އިންޓަ ސްކޫލް ކްރިކެޓް ލީގުގެ ތިން އުމުރުފުރާއެއްގެ ޗެމްޕިއަންކަން ތާޖުއްދީން ހޯދައިފި

ކްރިކެޓް ބޯޑް އޮފް މޯލްޑިވްސްއިން އިންތިޒާމް ކޮށްގެން ބޭއްވި ފަސްވަނަ އިންޓަ ސްކޫލް ކްރިކެޓް ލީގް މުބާރާތުގެ ތިން އުމުރުފުރާ އިން ވެސް ތާޖުއްދީން ސްކޫލް ޗެމްޕިއަންކަން ހޯދައިފި އެވެ.

ކުޅިވަރު އެކުވެނީގެ އެއް ނަމްބަރު ދަނޑުގައި ކުޅުނު 12 އަހަރުގެ ދަށުގެ އުމުރުފުރާގެ ޗެމްޕިއަންކަން ތާޖުއްދީން ސްކޫލް ހޯދިއިރު، ދެވަނަ ހޯދީ މުހިއްޔުއްދީން ސްކޫލެވެ. އަދި ތިންވަނަ ހޯދީ އަމީނިއްޔާ ސްކޫލެވެ.

މުބާރާތުގެ 14 އަހަރުން ދަށުގެ އުމުރުފުރާގެ ޗެމްޕިއަންކަން ތާޖުއްދީން ހޯދިއިރު، ދެވަނަ ހޯދީ ބިލަބޮންގް ހައި އިންޓަނޭޝަނަލް ސްކޫލެވެ. އަދި ތިންވަނަ ހޯދީ ޖަމާލުއްދީން ސްކޫލެވެ.

މުބާރާތުގެ 16 އަހަރުން ދަށުގެ އުމުރުފުރާގެ ޗެމްޕިއަންކަން ތާޖުއްދީން ހޯދިއިރު، ދެވަނަ ހޯދީ އަހުމަދިއްޔާ ސްކޫލެވެ. އަދި ތިންވަނަ ހޯދީ މުހިއްޔުއްދީން ސްކޫލެވެ.

މުބާރާތުގެ އަންހެނުންގެ ބައިން މުހިއްޔުއްދީން ސްކޫލް އެއްވަނަ ހޯދިއިރު، ދެވަނަ ހޯދީ ތާޖުއްދީން ސްކޫލެވެ.

މުބާރާތުގައި ބައިވެރިވި ކޮންމެ ދަރިވަރަކަށް ސެޓްފިކެޓާއި، ކޮންމެ ސްކޫލަކުން އެންމެ މޮޅު ތިން ދަރިވަރުންގެ އިތުރުން ކޮންމެ އުމުރުފުރާއެއްގެ އެންމެ މޮޅު ފަސް ކުޅުންތެރިން ހޮވާ ތައްޓާއި ސެޓްފިކެޓް ވަނީ ދީފައެވެ.

އެގޮތުން 16 އަހަރުން ދަށު އުމުރުފުރާގެ އެންމެ މޮޅު ކުޅުންތެރިއަކަށް އަހުމަދިއްޔާ ސްކޫލްގެ ރަޒީން ހޮވުނުއިރު، އެންމެ މޮޅު އުކުންތެރިއަކަށް ހޮވުނީ ތާޖުއްދީން ސްކޫލްގެ އަހުސަން އެވެ. މި އުމުރުފުރާގެ އެންމެ މޮޅު ވިކެޓް ކީޕަރަކަށް ޝިއުސް ހޮވުނުއިރު، އެންމެ މޮޅު ހޮވުންތެރިޔަކަށް ހޮވުނީ ތާޖުއްދީން ސްކޫލްގެ ލުއައްޔެވެ. އަދި ހުރިހާ ގޮތަކުން އެންމެ މޮޅު ކުޅުންތެރިއަކަށް ހޮވުނީ ތާޖުއްދީން ސްކޫލްގެ އަހުސަންއެވެ.