ބުދަ 02 ޑިސެންބަރު 2020
06 ދޮށަ
1442 ރަބީޢުލްއާޚިރު 16
ފަތިސް 04:40
އިރުއަރާ 05:56
މެންދުރު 11:59
އަސްރު 15:20
އިރުއޮއްސޭ 17:54
އިޝާ 19:11
ކެނަކެނިއަމެބް

“ކެނަކެނިއަމެބް“، ހާޓްއެޓޭކް ޖެހުމުން ސަލާމަތްކޮށްދިނުމުގައި އިންގިލާބެއް ގެނުވާނެ: ދިރާސާ

  • "ކެނަކެނިއަމެބް“ ވެކްސިންގެ ސަބަބުން ހާޓް އެޓޭކް ޖެހުމުގެ ފުރުސަތު އެތައް ގުނައަކުން ކުޑަވެގެންދޭ
  • "ސްޓެޓިން" އަށްވުރެ "ކެނަކެނިއަމެބް“ ގެ ސަބަބުން 24 އިންސައްތަ އިތުރަށް ހާޓްއެޓޭކް ޖެހުމުން ދުރުކޮށްދޭ

ކ. މާލެ | 28 އޯގަސްޓް 2017 | ހޯމަ 09:10 | 7,110

"ކެނަކެނިއަމެބް“ ވެކްސިންގެ ސަބަބުން ހާޓް އެޓޭކް ޖެހުމުގެ ފުރުސަތު އެތަށް ގުނައަކުން ކުޑަވެގެންދޭ - ގޫގުލް

ދިހަ ވަރަކަށް އަހަރުވަންދެން ސައިންސްވެރިން ކުރި ދިރާސާއަކަށްފަހު ހާޓް އެޓޭކް ޖެހުމުން ދުރުކޮށްދޭ ވެކްސިނެއް ތައާރަފްކޮށްފިއެވެ.

 

ހާޓް އެޓޭކް ޖެހުމަށް އެންމެބޮޑަށް މަގުފަހިކުރާ އެއް ސަބަބު ކަމުގައިވާ ލޭގައި ކޮލެސްޓްރޯލް ހުންނަ މިންވަރު ދަށްކުރުމަށް 1980 ގެ އަހަރު ތަކުގައި ތައާރަފްކުރެވުނު ބޭހެެއްކަމުގައިވާ "ސްޓެޓިން" އަށް ފަހު މިފަދަ ޑްރަގެއް އުފެއްދި މީ ފުރަތަމަ ފަހަރެވެ.

 

ތިންމަހުން ތިންމަހުން ޖަހާ "ކެނަކެނިއަމެބް“ވެކްސިންގެ ސަބަބުން ހާޓް އެޓޭކް ޖެހުމުގެ ފުރުސަތު އެތައް ގުނައަކުން ކުޑަވެގެންދެއެވެ. މި ވެކްސިންގެ ޒަރިއްޔާއިން ހާޓްއެޓޭކް ޖެހުމުގެ ފުރުސަތު ކުޑަކޮށްދިނުމުގެ އިތުރުން ފުއްޕާމޭގެ ކެންސަރާއި، އާތްރައިޓިސް އިން ސަލާމަތްކޮށްދޭނެކަމަށް ހޯދުންތަކުން ދައްކައެވެ.

 

މި ހޯދުން ހޯދުމުގައި އެންމެ އިސްކޮށް ހަރަކާތްތެރިވި އިނގިރޭސި ހަވާޑް މެޑިކަލް ސްކޫލްގެ ޕްރޮފެސަރ ޕޯލް ރިޑްކާ ވިދާޅުވީ، ހިތުގެ ބަލިތަކަށް ފަރުވާ ހޯދުމަށް ކުރަމުން އައި ހަނގުރާމައަށް މި ވެކްސިންގެ ސަބަބުން އިންގިލާބެއެް ގެނުވާނެކަމަށެވެ.

 

ކޮލެސްޓްރޯލް ދަށްކުރުމަށް ބޭނުންކުރަމުން މިހާތަނަސް އައިސްފައިވާ އެންމެ މަޝްހޫރު ބޭސްކަމުގައިވާ "ސްޓެޓިން" އަށްވުރެ "ކެނަކެނިއަމެބް “ގެ ސަބަބުން 24 އިންސައްތަ އިތުރަށް ހާޓްއެޓޭކް ޖެހުމުން ދުރުކޮށްދެއެވެ.

 

މި ވެކްސިން ބޭނުން ކޮށްގެން 10000 ހިތުގެ ބަލީގެ މީހުންނަށް ފަރުވާދީގެން ކުރިއަށް ގެންދިޔަ ދިރާސާއެއްގައި، "ކެނަކެނިއަމެބް " ގެ މަތީ ޑޯޒެއް ދިން މީހުންނަށް 24 އިންސައްތަ ހާޓްއެޓޭކް ޖެހުމުން ދުރުކުރެވޭކަމަށް ދިރާސާއިން ވަނީ ހާމވެފައެވެ. އަދި ކެންސަރު ޖެހުމުން 51 އިންސައްތަ، އަދި އޮސްޓިއޯއާތްރައިޓިސް ޖެހުން 33 އިންސައްތަ ވަނީ ދުރުކުރެވިފައިކަމަށް ދިރާސާއިން ވަނީ ދައްކާފައެވެ.

 

ވޭތުވެ ދިޔަ 30 އަހަރު ބޭނުންކުރަމުންއައި ލޭގައި ކޮލެސްޓްރޯލް ދައްކޮށްދޭ ބޭސްކަމުގައިވާ "ސްޓެޓިން" ގައި ހުންނަ ސައިޑް އިފެކްޓްތަކަށް ވުރެ މި ވެކްސިންގެ ސައިޑް އިފެކްޓްވެސް އެތަށް ތަނަކުން ކުޑައެވެ. މި ވެކްސިން އުފެއްދުމަށް 10 ވަރަކަށް އަހަރުގެ ރިސާޗެއް ސައިންސްވެރިން ވަނީ ހަދާފައެވެ.

 

އެންމެ ފަހުން އަޕްޑޭޓް ކުރީ: 8 މަސް ކުރިން | ރިވިއު ކުރީ: ހުސެން ފިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.