ގައްޒާގެ އުތުރަށް ދިން ހަމަލާތަކުގައި 6 މީހަކު ޝަހީދުކޮށްލައިފި
ހަމަލާ އަމާޒުކުރީ ޖަބާލިޔާ އަލް-ނަޒްލާގެ އުތުރުގައި ހުރި ހަލީމާ އަލް-ސަޢާދިއްޔާ ސްކޫލްގައި ތިބި އާންމުންގެ ބަޔަކަށެވެ. އަދި އިސްރާއީލުން ދިން ހަމަލާއެއްގައި 5 މީހުން ޝަހީދުވި އިރު އިތުރު ބަޔަކު ޒަހަމްވިއެވެ.
ޒަހަމްވެފައިވާ ޣައްޒާގެ ކުޑަކުއްޖަކު ގައިގައި އޭނާގެ މަންމަ ބައްދާލައިގެން
އިސްރާއިލުގެ ސަލާމަތީ ބާރުތަކުގެ ގައްޒާގެ އުތުރަށް ދިން ހަމަލާތަކުގައި 6 މީހަކު ޝަހީދުކޮށްލައިފިއެވެ.
ހުކުރު ދުވަހު ގައްޒާގެ އުތުރުގައި އިސްރާއީލުގެ ހަމަލާތަކުން މަދުވެގެން 6 މީހުން ޝަހީދުވި ކަމަށް ގައްޒާގެ ސިވިލް ޑިފެންސް އޭޖެންސީން ބުނެފައިވާއިރު، އޭގެ ތެރެއިން 5 މީހުން ޝަހީދުވީ ވަގުތީ ބޯހިޔާވަހިކަމެއްގެ ގޮތުގައި ބޭނުންކުރަމުންދިޔަ ސްކޫލަކަށް ދިން ހަމަލާގައެވެ.
ހަމަލާ އަމާޒުކުރީ ޖަބާލިޔާ އަލް-ނަޒްލާގެ އުތުރުގައި ހުރި ހަލީމާ އަލް-ސަޢާދިއްޔާ ސްކޫލްގައި ތިބި އާންމުންގެ ބަޔަކަށެވެ. އަދި އިސްރާއީލުން ދިން ހަމަލާއެއްގައި 5 މީހުން ޝަހީދުވި އިރު އިތުރު ބަޔަކު ޒަހަމްވިއެވެ.
ދެކުނުގައިވާ ގައްޒާ ސިޓީއަށް ދިން އެހެން ހަމަލާއެއްގައި މަދުވެގެން އެކަކު މަރުވެ، އެތައް ބަޔަކަށް ޒަޚަމްވެފައިވާ ކަމަށް އޭޖެންސީން ބުނެފައިވެއެވެ.
ހުކުރު ދުވަހު މެދު ގައްޒާގައި، ނުސެއިރާތުގެ އަލް-އައުދާ ހޮސްޕިޓަލުން ބުނެފައިވަނީ އެހީ ބަހާ ސަރަހައްދެއް ކައިރީގައި ތިބި އާންމުންނަށް އިސްރާއީލު ސިފައިން ބަޑި ޖެހުމުގެ ސަބަބުން އެއްތައް ބަޔަކު ޒަހަމްވެފައިވާ ކަމަށެވެ.
22 މަސް ވެފައިވާ ހަނގުރާމައިގައި ގައްޒާގައި ހިންގާ އޮޕަރޭޝަންތައް އިތުރުކޮށްފައިވާއިރު، ހުކުރު ދުވަހު ދިން ހަމަލާތަކާއި ގުޅިގެން އިސްރާއިލުގެ އަސްކަރިއްޔާއިން އެއްވެސް އެއްޗެއް ބުނެފައިނުވެއެވެ.
މީގެ އިތުރުން ޚާން ޔޫނިސް ސިޓީ ކައިރީގައި އިސްރާއީލީ ޓޭންކުތައް ފެނިފައިވާ ކަމަށާއި، އަނިޔާވެރިކަމާއި ހަމަލާތައް ކުރިއަށްދާ ކަމަށް ދެކުނު ގައްޒާގެ ނަން ހާމަނުކުރާ ގޮތަށް އޭއެފްޕީއާ ވާހަކަދެއްކި ގައްޒާގެ ރައްޔިތެއް ވަނީ ބުނެފައިވެއެވެ.
ހުކުރު ދުވަހުގެ މެންދުރު ކުރީގައި ދިން ހަމަލާތަކުގައި 6 މީހަކު ޝަހީދުކޮށްލާފައިވާ އިރު ބުރާސްފަތި ދުވަހު އެކަނިވެސް ދިން ހަމަލާތަކުގައި 82 މީހަކު ވަނީ ޝަހީދުކޮށްލާފައެވެ. މީގެ ތެރޭގައި ގިނައީ އެހީ ހޯދަން ތިބި މީހުންނެވެ.
