ފަސް ވަނަ މޭރީބްރައުން ޓެނިސް ޗެމްޕިއަންޝިޕް ކާމިޔާބުކަމާއެކު ނިންމާލައިފި
ފިރިހެން ސިންގަލްސް އިވެންޓުގެ ޗެމްޕިއަންކަން ހޯދާފައިވަނި އަހުމަދު ސާއި ވަހީދު
މުބާރާތުގެ ބައެއް ކުޅުންތެރިން
ކޮންމެ އަހަރަކު އެއްފަހަރު މޭރީބްރައުން އިން ސްޕޮންސާ ކޮށްގެން ބާއްވާ "މޭރީބްރައުން ޓެނިސް ޗެމްޕިއަންޝިޕް" ކާމިޔާބުކަމާއެކު ނިންމާލައިފިއެވެ.
މި އޮގަސްޓް މަހުގެ 17 އިން 26 ކުރިޔަށް ގެންދިޔަ މި މުބާރާތުގެ ވަނަވަނައަށް ދިޔަ ފަރާތްތަކަށް ހޯމަ ދުވަހުގެ ރޭ ވަނީ އިނާމު ދީފައެވެ.
މި މުބާރާތުގެ ފިރިހެން ސިންގަލްސް އިވެންޓުގެ ޗެމްޕިއަންކަން ހޯދާފައިވަނި އަހުމަދު ސާއި ވަހީދެވެ. އަދި އަންހެން ސިންގަލްސް އިވެންޓުގެ ޗެމްޕިއަންކަން ހޯދާފައިވަނީ އަޔާނީ މޫސާ ކަލީމްއެވެ. އަންހެން ޑަބަލްސް އިވެންޓުގެ ޗެމްޕިއަންކަން އަޔާނީ މޫސާ ކަލީމް އަދި އައިޝަތު ޔަލާ ހުސައިންގެ ޕެއާ ހޯދިއިރު މިކްސްޑް ޑަބަލްސް އިވެންޓުގެ ޗެމްޕިއަންކަން ހޯދާފައިވަނީ އަޔާނީ މޫސާ ކަލީމް އަދި އަބްދުﷲ ފާއިހް ފަޒީލްގެ ޕެއާއެވެ.
އޯވާ 45 އިވެންޓުގެ ޗެމްޕިއަންކަން އަހުމަދު އަކްރަމް ހޯދިއިރު މި އިވެންޓުގެ ޑަބަލްސް އިވެންޓުގެ ޗެމްޕިއަންކަން ހޯދާފައިވަނީ ހަސަން ޝާމް އަދި މުހައްމަދު އަމީންގެ ޕެއާއެވެ.
އަދި މީގެ އިތުރުން ވެސް އެކި އުމުރުފުރާތަކުން ވަނަވަނައަށް އައި ކުޅުނުތެރިންނަށް ވަނީ އިނާމު ދެވިފައެވެ.
މި މުބާރާތުގައި 47 ފިރިހެން ކުޅުންތެރިންނާއި 37 އަންހެން ކުޅުންތެރިން ވާދަކޮށްފައިވެއެވެ. އަދި މި މުބާރާތުގައި ސިންގަލްސް، ޑަބަލްސް އަދި މިކްސްޑް ޑަބަލްސް މެޗުތައް ކުޅެވިގެންދިޔައެވެ.
