ލޯންޗެއް އެކްސިޑެންޓުވެ ހަތަރު މީހަކަށް އަނިޔާވެއްޖެ
ތިނަދޫ ސިޓީ ފެރީ ޓާމިނަލު ޖެޓީ އަށް ކައިރި ކުރަން އުޅުމުގެ ތެރޭގައި ލޯންޗެއް ކޮންޓްރޯލްނުވެ ގޮސް ޖެޓީގައި ޖެހި އެކްސިޑެންޓެއް ހިނގައި ހަތަރު މީހަކަށް ވަނީ އަނިޔާވެފަ
ލޯންޗެއް އެކްސިޑެންޓުވެ ބަޔަކަށް އަނިޔާވުން: ހަތަރު މީހަކަށް ވަނީ އެކިވަރުގެ އަނިޔާތައް ލިބިފަ
ލޯންޗެއް އެކްސިޑެންޓުވެ ހަތަރު މީހަކަށް އަނިޔާވެއްޖެ އެވެ.
މިކަން ހާމަކޮށް ފުލުހުން މީޑިއާތަކަށް ފޮނުވި މެސެޖެއްގައި ބުނީ ތިނަދޫ ސިޓީ ފެރީ ޓާރމިނަލު ޖެޓީ އަށް ކައިރި ކުރަން އުޅުމުގެ ތެރޭގައި ލޯންޗެއް ކޮންޓްރޯލްނުވެ ގޮސް ޖެޓީގައި ޖެހި އެކްސިޑެންޓެއް ހޯމަ ދުވަހު މެންދުރު ހިނގާފައިވާ ކަމަށެވެ.
ފުލުހުން ބުނީ އެ ލޯންޗުގައި 3 އަންހެނަކަށް އެއް އަހަރުގެ ކުއްޖަކާއި ކެޕްޓަން އަދި ފަޅުވެރިޔާ ހިމެނޭހެން ޖުމްލަ 6 މީހަކު ދަތުރުކުރި ކަމަށެވެ.
އެކްސިޑެންޓުގައި ލޯންޗުގައި ތިބި 2 ފަސެންޖަަރަކާއި ކެޕްޓަން އާއި ފަޅުވެރިޔާއަށް އަނިޔާވެފައިވާ ކަމަށް ފުލުހުން ބުންޏެވެ. އަނިޔާވީ ދިވެހި ދެ ފިރިހެނުން (ކެޕްޓަން 50އ/ކްރޫ 29އ)، ދެ އަންހެނުން (25 އަދި 28) އެވެ.
މި އެކްސިޑެންޓް ގައި ލޯންޗުގައި ތިބި 2 ފަސިންޖަރަކަށާއި ކެޕްޓަން އާއި ފަޅުވެރިއަކަށް އަނިޔާވެފައިވޭޕޮލިސް މީޑިއާ
ފުލުހުން ބުނީ އެ މީހުންނަށް ތިނަދޫ އަބްދުއްސަމަދު މެމޯރިއަލް ހޮސްޕިޓަލްގައި ފަރުވާދެމުންދާ ކަމަށެވެ.
މިފަދަ ނުރައްކާތެރި އެކްސިޑެންޓުތައް ހިނގުން ފަހަކަށް އައިސް އިތުރުވެފައިވާއިރު، މިފަދަ އެކްސިޑެންޓުތަކުން ރައްކާތެރިވުމަށް ހުރިހާ ބޭފުޅުން ވެސް ޚާއްސަ ސަމާލުކަމެއް ދީގެން ދުރާލައި ރައްކާތެރިކަމުގެ ފިޔަވަޅު އެޅުމަށް ފުލުހުން އަބަދުވެސް އަންނަނީ އިލްތިމާސް ކުރައްވަމުންނެވެ.
