ކުޑަ ކުދިންގެ ދުވަހާ ގުޅިގެން ޕިއްޒާ ބޯނާ އިން ހިލޭ ޕިއްޒާ ލިބޭ ޙަރަކާތެއް

މިއަހަރުގެ ކުޑަ ކުދިންގެ ދުވަހާ ގުޅިގެން، ހިލޭ ޕިއްޒާ ލިބޭ ޙަރަކާތެއް ކުރިއަށް ގެންދަން ޕިއްޒާ ބޯނާ އިން ނިންމައިފި އެވެ.

ޕިއްޒާ ބޯނާ އިން ކުރިއަށް ގެންދާ މި ޙަރަކާތުގައި ބައިވެރިވުމަށް، ޕިއްޒާ ބޯނާގެ މެނޫ އިން ކެ ކުއްޖަކަށް އެންމެ ކަމުދާ ޕިއްޒާ ކުރަން ޖެހޭނެ އެވެ. އަދި އެއަށްފަހު، ޕިއްޒާ ބޯނާ ޓެގު ކުރުމަށް ފަހު، އެ ކުރެހުން އިންސްޓަގްރާމްގައި ޕޯސްޓު ކުރަން ޖެހޭނެ އެވެ. އިންސްޓަގްރާމް ނެތް ކުއްޖެއް ނަމަ، ބެލެނިވެރިއެއްގެ އެކައުންޓު މެދުވެރިކޮށް ޕޯސްޓު ކުރުމުގެ ފުރުސަތު ވެސް ވަނީ ދީފަ އެވެ.

މި ޙަރަކާތް ހުޅުވާލާފައި ވަނީ 2025 ވަނަ އަހަރުގެ ޖަނަވަރީ މަހުގެ އެއް ވަނަ ދުވަހަށް، އުމުރުން 12 އަހަރު ފުރިފައި ނުވާ ކުދިންނަށެވެ.

މި ޙަރަކާތުގައި ހުށަހަޅާ ކުރެހުން ކުރަހާފައި ހުންނަން ވާނީ އޭފޯ ސައިޒުގެ ގަނޑެއްގަ އެވެ. ކުރެހުން ކުރެހުމުގައި ފެން ކުލަ، ކްރެޔޮން، މާކަރު އަދި ކުލަ ފަންސޫރު ބޭނުން ކުރެވޭނެ އެވެ. އެހެން ނަމަވެސް، ޑިޖިޓަލް ކުރެހުމެއް މި ޙަރަކާތުގައި ހުށަ ނޭޅޭނެ އެވެ.

މި ޙަރަކާތުގައި ބައިވެރިވުމަށް ކުރަހާ ކުރެހުން ހުށަހަޅަން ޖެހެނީ މާފަންނު، ހެންވޭރު، ހުޅުމާލެ ފޭސް އެކެއް ނުވަތަ ހުޅުމާލެ ފޭސް ދޭއްގައި ހުންނަ ޕިއްޒާ ބޯނާގެ އައުޓްލެޓަށެވެ. ކުރެހުން ހުށަހަޅަން ދީފައިވާ ތާރީޚަކީ މެއި މަހުގެ 12 ވަނަ ދުވަހާއި 13 ވަނަ ދުވަހެވެ.

މި ޙަރަކާތުގައި ބައިވެރިވާ ކޮންމެ ބައިވެރިޔަކަށް، ހިލޭ ޕިއްޒާ ލިބޭ ގިފްޓް ވައުޗަރެއް ދިނުމަށް ޕިއްޒާ ބޯނާ އިން ވަނީ ނިންމައިފަ އެވެ. އަދި މި ޙަރަކާތުގައި ހުށަހަޅާ ކުރެހުންތަކުގެ ތެރެއިން ހޮވާލެވޭ ކުރެހުންތައް، ޕިއްޒާ ބޯނާގެ އައުޓްލެޓް ތަކުގައި އަދި ސޯޝަލް މީޑިއާ އެކައުންޓު ތަކުގައި ވެސް ހިއްސާ ކުރެވޭނެ އެވެ.

މީގެ ކުރިން ވެސް ޕިއްޒާ ބޯނާ އިން ވަނީ މި ޙަރަކާތް ކުރިއަށް ގެންގޮސްފަ އެވެ. މިއީ ޕިއްޒާ ބޯނާ އިން މި ޙަރަކާތް ކުރިއަށް ގެންދާ ތިން ވަނަ އަހަރެވެ. މީގެ ކުރީގެ އަހަރު ތަކުގައި ވެސް މި ޙަރަކާތަަށް ވަނީ ބޮޑު ތަރުޙީބެއް ލިބިފަ އެވެ.

ޕިއްޒާ ބޯނާ އަކީ ދިވެހިންގެ މެދުގައި ބޮޑު މަޤުބޫލު ކަމެއް ހޯދާފައިވާ މަޝްހޫރު ބްރޭންޑެކެވެ. ޕިއްޒާ ބޯނާގެ އައުޓްލެޓުތައް، މާލޭގެ އިތުރުން ހުޅުމާލެ، ހުޅުމާލެ ފޭސް އެކެއް އަދި ފޭސް ދޭއްގައި ވެސް ހުރެ އެވެ.