ސްރީލަންކާ އިން ދިވެހިންނަށް އެއް އަހަރުގެ ވިސާ ދޫކުރަން ނިންމާފައިވާ ކަމަށް ސްރީލަންކާގެ ޚާރިޖީ ވަޒީރު ވިޖިތް ހެރަތް ވިދާޅުވެއްޖެ އެވެ.

މިކަން ހަމަ ޖެހުނީ ކުރިން ދެމުން އައި ދިގު މުއްދަތުގެ ވިސާގެ ޚިދުމަތް ދޭން ލަންކާ ސަރުކާރުން ނިންމުމާ ގުޅިގެން ކަމަށް އޭނާ ވިދާޅުވިއެވެ.

"މިހާތަނަށް އަޅުގަނޑުމެން ދިވެހިންނަށް ދެމުން އައީ ހަމައެކަނި ކުރު މުއްދަތުގެ ވިސާ، ވަކި ޝަރުތުތަކަކާ އެކުގައި،" ޚާރިޖީ ވަޒީރު ވިޖިތް ހެރަތް ކޮލޮމްބޯގައި ވިދާޅުވިއެވެ.

"އޯގަސްޓް 1 އިން ފެށިގެން، އަޅުގަނޑުމެން ދިވެހިންނަށް އެއް އަހަރުގެ ވިސާ ދޫކުރާނަން."

ކުރީގައި ގިނަ އަދަދެއްގެ ދިވެހިން ސްރީލަންކާ އަށް ޒިޔާރަތް ކުރަމުން ގެންދިޔައީ ޚާއްޞަކޮށް ޞިއްޙީ ފަތުރުވެރިންގެ ގޮތުގައި ކަން އޭނާ ފާހަގަ ކުރެއްވިއެވެ.

ނަމަވެސް ގަވާއިދުތައް ހަރުކަށިކުރުމާ ގުޅިގެން ދިވެހިންނަށް ދަތިވެފައިވާ ކަމަށް އޭނާ ވިދާޅުވިއެވެ.

"މިހާރު އަޅުގަނޑުމެން ނިންމުން ބަދަލުކޮށް، ދިވެހިންނަށް އެއް އަހަރުގެ ވިސާ ދޫކުރާނަން،" އޭނާ ވިދާޅުވިއެވެ.

ދިވެހިރާއްޖެ އިން ސްރީލަންކާގެ ފަތުރުވެރިންނަށް ވިސާ އާ ނުލައި ވަނުމުގެ ހުއްދަ ދެއެވެ.

ސްރީލަންކާގެ ރައީސް އަނުރާ ކުމާރާ ޑިސަނާޔަކަ އަންނަ ހަފްތާގައި ދިވެހިރާއްޖެ އަށް ރަސްމީ ދަތުރުފުޅެއް ކުރައްވާނެއެވެ.

ސްރީލަންކާ އިން މިހާރު 7 ޤައުމަކަށް ހިލޭ ވިސާ ދޫކުރަމުންދާއިރު، އިތުރު 47 ޤައުމަކަށް މި ޚިދުމަތް ފުޅާކުރާނެ ކަމަށް އޭނާ ވިދާޅުވިއެވެ.

ފަތުރުވެރިކަމުގެ ދާއިރާ ތަރައްޤީ ކުރުމުގެ މަސައްކަތުގެ ތެރެއިން، ސްރީލަންކާ އިން އިތުރު 40 ޤައުމަކަށް ހިލޭ ފަތުރުވެރި ވިސާ ދޫކުރާނެ ކަމަށް ޚާރިޖީ ވަޒީރު ވިޖިތް ހެރަތް ވިދާޅުވިއެވެ. މިހާރުވެސް ސްރީލަންކާ އިން 7 ޤައުމަކަށް ހިލޭ ވިސާގެ ޚިދުމަތް ދެމުން ގެންދެއެވެ.

"ފާއިތުވި ކެބިނެޓް ބައްދަލުވުމުގައި އަޅުގަނޑުމެން ނިންމީ އިތުރު 40 ޤައުމަކަށް ހިލޭ ވިސާ ދޫކުރަން،" ހެރަތް ކޮލޮމްބޯގައި ބޭއްވުނު 2025 ހޮޓެލް ޝޯގައި ވާހަކަ ދައްކަވަމުން ވިދާޅުވިއެވެ.

މި ނިންމުމުގެ ސަބަބުން ސަރުކާރުގެ އާމްދަނީ އަށް ގާތްގަނޑަކަށް 66 މިލިއަން ޑޮލަރު (19.8 ބިލިއަން ރުޕީސް) ގެ ވިސާ ފީ ގެއްލޭނެ ކަމަށް ވަޒީރު ހެރަތް ވިދާޅުވިއެވެ.