ދިވެހި ހައްޖުވެރިންގެ ހާލު ރަނގަޅުކަމަށް ހައްޖު މިޝަން އިން ބުނެފި
ޖުމްލަ ގޮތެއްގައި ހުރިހާ ހައްޖުވެރިންގެ ހާލުވެސް ރަނގަޅު
ޙައްޖުވެރިން ޙައްޖަށް ދާން ފުރުމަށް އެއާޕޯޓުގައި: ރާއްޖޭން ޙައްޖަށް ދިއަ ހުރިހާ ޙައްޖުވެރިންގެ ހާލުވެސް ރަނގަޅުކަމަށް ޙައްޖު ކޯޕަރޭޝަނުން ވަނީ ބުނެފަ
ހައްޖުގެ އަޅުކަން އަދާކުރުމަށް މި އަހަރު ރާއްޖެއިން ދިއުމަށް ހަމަޖެހިފައިވާ 1000 ހައްޖުވެރިން މިހާރު ވަނީ މައްކާއަށް ގޮސްފައިވާ ކަމަށާއި އެ ހުރިހާ ހައްޖުވެރިންގެ ހާލު ވެސް ރަނގަޅު ކަމަށް ހައްޖު މިޝަން އިން ބުނެފި އެވެ.
ދިވެހި ހައްޖުވެރިން މައްކާއަށް ދާން ފުރަންފެށީ މިދިޔަ ހޯމަ ދުވަހުން ފެށިގެންނެވެ. ހައްޖުވެރިންގެ އެންމެ ފަހު ގްރޫޕު ފުރީ މިދިޔަ ހުކުރު ދުވަހުއެވެ.
ހައްޖު މިޝަންއިން ހޮނިހިރު ދުވަހު ހިއްސާކުރި މެސެޖެއްގައި ވަނީ، މައްކާ ރޫޓު އިނީޝިއޭޓިވްގެ ދަށުން ހައްޖުވެރިން ދަތުރުކުރުމުގެ އިންތިޒާމްތަކަށް ވަރަށް ބޮޑު ލުއިފަސޭހައެއް މިއަހަރު ލިބިފައި ވާކަމަށެވެ.
އެގޮތުން ޖިއްދާ އެއާޕޯޓުގައި ހައްޖުވެރިން ހޭދަކުރަން ޖެހޭ ވަގުތު ވަރަށް ބޮޑަށް ކުޑަވިއިރު އެކަމުގެ ހިތްހަމަޖެހުން ހައްޖުވެރިން ފާހަގަކުރާ ކަމަށް ހައްޖު މިޝަންއިން ބުނެއެވެ.
ހައްޖުވެރިންނާ ގުޅޭ ކަންކަން ސައުދީ ސަރުކާރާއި ގުޅިގެން ދިވެހި ހައްޖު މިޝަންއިން ކުރަމުންދާއިރު ސައުދީ ސަރުކާރުގެ ޚާއްސަ މެހެމާންދާރީގައި ރައީސްގެ ދެކަނބަލުން ހޮނިހިރު ދުވަހު ހެނދުނު ވަނީ ހައްޖަށް ފުރާވަޑައިގެންފައެވެ.
މި އަހަރުގެ ހައްޖު ދުވަހަކީ ޖޫން މަހުގެ 5 ވަނަ ދުވަހެވެ.
