ޔުމުނު ކަރު ބިނދިފައި އޮތުމުންކުރި އެންމެ ނުރައްކާތެރި ސާރޖަރީ ކާމިޔާބު: އާއިލާ
ޔުމްނުއަށް އިންސާފު ހޯދުމަށް މާލޭގައި ދަނީ ސިލްސިލާކޮށް މުޒާހަރާ ކުރަމުން
ޔުމްން ސާޖަރީއަކީ ސީ7 (ކަރުގެ ތިރީބައިގައި ހުންނަ ކަށިގަނޑަށް) ފަރުވާ ދިނުމަށް ކޮށްފައިވާ ސަރޖަރީއެއް
އެޕްރީލް 18 ވަނަ ދުވަހުގެ ރޭ ފަތިހު ހިނގި ހާދިސާއާއި ގުޅިގެން ހައްވާ ޔުމްނު ރަޝީދަށް މެލޭޝިޔާގައި ފަރުވާ ދެމުންދާއިރު، ޔުމުނު ކަރު ބިނދިފައި އޮތުމުންކުރި އެންމެ ނުރައްކާތެރި ސާރޖަރީ ކާމިޔާބު ކަމަށް އާއިލާއިން ބުނެފި އެވެ.
އާއިލާގެ ފަރާތުން މުހައްމަދު މުއުމިން އެކްސްގައި ކުރި ޕޯސްޓެއްގައި ބުނެފައިވަނީ އަންގާރަ ދުވަހުގެ މެންދުރުފަހު 3 ޖެހިއިރުން ފެށިގެން ޔުމްނު ވަނީ އޮޕަރޭޝަން ތިއޭޓަރުގައި ކަމަށާއި ވޭތުވެދިޔަ 5 ގަޑިއިރު ކުރިއަށްގެންދިޔަ ސަރޖަރީ ކާމިޔާބު ކަމަށެވެ.
މުއުމިން އެކްސްގައި ހިއްސާކޮށްފައިވާ މައުލޫމާތުން ފެންނަ ގޮތުގައި ޔުމްނުގެ ބިނދިފައި އޮތީ ކަރުގެ ތިރީ ބަޔެވެ. މިއަދުގެ ސަރޖަރީ ކުރެވުނީ C7 (ކަރުގެ ތިރީ ބައިގައިވާ ކަށިގަނޑު) ގައި ހުރި ފްރެގްމަންޓް ފްރެކްޗާރ ތަކަށް ފަރުވާދިނުމަށް ކުރެވުނު ސަރޖަރީއެއް ކަމަށާއި މިއީ ޔުމުނު ކުރިމަތިލާން ޖެހުނު އެންމެ ނުރައްކާތެރި ސަރޖަރީކަމަށްވީ ނަމަވެސް ހުރިހާ ކަމެއް ގޮސްފައިވަނީ އޮމާން ކަމާއެކުގައި ކަމަށް މުއުމިން ވަނީ ބުނެފައެވެ.
އަދި މިހާރު އިންޓެންސިވް ކެއަރ ޔުނިޓަށް ޔުމްނު ބަދަލުކޮށްފައިވާއިރު، މީގެ ފަހުން މިފަދަ އިތުރު ސަރޖަރީއެއް ނުކުރާނެ ކަމަށާއި ޔުމްނުގެ ހާލު އަވަހަށް ރަނގަޅުވާނެ ކަމަށް ޑޮކްޓަރުން ބުނެފައިވާ ކަމަށް އާއިލާއިން ވަނީ ބުނެފައެވެ.
ޑޮކްޓަރުންނާއި ވާހަކަ ދެއްކިން، ހުރިހާ ކަމެއްވެސް ރަނގަޅު، ސާރޖަރީ ކާމިޔާބު، މިކަހަލަ އިތުރު ސާޖަރީއެއް ދެން ކުރާކަށް ނުޖެހޭނެ. ހުރިހާ ކަމެއް ރަނގަޅަށް ގޮސްފިއްޔާ ޔުމްނުއަށް ދުވަސްކޮޅެއްގެ ތެރޭގައި އިށީނދެ ވެސް އިނދެވޭނެ.މުހައްމަދު މުއުމިން
މިހާދިސާގައި ޔުމްނުއަށް ބޮޑެތި އަނިޔާތަކެއް ވެފައިވާއިރު މޭކަށިގަނޑު ބިނދުން، އުކުޅުވަޅު، ފަލަމަސްގަނޑަށް ވަނީ ސީރިއަސް ޒަހަމްތަކެއް ވެފައެވެ.
ޔުމްނުއަށް ލިބިފައިވާ އަނިޔާއަށް ފަރުވާ ހޯދަމުންދަނީ މެލޭޝިޔާގައެވެ. އަދި ޔުމްނުއަށް މިލިބުނު އަނިޔާއަށް އިންސާފް ހޯދައިދިނުމަށް ގިނަ ބަޔަކު ދަނީ އަޑުއުފުލަމުންނެއެވެ. މީގެ އިތުރުން ޔުމްނުގެ މައްސަލަ ފުލުހުން ތަހުގީގު ކުރަމުންދާ ގޮތާމެދު ގިނަ ބަޔަކު ދަނީ ހިތްހަމަނުޖެހުން ފާޅުކުރަމުންނެ އެވެ.
ޔުމްނު ވެއްޓިފައި އޮއްވައި ފެނުނީ މި ހިނގާ އޭޕްރީލް 18، ގަ އެވެ.
