ބަރަހަނާ ފޮޓޯ ހުރިކަމަށް ބުނާ ޓެލެގުރާމް ލިންކަށް ނުފިތާތި، ސަމާލުވޭ!
11 ޖުލައި 2025 | ހުކުރު 17:23ފުލުހުން ވަނީ ފިޝިން ލިންކް މެދުވެރިކޮށް މީހުންގެ ޓެލެގުރާމް ހެކްކުރުމުގެ މައްސަލަތައް އިތުރުވެފައިވާ ކަމަށް ބުނެފަ
ޓެލެގްރާމް ބޭނުންކުރާ މަންޒަރު ފެންނަ ފޮޓޯ އެއް
އޮޅުވާލައިގެން ބައެއް މީހުންގެ ޓެލެގްރާމް އެކައުންޓްތައް ހެކްކުރުމަށް ފަހު އެ އެކައުންޓްތައް މެދުވެރިކޮށް ސްކޭމް ހިންގާ މައްސަލަ އެއް ފެންމަތިވެއްޖެއެވެ.
ފާއިތުވެ ދިޔަ މަހު ރާއްޖޭގެ ބޮޑު ވިޔަފާރިވެރި އެއްގެ ނަމުގައި ޓެލެގުރާމް މެދުވެރިކޮށް ގިނަ ބަޔަކަށް ވަނީ މެސެޖުތަކެއް ފޮނުވާފައެވެ. އިނގިރޭސި ބަހުން ފޮނުވާފައިވާ އެ މެސެޖުގައި ބުނެފައި ވަނީ އެ މެސެޖުގައި ފޮޓޯތައް އެ ލިންކަށް ފިއްތާލުމަށް އެދިފައިވާ ކަމަށެވެ.
މިފަދަ މެސެޖުތަކެއް ފުލުހުންގެ އިސް މަގާމެއްގައި ހުންނެވި ބޭފުޅެއްގެ ނަމުގައި ވެސް ވަނީ ފޮނުވާފައެވެ. ފުލުހުން ވަނީ މިއީ ފޭކް މެސެޖުތަކެއްކަން ހާމަކޮށްފައެވެ. މި މެސެޖުތަކަކީ އެ މީހުންގެ ޓެލެގްރާމް ހެކްކޮށްގެން ފޮނުވާފައިވާ ފިޝިން މެސެޖްތަކެކެވެ.
ފުލުހުން ވަނީ ފިޝިން ލިންކް މެދުވެރިކޮށް މީހުންގެ ޓެލެގުރާމް ހެކްކުރުމުގެ މައްސަލަތައް އިތުރުވެފައިވާ ކަމަށް ބުނެފައެވެ.
