ޔުމްނު ވެއްޓުނު ހާދިސާ: ރިޕޯޓު ތަންފީޒު ކުރުމަށް އަންގައިފި، އިހުސާނަށް ފިޔަވަޅު އަޅަން އަންގާފައެއް ނެތް
ޔުމްނު ރަޝީދު ވެއްޓު ހާދިސާގެ ތަހުގީގުގެ ބައެއް މައުލޫމާތު، އެ މައްސަލައިގައި ތުހުމަތުތަކެއް ކުރެވިފައިވާ ރައުދު އަހުމަދު ޒިލާލްގެ ބޭބެ އަދި ރައީސް އޮފީހުގެ ކުރީގެ އަންޑަރސެކެރެޓަރީ ފޯ ޑިޖިޓަލް ސްޓްރެޓެޖީ އަހުމަދު ދާއޫދަށް، ހޯމް މިނިސްޓަރ އަލީ އިހްސާން ތަކުރާރުކޮށް ފޯރުކޮށްދީފައިވާކަން ވަނީ ހާމަވެފަ
ވަޒީރު އަލީ އިހްސާން އަދި ރައީސް މުޢިއްޒު
އޭޕްރިލް 18، ގައި ހ. ފެންޓެނޯއީ ގޭގެ ނުވަ ވަނަ ފަންގިފިލާއިން ހ. މިޓާޒް ގޭގެ ފުރާޅު މައްޗަށް ހައްވާ ޔުމްނު ރަޝީދު ވެއްޓުނު ހާދިސާގެ ތަހުގީގަށް އުފެއްދެވި ރިޔާސީ ކޮމިޝަނުން ނެރުނު ރިޕޯޓުގައި ފާހަގަކުރި ކަންކަން ތަންފީޒު ކުރުމަށް އެންގެވި ނަމަވެސް އިހުސާނަށް ފިޔަވަޅު އަޅަން އަންގާފައެއް ނުވެއެވެ.
ހ.ފެންޓޯނިއާ 9 ވަނަ ފަންގިފިލާގެ ސިޑިގޮޅީގައިވާ ކުޑަދޮރުން ޔުމްނު ރަޝީދު ވެއްޓު ހާދިސާގެ ތަހުގީގުގެ ބައެއް މައުލޫމާތު، އެ މައްސަލައިގައި ތުހުމަތުތަކެއް ކުރެވިފައިވާ ރައުދު އަހުމަދު ޒިލާލްގެ ބޭބެ އަދި ރައީސް އޮފީހުގެ ކުރީގެ އަންޑަރސެކެރެޓަރީ ފޯ ޑިޖިޓަލް ސްޓްރެޓެޖީ އަހުމަދު ދާއޫދަށް، ހޯމް މިނިސްޓަރ އަލީ އިހްސާން ތަކުރާރުކޮށް ފޯރުކޮށްދީފައިވާކަން ވަނީ ހާމަވެފައެވެ. އަދި އެކަން ވަނީ މި މައްސަލަ އާއި ގުޅޭގޮތުން އެކުލަވާލި ރިޔާސީ ބަޔާނުގެ ތަހުގީގު ނިންމާ އެކުލަވާލި ރިޕޯޓުގައި ބަޔާންކޮށްފައެވެ.
ރިޔާސީ ކޮމިޝަނުގެ ރިޕޯޓުގައި ހުރި ބައެއް ކަންކަން ތަންފީޒު ކުރަން ވަނީ އަންގާފައެވެ. އެގޮތުން ރިޕޯޓުގައި ފުލުހުންނާ ގުޅޭގޮތުން ފާހަގަކުރި ކަންކަން ދެވަނަ ފަހަރަށް ތަކުރާރު ނުވެދިނުމަށް ރައީސް މުއިއްޒު ވަނީ ފުލުހުންގެ އެސްއޯޕީތައް ރިވައިސްކޮށް، މުވައްޒަފުން އަހުލުވެރިކޮށް، ތަމްރީނު ދިނުމަށާއި، ޔުމްނު ވެއްޓުނު ހާދިސާގައި ފަރުވާކުޑަކުރި މުވައްޒަފުންގެ މައްސަލަ ބަލައި، އެ މުވައްޒަފުންނާމެދުގައި އިސްލާހީ ފިޔަވަޅު އެޅުމަށް އަންގަވައިފައެވެ.
އަދި މައްސަލައިގައި ހިމެނޭ ރައުދު އަހުމަދު ޒިލާލްގެ ބޭބެ ދާއޫދު އަހުމަދު ފުލުހުންނަށް ދިން ބަޔާނާއި ރިޔާސީ ކޮމިޝަނަށް ދިން ބަޔާނުގައި ތަފާތުތަކެއް ހުރި މައްސަލަ ވެސް ބެލުމަށްވެސް ރައީސް ވަނީ އަންގަވައިފަ އެވެ.
މީގެއިތުރުން ރައީސް ވަނީ ރިޔާސީ ކޮމިޝަނުން ފާހަގަކޮށްފައިވާ ކަންކަން ތަންފީޒު ކުރުމުގެ ގޮތުން އައިޖީއެމްއެޗާއި އެ ހޮސްޕިޓަލުގައި ހުންނަ އެފްޕީޔޫގެ އިދާރީ ކަންކަން ހަރުދަނާ ކުރުމަށް އަޅަންޖެހޭ ފިޔަވަޅު އެޅުމަށް ހެލްތު މިނިސްޓްރީއަށް އަންގައިފަ އެވެ.
ރިޕޯޓާއި ގުޅިގެން ފާހަގަވި ކަންކަމާއި ގުޅިގެން ފިޔަވަޅު އަޅަން އެންގެވި ނަމަވެސް މިހާތަނަށް އެކަމާއި ގުޅިގެން އެޅި އެއްވެސް ފިޔަވަޅެއް ސަރުކާރުން ހާމަކޮށްފައެއް ނުވެއެވެ.
