާމާނެއް ވެސް ހޯލްސޭލްކޮށް އަދި ރިޓެއިލްކޮށް ވެސް ލިބެން ހުންނާނެ އެވެ.
